تیری آنکھوں میں اگر خواب ہمارے ہوتے

سعید احمد سجاد — جنوری 6، 2021 4:42 شام

سر الف عین
سید عاطف علی
محمّد احسن سمیع :راحل:
اور دیگر احباب سے اصلاح کی درخواست ہے
مہرباں کاش مقدر کے ستارے ہوتے
تجھ کو پھر ہم بھی دل و جان سے پیارے ہوتے
آرزوؤں کے دئیے ہم بھی نہ بجھنے دیتے
تیری آنکھوں میں اگر خواب ہمارے ہوتے
ہم بھی ٹکراتے جہاں سے, تری جانب سے اگر
چاہے مبہم ہی سہی کچھ تو اشارے ہوتے
اپنی قسمت میں اگر وصل کی نعمت ہوتی
اسطرح آج نہ ہم کرب کے مارے ہوتے
بپھری موجوں کے تھپیڑوں میں سنبھل ہی جاتے
ہم جو تقدیر سے طوفاں میں نہ ہارے ہوتے
تُو نے امید کا دامن جو نہ چھوڑا ہوتا
تیرے سودائی کو اتنے نہ خسارے ہوتے
فْاصلے پر ہی سہی ساتھ تو چلتے رہتے
چاہے اک نہر کے ہم دونوں کنارے ہوتے
ہم کو سجاد نہ محشر میں ندامت ہوتی
چند لمحے جو عبادت میں گذارے ہوتے

محمد خلیل الرحمٰن — جنوری 6، 2021 4:49 شام

خوبصورت رواں غزل ہے جس میں اک نغمگی ہے۔ بہت سی داد!

محمد احسن سمیع راحلؔ — جنوری 6، 2021 7:31 شام

اچھی غزل ہے سجاد بھائی، ماشاءاللہ ... غزل کے روایتی مضامین اچھے باندھے ہیں آپ نے.

سعید احمد سجاد نے کہا:
ہم بھی ٹکراتے جہاں سے, تری جانب سے اگر
چاہے مبہم ہی سہی کچھ تو اشارے ہوتے

بس یہاں پہلے مصرعے میں م دونوں "سے" کے درمیان فاصلہ کم ہے جس سے تکرار کا شائبہ ہوتا ہے. میرے خیال میں پہلے مصرعے کی بندش بہتر ہو تو شعر کافی جاندار ہوجائے گا.

سعید احمد سجاد — جنوری 7، 2021 2:25 صبح

محمد خلیل الرحمٰن نے کہا:
خوبصورت رواں غزل ہے جس میں اک نغمگی ہے۔ بہت سی داد!

شکریہ خلیل بھائی تادیر سلامت رہیں

سعید احمد سجاد — جنوری 7، 2021 2:28 صبح

محمّد احسن سمیع :راحل: نے کہا:
اچھی غزل ہے سجاد بھائی، ماشاءاللہ ... غزل کے روایتی مضامین اچھے باندھے ہیں آپ نے.
بس یہاں پہلے مصرعے میں م دونوں "سے" کے درمیان فاصلہ کم ہے جس سے تکرار کا شائبہ ہوتا ہے. میرے خیال میں پہلے مصرعے کی بندش بہتر ہو تو شعر کافی جاندار ہوجائے گا.

شکریہ سر کوشش کرتا ہوں سلامت رہیں راحل بھائی

سعید احمد سجاد — جنوری 7، 2021 6:17 صبح

محمّد احسن سمیع :راحل: نے کہا:
اچھی غزل ہے سجاد بھائی، ماشاءاللہ ... غزل کے روایتی مضامین اچھے باندھے ہیں آپ نے.
بس یہاں پہلے مصرعے میں م دونوں "سے" کے درمیان فاصلہ کم ہے جس سے تکرار کا شائبہ ہوتا ہے. میرے خیال میں پہلے مصرعے کی بندش بہتر ہو تو شعر کافی جاندار ہوجائے گا.

ہم زمانے سے الجھتے , تری جانب سے اگر
چاہے مبہم ہی سہی کچھ تو اشارے ہوتے

محمد خلیل الرحمٰن — جنوری 7، 2021 6:19 صبح

سعید احمد سجاد نے کہا:
ہم زمانے سے الجھتے , تری جانب سے اگر
چاہے مبہم ہی سہی کچھ تو اشارے ہوتے

خوبصورت!

محمداحمد — جنوری 7، 2021 7:02 صبح

بہت خوب سعید احمد سجاد صاحب!
داد قبول فرمائیے۔

سعید احمد سجاد — جنوری 8، 2021 2:28 شام

محمداحمد نے کہا:
بہت خوب سعید احمد سجاد صاحب!
داد قبول فرمائیے۔

شکریہ بھائی