تیری تصویر جو دل میں نہ اتاری جاتی

ایک تازہ غزل عرض ہے۔

استاد محترم الف عین صاحب یہاں تشریف لائیے گا پلیز

۔تشریف لے آیا راجا!!
تیری تصویر جو دل میں نہ اتاری جاتی۔
۔مجھ سے تنہا نہ شبِ ہجر گذاری جاتی
بہتر ہے
ایک اک کر کے چلے جاتے ہیں دوست و دشمن
دیکھیئے کب مری باری ہے پکاری جاتی
دوسرا مصرع یہ بہتر ہے جسے کاپی کیا ہے۔ لیکن پہلا مصرع وزن سے خارج ہے، دوست میں س اور ت میں سے ایک ہی حرف تقطیع میں آ سکتا ہے، دونوں نہیں۔ بدلنے کی کوشش کرو
مجھ کو درپیش ہے اک عمر سے صحرا کا سفر
کیسے پھر توڑی سرابوں سے یہ یاری جاتی
(تو ڑی پھر کیسے سرابوں سے یہ یاری جاتی)
÷÷دونوں متبادل مصرعوں میں ’یہ یاری‘ میں ی کی تکرار بری لگتی ہے۔ اس کو بھی بدلو۔
تھوڑی کوشش کبھی کرتے جو وفا کی تم بھی
یوں نہ بیکار محبت یہ ہماری جاتی
÷÷درست
عشق ہوتا نہ اگر شعر و سخن سے راجا
رات آنکھوں میں کبھی ایسے نہ ساری جاتی
÷دوسرا مصرع مزید روانی چاہتا ہے۔ جیسے
اس طرح آنکھوں میں یہ رات نہ ساری جاتی

الف عین نے کہا:

ایک اک کر کے چلے جاتے ہیں دوست و دشمن
دیکھیئے کب مری باری ہے پکاری جاتی
دوسرا مصرع یہ بہتر ہے جسئ کای کیا ہے۔ لیکن پہلا مصرع وزن سے خارج ہے، دوست میں س اور ت میں سے ایک ہی حرف تقطیع میں آ سکتا ہے، دونوں نہیں۔ بدلنے کی کوشش کرو

مزید نمائش کے لیے کلک کریں۔۔۔

بہت بجا فرمایا انکل آپ نے۔
گر چہ یہ مصرع وزن میں درست ہے (کہ دوست کی تائے فارسی تقطیع میں شمار نہیں ہوگی) اور تقطیع میں دو + سو + دش + من آئے گا۔ لیکن یہ پڑھنے میں کچھ عجیب لگ رہا ہے، اسے بدلنا ہی مناسب رہے گا۔
ایک صورت جو مجھے مناسب لگی :
ایک اِک کر کے چلے جاتے ہیں سب دشمن و دوست
provided کہ انکل اسے درست کہیں اور راجا بھائی کو بھی پسند آئے

مصرع کے آخر میں تو بلا کراہت دوست کی ت گرائی جا سکتی ہے، لیکن درمیان میں؟ اس کی سند ڈھونڈھنا پڑے گی۔
ایک اک کر کے چلے جاتے ہیں دشمن اور دوست
دیکھیئے کب مری باری ہے پکاری جاتی
اب درست ہے، لیکن دو لخت ہونے کا احساس ہوتا ہے مفہوم میں، پہلے بھی تھا، لیکن پہلے نظر دوست و دشمن پر پڑی تھی!!
کھنگالا بہر حال فعولن ہے۔ اس نا نون غنہ ہے، تقطیع میں نہیں آتا، اسی طرح سنبھالا بھی محض ’سبالا‘ تقطیع ہو گا۔

الف عین نے کہا:

مصرع کے آخر میں تو بلا کراہت دوست کی ت گرائی جا سکتی ہے، لیکن درمیان میں؟ اس کی سند ڈھونڈھنا پڑے گی۔
ایک اک کر کے چلے جاتے ہیں دشمن اور دوست
دیکھیئے کب مری باری ہے پکاری جاتی
اب درست ہے، لیکن دو لخت ہونے کا احساس ہوتا ہے مفہوم میں، پہلے بھی تھا، لیکن پہلے نظر دوست و دشمن پر پڑی تھی!!
کھنگالا بہر حال فعولن ہے۔ اس نا نون غنہ ہے، تقطیع میں نہیں آتا، اسی طرح سنبھالا بھی محض ’سبالا‘ تقطیع ہو گا۔

مزید نمائش کے لیے کلک کریں۔۔۔

سر ایک صورت یہ بھی ہو سکتی ہے،
جوق در جوق چلے جاتے ہیں دشمن اور دوست
دیکھیئے کب مری باری ہے پکاری جاتی
( سر اس میں موت کا ذکر ہے کہ سب جا رہے ہیں کیا پتہ کب میری بھی باری آ جائے، پھر دو لخت کیسے ہوا )

استاد محترم الف عین صاحب اگر اس شعر کو یوں کہا جائے تو ؟
مجھ کو درپیش ہے اک عمر سے صحرا کا سفر
رکھی پھر کیسے سرابوں سے نہ یاری جاتی

ایم اے راجا نے کہا:

سر ایک صورت یہ بھی ہو سکتی ہے،
جوق در جوق چلے جاتے ہیں دشمن اور دوست
دیکھیئے کب مری باری ہے پکاری جاتی
( سر اس میں موت کا ذکر ہے کہ سب جا رہے ہیں کیا پتہ کب میری بھی باری آ جائے، پھر دو لخت کیسے ہوا )

مزید نمائش کے لیے کلک کریں۔۔۔

درست ہے یہ شعر۔
صحرا والا شعر بھی درست کہا جا سکتا ہے لیکن روانی نہیں ہے یاری والے مصرع میں