سچ کہا نہیں جاتا

سچ کہوں ، سچ کہا نہیں جاتا
بن کہے بھی رہا نہیں جاتا
چوٹ ہو گی کوئی بڑی گہری
خون یونہی بہا نہیں جاتا
اے ستم گر ذرا توقف کر
درد پیہم سہا نہیں جاتا
اس کو شائد کچھ انس ہے مجھ سے
وہم یہ بار ہا نہیں جاتا
مجھ پہ بیتا ہے عشق میں جو شکیل
سانحہ وہ کہا نہیں جاتا

محترم اساتذہ سے رہنمائی کی درخواست ہے
خصوصاََ الف عین صاحب سے

درست ہے غزل ماشاء اللہ سوائے اس شعر کے
خون یونہی بہا نہیں جاتا
بہا جانا غلط ہے بہایا جانا درست

الف عین نے کہا:

درست ہے غزل ماشاء اللہ سوائے اس شعر کے
خون یونہی بہا نہیں جاتا
بہا جانا غلط ہے بہایا جانا درست

مزید نمائش کے لیے کلک کریں۔۔۔

استادِ محترم
توجہ فرمانے کا شکریہ،
صرف اپنے علم میں بہتری کے لئے پوچھ رہا ہوں
جیسے ہم زخم وغیرہ دیکھ کر کہہ دیتے ہیں "بہت خون بہے جا رہا ہے" یعنی خون بہنے سے روکنے کی طرف توجہ دلانے کے انداز میں، تو کیا یہ غلط استعمال ہے

مجھے تو بہا جانا اور بہے جاتے رہنا میں فرق محسوس ہوتا ہے شاید مطلب یہ ہے کہ continuous tense میں درست ہے لیکن indefinite میں درست نہیں
احباب اس ضمن میں کیا کہتے ہیں؟