سبھی کو سامنے رب کے ہی سر اپنا جھکانا ہے----برائے اصلاح

مفاعیلن مفاعیلن مفاعیلن مفاعیلن
-----------
سبھی کو سامنے رب کے ہی سر اپنا جھکانا ہے
خدا کا نام گونجے گا زمانہ وہ بھی آنا ہے
----------------
مٹے گا ظلم دنیا سے اصولِ رب یہ کہتا ہے
مقدّر ہے یہ ظلمت کا اُسے جانا ہی جانا ہے
------------------
بھروسہ ہو خدا پر تو خدا بھی ساتھ دیتا ہے
تقاضا ہے یہی رب کا ہمیں اس پر ہی آنا ہے
----------
جو نیکی تم کرو گے وہ تمہارے ساتھ جائے گی
کرو لالچ نہ دنیا کا اِسے تو چھوڑ جانا ہے
------------------
وسائل سب بھی دنیا کے تمہارے پاس ہوں تب بھی
ہو تکیہ بس خدا پر ہی اگر مقصد کو پانا ہے
-------------
امامت کے لئے سب کی ہمیں بھیجا ہے دنیا میں
ہمیں پیچھے نہیں چلنا ،انہیں پیچھے لگانا ہے
-------------------
کرو گے شرک رب سے تو معافی مل نہ پائے گی
یہی ہے جرم انساں کا جہنّم ہی ٹھکانا ہے
-------------
گناہوں سے کرو توبہ تمہیں ارشد یہ کہتا ہے
یہاں رہنا نہیں ہم نے خدا کی پاس جانا ہے
------------------