دیکھا ہے نہیں کیا کچھ گلزار ِ مدینہ میں - نعت پاک

loneliness4ever — اپریل 9، 2015 9:53 شام

نعت رسول مقبول صلی اللہ علیہ وآلہ وسلم
دیکھا ہے نہیں کیا کچھ گلزار ِ مدینہ میں
جنت ہی سمٹ آئی اک خار ِ مدینہ میں
دل کو ہے کیا روشن عالم کو کیا خیرہ
ایسی ہے ضیا دیکھی انوار ِ مدینہ میں
شاہد ہے جہاں سارا عالم کے طبیبوں نے
کچھ روگ نہیں پایا بیمار ِ مدینہ میں
واعظ کو ملی جنت عاشق کو ملا خالق
ملتی ہیں مرادیں سب اذکار ِ مدینہ میں
افلاک پہ چرچا ہے رفقا میں فرشتے ہیں
مخمور جو ڈوبا ہے افکار ِ مدینہ میں

عبدالقیوم چوہدری — اپریل 9، 2015 11:37 شام

واعظ کو ملی جنت عاشق کو ملا خالق
ملتی ہیں مرادیں سب اذکار ِ مدینہ میں
افلاک پہ چرچا ہے رفقا میں فرشتے ہیں
مخمور جو ڈوبا ہے افکار ِ مدینہ میں
۔۔۔
سبحان اللہ، ماشااللہ
جزاک اللہ مخمور بھائی۔

فاروق احمد بھٹی — اپریل 10، 2015 9:05 صبح

بہت خوب کیا کہنے۔ سبحان اللہ، ماشااللہ، جزاک اللہ، مخمور بھائی۔