خون جگر سے درد کا پیغام لکھ دیا (غزل برائے اصلاح)

ہم سے ہوا سوال ، لکھیں دس سلیس لفظ
دس بار ہم نے آپ ہی کا نام لکھ دیا
آہا

عمر سیف نے کہا:

ہم سے ہوا سوال ، لکھیں دس سلیس لفظ
دس بار ہم نے آپ ہی کا نام لکھ دیا
آہا

مزید نمائش کے لیے کلک کریں۔۔۔

اظہارِ لطف اندوزی کا شکریہ جناب!

سلیس اردو میں بات کرتے تو کیا ہی بات تھی ۔۔۔ محمد اسامہ سَرسَری

عمر سیف نے کہا:

سیلس اردو میں بات کرتے تو کیا ہی بات تھی ۔۔۔ محمد اسامہ سَرسَری

مزید نمائش کے لیے کلک کریں۔۔۔

یہ کونسی اردو ہوتی ہے بھائی؟

محمد اسامہ سَرسَری نے کہا:

یہ کونسی اردو ہوتی ہے بھائی؟

مزید نمائش کے لیے کلک کریں۔۔۔

مائی مسٹیک ۔۔۔

عمر سیف نے کہا:

مائی مسٹیک ۔۔۔

مزید نمائش کے لیے کلک کریں۔۔۔

خالص اردو میں بات کرتے تو کیا ہی بات تھی ۔۔۔

مزید نمائش کے لیے کلک کریں۔۔۔

ٹیگ نامہ۔

بہت عمدہ غزل۔
ڈھیروں داد حاضر۔

محمد اسامہ سَرسَری نے کہا:

خون جگر سے درد کا پیغام لکھ دیا
دلگیر خود کو ، ان کو دل آرام لکھ دیا

ہم سے کہا گیا کہ لکھیں دس سلیس لفظ
دس بار ہم نے آپ ہی کا نام لکھ دیا
قصہ تو تھا طویل ، مگر سرسری لکھا
آغاز لکھ رہے تھے کہ انجام لکھ دیا​

مزید نمائش کے لیے کلک کریں۔۔۔

بہت خوب۔ بہت داد قبول فرمائیے جناب

بہت عمدہ جناب۔ تمام اشعار ہی خوب ہیں۔ ڈھیروں داد،

مزمل شیخ بسمل نے کہا:

بہت عمدہ غزل۔
ڈھیروں داد حاضر۔

مزید نمائش کے لیے کلک کریں۔۔۔

جزاکم اللہ خیرا۔۔۔ مگر صرف تعریف پر گزارا کرنا اس زمرے کے شایان شان نہیں۔

محمد خلیل الرحمٰن نے کہا:

بہت خوب۔ بہت داد قبول فرمائیے جناب

مزید نمائش کے لیے کلک کریں۔۔۔

بہت شکریہ جناب عالی توجہ فرمائی کا۔۔۔ جزاکم اللہ خیرا۔۔۔ کچھ اصلاح بھی فرمادیجیے۔

مہدی نقوی حجاز نے کہا:

بہت عمدہ جناب۔ تمام اشعار ہی خوب ہیں۔ ڈھیروں داد،

مزید نمائش کے لیے کلک کریں۔۔۔

اوہ۔۔۔۔ آپ نے تمام اشعار ہی خوب کہہ کر ہمیں خوب پھلادیا ۔۔۔۔ بھیا ہم تو اصلاح کے بھکاری ہیں۔۔۔

بہت خوب سرسری صآحب۔بہت خوب

غزل پر اعتراضات کا ایک ڈھیر ہے جو پیش کرنے کی جسارت کررہا ہوں۔۔۔ اس گزارش کے ساتھ کہ میری کوئی بات حرف آخر نہیں۔۔۔ تمام احباب اختلاف کا حق رکھتے ہیں۔۔
خون جگر سے درد کا پیغام لکھ دیا
دلگیر خود کو ، ان کو دل آرام لکھ دیا
÷÷÷ دل آرام تاریخ کا ایک کردار ہے ۔۔۔ غالبا یہ ایک کنیز تھی کسی بادشاہ کے زمانے میں اور اس کا کردار کچھ اچھا نہیں تھا۔۔ تاریخ میں نے شاید غلط کہا ہو، لیکن کہانی ضرور موجود ہے اور دل آرام سے اسی کی طرف ذہن جاتا ہے ۔۔۔ کردار چاہے مثبت ہو، لیکن یہ کسی خاتون کا نام ضرورہے۔۔۔
ان کے لیے دھڑکنا ، انھی کو پکارنا
اک خط میں ہم نے دل کا ہر اک کام لکھ دیا
۔۔۔شاید دوسرے مصرعے میں "ہر اک" کی جگہ "یہی " کرنے سے کچھ بات بنے ۔۔۔ کیونکہ شعر سے یہ واضح نہیں کہ دل کے یہی دو کام ہیں۔۔۔ ہر اک کام اور وہ دو کام الگ الگ محسوس ہوتے ہیں۔۔۔
پوچھا انھوں نے کیسے ہو؟ ہم نے جواب میں
سہرِ لیالی ، سوزشِ ایام لکھ دیا
÷÷÷ سہر لیالی سے ہم کچھ نہیں سمجھے ۔۔۔ ڈکشنری موجود نہیں ہے۔۔۔ مدد کی درخواست ہے۔۔۔پہلا مصرع کچا ہے۔۔
اے کاش! لوح میں ہمیں لکھا ہو بامراد
وہ نامراد ہے جسے ناکام لکھ دیا
۔۔۔ یہ دونوں مصرعے بھی الگ لگتے ہیں، پہلے میں آپ نے ہمیں کا استعمال کیا یعنی شاعر مراد ہے۔۔۔ دوسرے میں وہ نامراد ہے، تو گویا یہ کوئی دوسری شخصیت ہوئی۔ اگر اس ابہام کو یوں دور کیا جائے کہ پہلے میں آپ نے خواہش کی ، دوسرے میں اس کی وجہ بیان کی تو درست ہے۔۔ لوح کا ابہام اپنی جگہ ہے کیونکہ لوح تختی کو کہتے ہیں، لوح محفوظ مراد ہے تو واضح نہیں۔۔۔
ہم سے کہا گیا کہ لکھیں دس سلیس لفظ
دس بار ہم نے آپ ہی کا نام لکھ دیا
۔۔۔ دس سلیس الفاظ میں آپ کو محبوب کا نام سوجھا، یہ تو بے شک آپ کا عشق ہے، لیکن محبوب کو اعتراض تو ضرور ہوگا کہ کسی بہتر جگہ لکھتے، امتحانی پرچے میں کیوں لکھا۔۔۔ سلیس لفظ سے محبوب کا نام تو بہت بڑی چیز ہے۔۔۔
اس نیٹ کے زمانے میں بے قیس دشت ہے
ہر اک نے دل کا حال سرِ عام لکھ دیا
۔۔ نیٹ کی جگہ انٹرنیٹ بھی لکھیں تو بات نہ بنے گی۔۔ پہلا مصرع بالکل کام کا نہیں۔۔۔ کیونکہ اردو شاعری ، خصوصا غزل میں انگریزی الفاظ کے استعمال کے سب لوگ خلاف ہیں۔۔۔ میں ایسے لوگوں سے اتفاق پر اس لیے مجبور ہوں کیونکہ بذات خود مجھے پوری غزل میں اگر ایک بھی انگریزی کا لفظ استعمال کردیا گیا ہو تو مخمل میں ٹاٹ کا پیوند معلوم ہوتا ہے۔۔۔ دوسرا مصرع اچھا ہے۔۔۔
کوئی نہیں مرض ، نہ بڑھاپے کا لاحقہ
رعشہ بدست کیوں ہو جب اک نام لکھ دیا
۔۔ لاحقہ اور چیز ہے، لاحق ہونا الگ بات۔۔۔ دوسرے مصرعے میں نام لکھنے کے بعد رعشہ بدست ہونا سمجھ سے بالا تر بات ہے۔۔۔ رعشہ بدست کی ترکیب بھی میرے لیے نئی ہے لیکن آپ نے لکھی ہے تو ٹھیک ہوگی۔۔۔ نام لکھنے کے دوران کانپنا سمجھ میں آتا ہے ، اس کے بعد نہیں۔۔۔
قصہ تو تھا طویل ، مگر سرسری لکھا
آغاز لکھ رہے تھے کہ انجام لکھ دیا
۔۔ شعر برا بھی نہیں، لیکن مقطعے کے حساب سے دیکھیں تو زیادہ جاندار بھی نہیں۔۔۔

محمد اسامہ سَرسَری نے کہا:

خون جگر سے درد کا پیغام لکھ دیا
دلگیر خود کو ، ان کو دل آرام لکھ دیا
قصہ تو تھا طویل ، مگر سرسری لکھا
آغاز لکھ رہے تھے کہ انجام لکھ دیا​

مزید نمائش کے لیے کلک کریں۔۔۔

سبحان اللہ، سلامت رہیں محمد اسامہ سَرسَری بھیا، لطف آگیا، بہت خوب غزل کہی، مطلع سے مقطع تک پُر لطف غزل، بہت ساری داد قبول فرمائیں۔

امجد علی راجا نے کہا:

سبحان اللہ، سلامت رہیں محمد اسامہ سَرسَری بھیا، لطف آگیا، بہت خوب غزل کہی، مطلع سے مقطع تک پُر لطف غزل، بہت ساری داد قبول فرمائیں۔

مزید نمائش کے لیے کلک کریں۔۔۔

جزاکم اللہ خیرا جناب کی ذرہ نوازی ہے۔ اللہ ہمیشہ خوش رکھے۔