روٹھا ہے یار میرا اس کو منا رہا ہوں---------برائے اصلاح

ارشد چوہدری — فروری 9، 2021 1:57 صبح

الف عین
محمد خلیل الرحمٰن
محمّد احسن سمیع؛راحل؛
----------------
روٹھا ہے یار میرا اس کو منا رہا ہوں
ٹوٹا ہوا تعل}ق پھر سے بنا رہا ہوں
------
لمحے جو کھو گئے ہیں ان کو میں یاد کر کے
دل میں ہے جو اداسی اس کو مٹا رہا ہوں
-----------
نیکی کے کام کرنے آیا تھا میں جہاں میں
لاکھوں گناہ کر کے دنیا سے جا رہا ہوں
-----------
دنیا مجھے دبا کر مٹی میں جا رہی ہے
جس خاک سے بنا تھا اس میں سما رہا ہوں
---------
دنیا میں رہ کے مجھ کو یہ سوچ ہی نہ آئی
سب کچھ یہاں رہے گا جو کچھ بنا رہا ہوں
----------
لادے ہوئے ہوں سر پر اپنے گناہ سارے
دنیا سے اس لئے میں چہرہ چھپا رہا ہوں
------------
مایوس ہو رہے ہو کیوں تم ابھی سے ارشد
بخشے گا رب خطائیں تجھ کو بتا رہا ہوں
--------------

محمد خلیل الرحمٰن — فروری 9، 2021 2:50 صبح

ارشد چوہدری نے کہا:
مایوس ہو رہے ہو کیوں تم ابھی سے ارشد
بخشے گا رب خطائیں تجھ کو بتا رہا ہوں

مندرجہ بالا شعر میں شتر گربہ ہے۔

ارشد چوہدری — فروری 9، 2021 3:19 صبح

محمد خلیل الرحمٰن
خلیل بھائی کیا اس طرح ٹھیک ہے
------------
ارشد نہیں یہاں پر دنیا سے جا چکا ہے
لوگوں کو اس کی باتیں اب میں سنا رہا ہوں

محمد احسن سمیع راحلؔ — فروری 9، 2021 8:49 صبح

غزل ایطائے خفی کا شکار ہے

ارشد چوہدری نے کہا:
دنیا مجھے دبا کر مٹی میں جا رہی ہے
جس خاک سے بنا تھا اس میں سما رہا ہوں

دنیا مٹی میں جا رہی ہے؟؟؟ یا آپ کو مٹی میں دبا کر کہیں جا رہی ہے؟ دیکھیں الفاظ کی نشست و ترتیب خراب ہونے سے کس قدر تعقید پیدا ہوگئی ہے۔
مٹی میں اہلِ دنیا، دفنا رہے ہیں مجھ کو
جس خاک سے ۔۔۔

ارشد چوہدری نے کہا:
دنیا میں رہ کے مجھ کو یہ سوچ ہی نہ آئی
سب کچھ یہاں رہے گا جو کچھ بنا رہا ہوں

’’سوچ آٓنا‘‘ خلافِ محاورہ ہے ۔۔۔ خیال آتا ہے۔
رنگینیٔ جہاں میں، کھو کر بھلا دیا یہ
رہ جائے گا یہیں سب، جو کچھ بنا رہا ہوں

ارشد چوہدری نے کہا:
مایوس ہو رہے ہو کیوں تم ابھی سے ارشد
بخشے گا رب خطائیں تجھ کو بتا رہا ہوں

مایوس ہو رہا ہے، تو کیوں ابھی سے ارشدؔ
بخشے گا ۔۔۔۔

ارشد چوہدری — فروری 10، 2021 2:58 صبح

محمّد احسن سمیع :راحل:
----
راحل بھائی بہت خوبصورت اصلاح کی ہے آپ نے بہت بہت شکریہ ،اور استادِ محترم کا کا حال ہے