راتوں کو اٹھ کے رب سے کرتا ہوں میں دعائیں

ارشد چوہدری — اگست 5، 2022 2:32 صبح

الف عین
محمد عبدالرؤوف
عظیم
سید عاطف علی
محمّد احسن سمیع :راحل
------------
راتوں کو اٹھ کے رب سے کرتا ہوں میں دعائیں
یا رب تُو دور کر دے میری سبھی بلائیں
-----------
دل میں امید لے کر آیا ہوں تیرے در پر
کر دے معاف میری یا رب سبھی خطائیں
--------
برکت کو ڈالتا ہے اس میں خدا ہمارا
رزقِ حلال اپنا محنت سے جب کمائیں
--------
دنیا کی ہر ضرورت اپنے خدا سے مانگیں
غیروں کے در پہ جا کر ہرگز نہ سر جھکائیں
-----------
چاہا تھا میں نے جس کو محبوب مل گیا ہے
یہ وصل کی ہیں راتیں خوشیاں نہ کیوں منائیں
------------
چہرہ ہے ان کا ایسے جیسے ہو چاند روشن
زلفیں سیاہ جیسے چھائی ہوئیں گھٹائیں
--------------
کیوں دیکھتے ہیں مجھ کو ترچھی نگاہ کر کے
جو بات دل میں ہے وہ آ کر مجھے بتائیں
-----------
دیکھے بغیر ان کو دل ہے اداس میرا
کہہ دیں کہ آ رہے ہیں تب گھر کو پھر سجائیں
---------
لوگوں کی ہے یہ عادت رکھتے ہیں بغض دل میں
رستہ کسی کو سیدھا ہرگز نہ یہ بتائیں
-----------
مدّت ہوئی ہے بچھڑے پھر بھی ہے آس دل میں
شائد وہ سوچ بدلیں ، شائد وہ لوٹ آئیں
-----------
ارشد یہ کہہ رہا ہے لوگوں سے بات دل کی
ہرگز نہ آس دل میں رب کے سوا لگائیں

میم الف — اگست 5، 2022 3:27 صبح

دن میں بھی کیا کریں، ارشد بھائی

ارشد چوہدری — اگست 5، 2022 3:32 صبح

محترم میں اگر دن میں لکھوں گا تو آپ کی رات ہو گی اور آپ جاگ نہ رہے ہوں

میم الف — اگست 5، 2022 3:38 صبح

جاگ لیں گے
عبدالرؤوف بھائی نے ہمیں محفل میں حاضری کا حکم دیا ہے
ہم صبح سویرے سات بجے حاضر ہو گئے ہیں لیکن غالبا وہ ابھی تک سوئے ہوئے ہیں۔

ارشد چوہدری — اگست 5، 2022 3:40 صبح

کوشش کروں گا دن میں بھی لکھنے کی

ارشد چوہدری — اگست 5، 2022 5:29 شام

الف عین

الف عین — اگست 5، 2022 6:17 شام

دن میں لکھنے کی بات نہیں، میرے خیال میں دن میں بھی دعائیں کرنے کی بات کر رہے ہیں میم الف

الف عین — اگست 5، 2022 6:38 شام

ارشد چوہدری نے کہا:
الف عین
محمد عبدالرؤوف
عظیم
سید عاطف علی
محمّد احسن سمیع :راحل
------------
راتوں کو اٹھ کے رب سے کرتا ہوں میں دعائیں
یا رب تُو دور کر دے میری سبھی بلائیں
-----------

میری بلائیں مجھے محاورہ کے خلاف لگ رہا ہے، مجھ سے بَلائیں درست ہو گا، یا مجھ سے مری بلائیں اس سے بھی بہتر! پتہ نہیں پاکستان میں شاید میری بلا ان معنوں میں استعمال کیا جاتا ہو۔ ورنہ میری بلا عموماً " مری بلا سے بھاڑ میں جاؤ" قسم کا مختلف استعمال ہوتا ہے، واحد میں!

ارشد چوہدری نے کہا:
دل میں امید لے کر آیا ہوں تیرے در پر
کر دے معاف میری یا رب سبھی خطائیں
--------

درست

ارشد چوہدری نے کہا:
برکت کو ڈالتا ہے اس میں خدا ہمارا
رزقِ حلال اپنا محنت سے جب کمائیں
--------

برکت کو ڈالنا محاورہ نہیں ۔ برکت ڈالنا، برکت بڑھانا یا برکت میں اضافہ کرنا درست محاورے ہیں

ارشد چوہدری نے کہا:
دنیا کی ہر ضرورت اپنے خدا سے مانگیں
غیروں کے در پہ جا کر ہرگز نہ سر جھکائیں
-----------

درست

ارشد چوہدری نے کہا:
چاہا تھا میں نے جس کو محبوب مل گیا ہے
یہ وصل کی ہیں راتیں خوشیاں نہ کیوں منائیں
------------

یہ وصل کی ہیں راتیں اضافی فقرہ لگ رہا ہے، دوسری بات یہ کہ جب صرف اپنی ہی بات کر رہے ہیں کہ مجھے محبوب مل گیا ہے تو "منائیں" نہین، "مناؤں" ہونا چاہیے۔ ورنہ دونوں مصرعوں کے الفاظ بدلے جائیں

ارشد چوہدری نے کہا:
چہرہ ہے ان کا ایسے جیسے ہو چاند روشن
زلفیں سیاہ جیسے چھائی ہوئیں گھٹائیں
--------------

درست

ارشد چوہدری نے کہا:
کیوں دیکھتے ہیں مجھ کو ترچھی نگاہ کر کے
جو بات دل میں ہے وہ آ کر مجھے بتائیں
-----------

درست

ارشد چوہدری نے کہا:
دیکھے بغیر ان کو دل ہے اداس میرا
کہہ دیں کہ آ رہے ہیں تب گھر کو پھر سجائیں
---------

تین مختلف باتیں لگ رہی ہیں، ربط کے بغیر

ارشد چوہدری نے کہا:
لوگوں کی ہے یہ عادت رکھتے ہیں بغض دل میں
رستہ کسی کو سیدھا ہرگز نہ یہ بتائیں
-----------

بیانیہ اچھا نہیں، ویسے ٹھیک ہے ۔ بتاتے ہیں محاورہ ہے

ارشد چوہدری نے کہا:
مدّت ہوئی ہے بچھڑے پھر بھی ہے آس دل میں
شائد وہ سوچ بدلیں ، شائد وہ لوٹ آئیں
-----------

ٹھیک

ارشد چوہدری نے کہا:
ارشد یہ کہہ رہا ہے لوگوں سے بات دل کی
ہرگز نہ آس دل میں رب کے سوا لگائیں

مخاطب سے واقعی بالمشافہ خطاب ہو تو بھلے ہی یہ کیا جا سکتا ہے کہ بیٹھیں، سنیں، سنائیں۔ لیکن اس کا محض شک ہو تو محاورہ یہ سمجھا جائے گا کہ ہم سب ایسا کریں( جیسے مطلع میں ہے)۔ لیکن جب محض اس گفتگو کا ذکر ہو رہا ہے تو درست محاورہ ہو گا کہ آس نہ لگائی جائے۔

ارشد چوہدری — اگست 5، 2022 9:01 شام

الف عین
(اصلاح)
------------
راتوں کو اٹھ کے رب سے کرتا ہوں میں دعائیں
یا رب تُو دور کر دے مجھ سے مری بلائیں
-----------
ہوتی ہے اس میں برکت رب کی طرف سے شامل
-----یا
برکت عطا کرے گا اس میں خدا ہمارا
رزقِ حلال اپنا محنت سے جب کمائیں
------
اک دوسرے کو ہم نے قسمت سے پا لیا ہے
یہ وصل کی ہیں راتیں خوشیاں نہ کیوں منائیں
------------یا
خوشیوں کے کیوں نہ نغمے دونوں ہی مل کے گائیں
-----------
چھائی ہے رات غم کی ان کے بغیر دل میں
یہ حال ہے ہمارا کیسے انہیں بتائیں
-------------
ارشد کی زندگی میں کیوں ہیں یہ غم ہزاروں
آئیں گی کب بہاریں ،جائیں گی کب خزائیں
------------

ارشد چوہدری — اگست 6، 2022 2:16 صبح

میم الف نے کہا:
دن میں بھی کیا کریں، ارشد بھائی

دن شرارتوں کے لئے اور رات دعائیں اور معافی تلافی کے لئے

یاسر شاہ — اگست 6، 2022 5:34 صبح

ارشد چوہدری نے کہا:
دن شرارتوں کے لئے

کیا کیا شوق فرماتے ہیں؟

ارشد چوہدری — اگست 6، 2022 11:00 صبح

یاسر شاہ نے کہا:
کیا کیا شوق فرماتے ہیں؟

ہر قسم کے گناہ ،جب بندہ گناہ نہیں کرے گا تو معافی کیسے مانگے گا۔اس خوف سے بندہ گناہ نہ کرے کہ گناہ کر کے جنٰٰت نہیں ملے گی۔میں ایسے بزدلوں میں سے نہیں ہوں،میں تو سمجھتا ہوں گناہ کرو اور توبہ کرو، معافی مانگو(کلُٰٰ بنی آدم خطاون و خیر الخطاؤن توٰٰابون)تمام انسان خطاکار ہیں اور ان میں بہتر وہ ہیں جو توبہ کرتے ہیں،بخشش کا یقین ہونا چاہئے،گناہ اور توبہ دونوں کا مزہ لینا چاہئے۔شاہ جی میرے اشعار دیکھ لیا کریں اور مشورے عطا کیا کریں،ویسے اب میں بوڑھا ہو گیا ہوں ،عملی گناہ کے تو قابل نہیں بس ونڈو شاپنگ کرتا ہوں

یاسر شاہ — اگست 6، 2022 7:52 شام

ارشد چوہدری نے کہا:
ویسے اب میں بوڑھا ہو گیا ہوں ،عملی گناہ کے تو قابل نہیں بس ونڈو شاپنگ کرتا ہوں

چودھری صاحب کمال تو یہ ہے کہ ہم گناہ چھوڑ دیں نہ کہ گناہ ہمیں چھوڑ دیں ۔آپ نے یہ تو سنا ہوگا شاعری میں کہ فلاں لفظ اب متروک ہو گیا استعمال نہیں کرنا ۔لہذا متروک نہیں تارک ہونا چاہیے۔

ارشد چوہدری — اگست 6، 2022 8:05 شام

ہاں شاہ جی کوشش تو یہی کرنی چاہئے مگر جب اللہ نے کہہ دیا کہ تمام انسان خطا کار ہیں اور توبہ کرنے والے اسے پسند ہیں تو حتمی طور پر تو بچا نہیں جا سکتا ہاں البتہ بالارادہ گناہ کرنے اور گناہ ہو جانے میں فرق ہے۔خدا گناہوں سے بچتے کی توفیق عطا فرمائے،آمین

یاسر شاہ — اگست 7، 2022 9:55 صبح

ارشد چوہدری نے کہا:
ہاں شاہ جی کوشش تو یہی کرنی چاہئے مگر جب اللہ نے کہہ دیا کہ تمام انسان خطا کار ہیں اور توبہ کرنے والے اسے پسند ہیں تو حتمی طور پر تو بچا نہیں جا سکتا ہاں البتہ بالارادہ گناہ کرنے اور گناہ ہو جانے میں فرق ہے۔خدا گناہوں سے بچتے کی توفیق عطا فرمائے،آمین

آپ بھی آج مشاعرے میں شرکت کیجیے گا

ارشد چوہدری — اگست 7، 2022 2:53 شام

یاسر شاہ نے کہا:
آپ بھی آج مشاعرے میں شرکت کیجیے گا

شاہ جی بہت معذرت ، میں حصّہ نہیں لے سکوں گا کیونکہ میرے گھر میں آج بہت بڑا فنکشن ہے۔سال میں ایک دفہ سارے خاندان اور دوستوں کو انوائٹ کرتا ہوں۔

الف عین — اگست 7، 2022 5:27 شام

ارشد چوہدری نے کہا:
الف عین
(اصلاح)
------------
راتوں کو اٹھ کے رب سے کرتا ہوں میں دعائیں
یا رب تُو دور کر دے مجھ سے مری بلائیں
-----------
ہوتی ہے اس میں برکت رب کی طرف سے شامل
-----یا
برکت عطا کرے گا اس میں خدا ہمارا
رزقِ حلال اپنا محنت سے جب کمائیں
------
اک دوسرے کو ہم نے قسمت سے پا لیا ہے
یہ وصل کی ہیں راتیں خوشیاں نہ کیوں منائیں
------------یا
خوشیوں کے کیوں نہ نغمے دونوں ہی مل کے گائیں
-----------
چھائی ہے رات غم کی ان کے بغیر دل میں
یہ حال ہے ہمارا کیسے انہیں بتائیں
-------------
ارشد کی زندگی میں کیوں ہیں یہ غم ہزاروں
آئیں گی کب بہاریں ،جائیں گی کب خزائیں
------------

اب درست ہو گئی ہے غزل
پہلے اشعار میں دوسرا متبادل( برکت عطا... ) اور دوسرے میں پہلا( یہ وصل... ) بہتر ہیں

یاسر شاہ — اگست 7، 2022 6:03 شام

ارشد چوہدری نے کہا:
شاہ جی بہت معذرت ، میں حصّہ نہیں لے سکوں گا کیونکہ میرے گھر میں آج بہت بڑا فنکشن ہے۔سال میں ایک دفہ سارے خاندان اور دوستوں کو انوائٹ کرتا ہوں۔

اچھی بات