در کھلا رکھتے ہیں، گھر کو بھی سجا دیتے ہیں

در کھلا رکھتے ہیں، گھر کو بھی سجا دیتے ہیں
رات بھر دل کو ہم ایسے ہی دغا دیتے ہیں
سانس تھم جاتی ہے، دھڑکن بھی بگڑ جاتی ہے
جب وہ چہرے پہ گری زلف ہٹا دیتے ہیں
تیری یادوں نے مجھے نیند سے محروم کیا
سو بھی جائوں تو ترے خواب جگا دیتے ہیں
بات چھوٹی ہی سہی، رسمِ زمانہ ہے یہی
حسبِ توفیق سبھی لوگ ہوا دیتے ہیں
اب تو وعدہ جو کرے کوئی تو یاد آتا ہے
وقت پڑنے پہ کئی لوگ دغا دیتے ہیں
سلسلہ باندھ لیا تم نے ستم کرنے کا
اس طرح لوگ محبت کا صلہ دیتے ہیں؟
بعد مرنے کے مرے بھی نہ تیرا دل پگھلا
ایک دو اشک تو دشمن بھی بہا دیتے ہیں
اس سے بڑھ کر بھی کوئی ظرف کا پیکر ہوگا
اپنے قاتل کو بھی جینے کی دعا دیتے ہیں
رات بھر ساتھ نبھاتے ہیں ستارے راجا
دن نکلتا ہے تو پھولوں کو جگا دیتے ہیں

راجا صاحب کی شاعری میں جذباتیت بہت ہے۔

بہت خوب۔ گرم نرم فی البدیہہ شاعری پر
آپ کا انعام آپ کے مانگنے سے پہلے حاضر ہے۔

بہت خوب جناب

ہاہاہاہاہاہا، عبدل القدوس بھائی! یہ تحفہ تو میں گھر جا کر کھولوں گا، شاید میری بیوی کو یقین آ ہی جائے کہ میں واقعی "شاعر" ہوں
اتنی بے پناہ محبت نے مجھے جذباتی کردیا

باباجی نے کہا:

بہت خوب جناب

مزید نمائش کے لیے کلک کریں۔۔۔

شکریہ بابا جی

اچھی غزل ہے راجا، اوزان کے لحاظ سے بالکل درست ہے، کہیں کہیں روانی یا معنوی طور پر کچھ کمزوری محسوس ہوتی ہے۔ تفصیلی رائے بعد میں۔ فی الحال کاپی پیسٹ کر رہا ہوں

بہت بہت شکریہ، آپ نے میرے لئے وقت نکالا، جزا ک اللہ۔ اب مجھے شدت سے انتظار رہے گا۔

خوبصورت غزل ہے راجا بھائی۔ بہت ساری داد قبول کیجیے

امجد علی راجا نے کہا:

بعد مرنے کے مرے بھی نہ تیرا دل پگھلا
ایک دو اشک تو دشمن بھی بہا دیتے ہیں

مزید نمائش کے لیے کلک کریں۔۔۔

مندرجہ بالا شعر میں شاید ٹائیپوہے۔ تیرا کی جگہ ترا ہونا چاہیے۔ کہیے تو تدوین کردیں؟

امجد علی راجا نے کہا:

ہاہاہاہاہاہا، عبدل القدوس بھائی! یہ تحفہ تو میں گھر جا کر کھولوں گا، شاید میری بیوی کو یقین آ ہی جائے کہ میں واقعی "شاعر" ہوں
اتنی بے پناہ محبت نے مجھے جذباتی کردیا

مزید نمائش کے لیے کلک کریں۔۔۔

بھائی کیوں شرمندہ کررہے ہیں۔

محمد خلیل الرحمٰن نے کہا:

خوبصورت غزل ہے راجا بھائی۔ بہت ساری داد قبول کیجیے
مندرجہ بالا شعر میں شاید ٹائیپوہے۔ تیرا کی جگہ ترا ہونا چاہیے۔ کہیے تو تدوین کردیں؟

مزید نمائش کے لیے کلک کریں۔۔۔

خلیل الرحمن بھائی، بہت بہت شکریہ۔
ہاں جی، بلکل تدوین کردیں۔

در کھلا رکھتے ہیں، گھر کو بھی سجا دیتے ہیں
رات بھر دل کو ہم ایسے ہی دغا دیتے ہیں
//مفہوم سمجھ میں نہیں آیا۔ دغا سے یہاں مراد کیا ‘’دھوکا‘ ہے؟ ایک جگہ کھلا ‘رکھتے‘ ہیں، تو دوسری جگہ بھی ’رکھتے‘ ہی ہونا چاہئے۔ لیکن زمین کی وجہ سے پہلے مصرع میں در کا فعل بدل دو۔
در کو بھی کھولتے ہیں، گھر بھی سجا دیتے ہیں
سانس تھم جاتی ہے، دھڑکن بھی بگڑ جاتی ہے
جب وہ چہرے پہ گری زلف ہٹا دیتے ہیں
//درست
تیری یادوں نے مجھے نیند سے محروم کیا
سو بھی جائوں تو ترے خواب جگا دیتے ہیں
//درست
بات چھوٹی ہی سہی، رسمِ زمانہ ہے یہی
حسبِ توفیق سبھی لوگ ہوا دیتے ہیں
//درست
اب تو وعدہ جو کرے کوئی تو یاد آتا ہے
وقت پڑنے پہ کئی لوگ دغا دیتے ہیں
//درست
سلسلہ باندھ لیا تم نے ستم کرنے کا
اس طرح لوگ محبت کا صلہ دیتے ہیں؟
//درست، ویسے سلسلہ باندھ لیا کی جگہ کچھ بہتر فقرہ لایا جا سکتا ہے۔
بعد مرنے کے مرے بھی نہ تیرا دل پگھلا
ایک دو اشک تو دشمن بھی بہا دیتے ہیں
//پہلا مصرع رواں نہیں، اس کو یوں کر دو
میرے مرنے پہ بھی دل اس کا پگھل کر نہ دیا
یا
نہ پگھلنا تھا اسے اور نہ پگھلا پس مرگ
یا اس قسم کا کوئی اور مصرع
اس سے بڑھ کر بھی کوئی ظرف کا پیکر ہوگا
اپنے قاتل کو بھی جینے کی دعا دیتے ہیں
//اس میں معلوم نہیں ہوتا کہ یہ ہمارا ذکر ہے
ہم تو قاتل کو بھی جینے کی دعا دیتے ہیں
رات بھر ساتھ نبھاتے ہیں ستارے راجا
دن نکلتا ہے تو پھولوں کو جگا دیتے ہیں
//خوب۔
مجموعی طور سے ایک کامیاب غزل

ہم کو عمدہ سی کوئی غزل سنانی ہو تو
راجا صاحب کی یہی غزل سنا دیتے ہیں

الف عین نے کہا:

در کھلا رکھتے ہیں، گھر کو بھی سجا دیتے ہیں
رات بھر دل کو ہم ایسے ہی دغا دیتے ہیں
//مفہوم سمجھ میں نہیں آیا۔ دغا سے یہاں مراد کیا ‘’دھوکا‘ ہے؟ ایک جگہ کھلا ‘رکھتے‘ ہیں، تو دوسری جگہ بھی ’رکھتے‘ ہی ہونا چاہئے۔ لیکن زمین کی وجہ سے پہلے مصرع میں در کا فعل بدل دو۔
در کو بھی کھولتے ہیں، گھر بھی سجا دیتے ہیں
سانس تھم جاتی ہے، دھڑکن بھی بگڑ جاتی ہے
جب وہ چہرے پہ گری زلف ہٹا دیتے ہیں
//درست
تیری یادوں نے مجھے نیند سے محروم کیا
سو بھی جائوں تو ترے خواب جگا دیتے ہیں
//درست
بات چھوٹی ہی سہی، رسمِ زمانہ ہے یہی
حسبِ توفیق سبھی لوگ ہوا دیتے ہیں
//درست
اب تو وعدہ جو کرے کوئی تو یاد آتا ہے
وقت پڑنے پہ کئی لوگ دغا دیتے ہیں
//درست
سلسلہ باندھ لیا تم نے ستم کرنے کا
اس طرح لوگ محبت کا صلہ دیتے ہیں؟
//درست، ویسے سلسلہ باندھ لیا کی جگہ کچھ بہتر فقرہ لایا جا سکتا ہے۔
بعد مرنے کے مرے بھی نہ تیرا دل پگھلا
ایک دو اشک تو دشمن بھی بہا دیتے ہیں
//پہلا مصرع رواں نہیں، اس کو یوں کر دو
میرے مرنے پہ بھی دل اس کا پگھل کر نہ دیا
یا
نہ پگھلنا تھا اسے اور نہ پگھلا پس مرگ
یا اس قسم کا کوئی اور مصرع
اس سے بڑھ کر بھی کوئی ظرف کا پیکر ہوگا
اپنے قاتل کو بھی جینے کی دعا دیتے ہیں
//اس میں معلوم نہیں ہوتا کہ یہ ہمارا ذکر ہے
ہم تو قاتل کو بھی جینے کی دعا دیتے ہیں
رات بھر ساتھ نبھاتے ہیں ستارے راجا
دن نکلتا ہے تو پھولوں کو جگا دیتے ہیں
//خوب۔
مجموعی طور سے ایک کامیاب غزل

مزید نمائش کے لیے کلک کریں۔۔۔

شکریہ استادِ محترم، آپ کی محبت، محنت اور توجہ نے میرے الفاظ میں جان ڈال دی۔ اللہ پاک آپ کو سلامت رکھے، تندرست و توانا رکھے۔

محمد اسامہ سَرسَری نے کہا:

ہم کو عمدہ سی کوئی غزل سنانی ہو تو
راجا صاحب کی یہی غزل سنا دیتے ہیں

مزید نمائش کے لیے کلک کریں۔۔۔

جزاک اللہ اسامہ بھیا! آپ حوصلہ افزائی کر دیتے ہیں تو اندر کا شاعر مطمئن ہو جاتا ہے۔

امجد علی راجا نے کہا:

جزاک اللہ اسامہ بھیا! آپ حوصلہ افزائی کر دیتے ہیں تو اندر کا شاعر مطمئن ہو جاتا ہے۔

مزید نمائش کے لیے کلک کریں۔۔۔

ارئے بھائی حوصلہ افزائی تو بڑوں کا کام ہے، میں تو بس آپ جیسوں کو مکھن لگا رہا ہوں۔

محمد اسامہ سَرسَری نے کہا:

ارئے بھائی حوصلہ افزائی تو بڑوں کا کام ہے، میں تو بس آپ جیسوں کو مکھن لگا رہا ہوں۔

مزید نمائش کے لیے کلک کریں۔۔۔

میری طرح یقینا آپ بھی اچھی شوہر ثابت ہوئے ہیں، مکھن لگانے کا ہنر بھلا ہر کسی کے نصیب میں کہاں؟
آپ حوصلہ افزائی فرمایا کریں، میرے لئے آپ بڑے ہی ہیں، بہت قابلِ احترام بھائی۔

امجد علی راجا نے کہا:

میری طرح یقینا آپ بھی اچھی شوہر ثابت ہوئے ہیں، مکھن لگانے کا ہنر بھلا ہر کسی کے نصیب میں کہاں؟
آپ حوصلہ افزائی فرمایا کریں، میرے لئے آپ بڑے ہی ہیں، بہت قابلِ احترام بھائی۔

مزید نمائش کے لیے کلک کریں۔۔۔

”اچھی شوہر“
میرے خیال میں بیچ میں ”کا“ چھوٹ گیا ہے۔

اب تو وعدہ جو کرے کوئی تو یاد آتا ہے
وقت پڑنے پہ کئی لوگ دغا دیتے ہیں