حمد برائے اصلاح

بحر رمل مثمن مشکول مسکّن (مفعول فاعلاتن مفعول فاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھ پر ہی یا رب اپنا ٭ ایمان مانگتا ہوں
ہو تجھ پہ جان میری ٭ قربان مانگتا ہوں
تجھ سے بڑا نہیں ہے ٭ کوئی نہیں ہے یا رب
تجھ سے وفا اے میرے ٭ رحمن مانگتا ہوں
میری بے چینیوں کو ٭ تُو جانتا ہے یا رب
میرے خدا کوئی بھی ٭ درمان مانگتا ہوں
آیا نہیں ہوں میں تو ٭ دنیا میں دل لگانے
لے جائے جو بھی جنّت ٭ سامان مانگتا ہوں
یا رب خطا کو میری ٭ تُو بخش دے اگر تو
تیرا ہی کام ہے یہ ٭ رحمن مانگتا ہوں
ارشد کو اے خدایا ٭ کوئی سزا نہ دینا
تجھ سے دعا اے میرے ٭ سلطان مانگتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تجھ پر ہی یا رب اپنا ٭ ایمان مانگتا ہوں
ہو تجھ پہ جان میری ٭ قربان مانگتا ہوں
قربان مانگنا؟ یہاں ردیف فٹ نہیں ہے
تجھ سے بڑا نہیں ہے ٭ کوئی نہیں ہے یا رب
تجھ سے وفا اے میرے ٭ رحمن مانگتا ہوں
اے کی ے گرانا درست نہیں مانا جاتا۔ محض ہندی الفاظ میں اجازت ہے۔ شعر دو لخت بھی ہے
میری بے چینیوں کو ٭ تُو جانتا ہے یا رب
میرے خدا کوئی بھی ٭ درمان مانگتا ہوں
... بیماریوں کا درماں ہوتا ہے، بے چینیوں کا نہیں، بے چینی کی ے بھی گر رہی ہے ۔ یوں کہیں
بیماریوں کو میری تو جانتا ہے یا رب
ان کا کوئی مناسب درمان ۔۔۔ اگرچہ محض درماں زیادہ مستعمل ہے
آیا نہیں ہوں میں تو ٭ دنیا میں دل لگانے
لے جائے جو بھی جنّت ٭ سامان مانگتا ہوں
. ٹھیک ہے
یا رب خطا کو میری ٭ تُو بخش دے اگر تو
تیرا ہی کام ہے یہ ٭ رحمن مانگتا ہوں
۔۔۔ 'اگر تو' روانی کو متاثر کر رہا ہے، ردیف بھی درست نہیں
ارشد کو اے خدایا ٭ کوئی سزا نہ دینا
تجھ سے دعا اے میرے ٭ سلطان مانگتا ہوں
سلطان اللہ کا لقب نہیں، یہاں رحمان کہہ سکتے ہیں۔ سزا کس جرم کی؟
یوں کہہ سکتے ہیں
میرے گناہوں کی کچھ ارشد، سزا نہ دینا
تجھ سے یہی دعا میں رحمان مانگتا ہوں
یہ مثال کے طور پر، ورنہ تخلص کی نشست درست نہیں۔ لیکن دوسرے مصرعے میں تخلص لانا قافیہ کی وجہ سے اور بھی غلط ہے

پختہ ہو تجھ پہ میرا ٭ ایمان چاہتا ہوں
قربان تجھ پہ کرنا ٭ میں جان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئی بڑا ہو تجھ سے ٭ ممکن نہیں ہے یہ تو
رستے پہ تیرے جینا ٭ رحمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تُو جانتا ہے یا رب ٭ میرے سبھی دکھوں کو
اپنے سبھی دکھوں کا ٭ درمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔
آیا نہیں ہوں میں تو ٭ دنیا میں دل لگانے
لے جائے جو بھی جنّت ٭ سامان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔
میرا یہاں پہ جینا ٭ مشکل بہت ہے یا رب
میرا بنے سہارا ٭ انسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنی سبھی خطاؤں ٭ کی مانگتا ہوں بخشش
اُس نار سے بچانا ٭ احسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنی سبھی خطاؤں ٭ کو مانتا ہے ارشد
یا رب سزا نہ دینا ٭ احسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مطلع ٹھیک ہے اب
تیسرا چوتھا شعر بھی درست ہو گیا ہے
دوسرے شعر میں رستے میں چلا جاتا ہے، جیا نہیں جاتا پھر اس کا اللہ کی بڑائی سے تعلق؟
میرا یہاں پہ جینا ٭ مشکل بہت ہے یا رب
میرا بنے سہارا ٭ انسان چاہتا ہوں
یہ بھی دو لخت لگتا ہے ۔پھر گرامر کی رو سے درست جملہ بھی یوں ہونا چاہئے کہ جو میرا سہارا بنے، وہ انسان چاہتا ہوں
یوں کہیں
کوئی ہو شخص میرا جو بن سکے سہارا
دنیا میں کوئی ایسا انسان چاہتا ہوں
یہ دونوں اشعار ایک جیسے ہیں
اپنی سبھی خطاؤں ٭ کی مانگتا ہوں بخشش
اُس نار سے بچانا ٭ احسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنی سبھی خطاؤں ٭ کو مانتا ہے ارشد
یا رب سزا نہ دینا ٭ احسان چاہتا ہوں
میرا مشورہ ہے کہ مقطع بہتر ہے اسے رکھا جائے لیکن پہلا مصرع یہ بہتر ہو گا
اپنی سبھی خطائیں میں مانتا ہوں ارشد

استادِ محترم آپ کی رائے کے مطابق تبدیلیاں کر دی ہیں ۔مقطع درست کر دیا ہے اور مقطع سے پہلے والا شعر نکال کر دوسرا شامل کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوسرا شعر
۔۔۔۔۔۔۔۔۔۔۔۔۔۔۔
سب راستوں میں رستہ تیرا ہے سب سے اچھا
رستے پہ تیرے چلنا رحمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔
مقطع سے پہلے
۔۔۔۔۔۔۔۔۔۔۔۔۔۔۔۔۔۔۔
محفل مجھے عطا کر جو لوگ سب بھلے ہوں
نیکی کی طرف اپنا میلان چاہتا ہوں
۔۔۔۔۔۔۔۔۔۔۔۔۔۔۔۔۔۔
مقطع
۔۔۔۔۔۔۔۔۔۔۔۔
اپنی سبھی خطائیں میں مانتا ہوں ارشد
یا رب سزا نہ دینا احسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باقی دونوں اشعار درست ہیں لیکن
محفل مجھے عطا کر جو لوگ سب بھلے ہوں
نیکی کی طرف اپنا میلان چاہتا ہوں
طرف وزن میں نہیں، 'سمت' کر دیں یہاں درمیانی حرف پر جزم چاہیے تھا جبکہ طرف کا ر مفتوح ہے
پہلا مصرع بھی روانی چاہتا ہے کہ 'ایسی' کے بغیر بات کا ابلاغ نہیں ہوتا ۔ مثال
محفل عطا کر ایسی جس میں سبھی بھلے ہوں

بہت شکریہ محترم اس تبدیلی کے بعدیہ غزل تو فائنل ہوئیاب دوسری کی تصھیح کرتا ہوں