زندگی ریت کی گرتی ہوئی دیوار ہے بس

دب کے مرجائیں گے اس میں کہ یہ اک بار ہے بس
زندگی ریت کی گرتی ہوئی دیوار ہے بس
ایک تُو، جو کہ روا رکھتا ہے اِس دل پہ ستم
اور اک دل جو کہ تیرا ہی طرف دار ہے بس
مجھ کو ناصح نے کہا ہے کہ محبت سے بچوں
بات اچھی تو ہے، لیکن یہ کہ دشوار ہے بس
'اشک' قیمت ہے مِرے دل کی خریدے جو کوئی
اس پہ بیچوں گا یہی چھوٹا سا معیار ہے بس
شہرِ ظلمت میں جلایا تھا دِیا جس نے میں ہوں
میں ہی مجرم تھا، مجھے جرم کا اقرار ہے، بس؟!

محترم سر الف عین

واہ خوب غزل ہے ماشاءاللہ
شہرِ ظلمت میں جلایا تھا دِیا جس نے میں ہوں
مہو( میں ہوں ) اچھا نہیں لگتا ہوں کہو تو شاید
شہرِ ظلمت میں جلایا تھا دیا! ہاں، میں ہوں

الف عین نے کہا:

واہ خوب غزل ہے ماشاءاللہ
شہرِ ظلمت میں جلایا تھا دِیا جس نے میں ہوں
مہو( میں ہوں ) اچھا نہیں لگتا ہوں کہو تو شاید
شہرِ ظلمت میں جلایا تھا دیا! ہاں، میں ہوں

مزید نمائش کے لیے کلک کریں۔۔۔

بہت شکریہ سر۔
اب اس طرح کر دیا ہے مصرعے کو۔۔۔
شہرِ ظلمت میں دِیا جس نے جلایا میں ہوں

درست