طرحی غزل برائے اصلاح -خواب میں لذتِ یک خواب ہے دنیا میری ۔ از محمد اظہر نذیر

اساتزہ کرام،
ایک طرحی غزل کے ساتھ حاضر ہوں، بحر " رمل مثمن مخبون مشعت محزوف" ہے
بے حد ممنون
اظہر

رسید حاضر ہے ، اور چار بار کی نشاندہی کے بعد بھی آپ نے ’‘ اساتزہ ‘‘ کا قبلہ درست نہیں کیا ، ’’ اساتذہ ‘‘ لکھا جاتا ہے ۔ا مید ہے آئندہ میں آپ کو زحمت نہ دوں گااس حوالے سے۔ بابا جانی او ر دیگر احباب کا انتظار کرتے ہیں ۔ والسلام

مفاہیم و معانی پر فی الحال عرض نہیں کر رہا کہ پہلے وزن درست کیجیے:
خواب میں لزتِ یک خواب ہے دنیا میری (درست املا: لذت)
بن تیرے پیار کے گرداب ہے دنیا میری (درست املا: ترے)
میں بھٹکتا ہی رہا ہوں راہِ اُلفت جاناں (درست املا: رہِ)
اب تو میں ہوں اور حجاب ہے دنیا میری (یہاں وزن کا مسئلہ ہے)
میں کہیں لفظ بھی بولوں تو تُو کہنا مجھے (یہاں وزن کا مسئلہ ہے)
خامشی میں ہی تو خطاب ہے دنیا میری (یہاں وزن کا مسئلہ ہے)
تم تصور میں مجھے لوریاں سناتے تو سہی (یہاں وزن کا مسئلہ ہے)
جل چکے ہیں وہ،۔۔۔تیزاب ہے دنیا میری (یہاں وزن کا مسئلہ ہے)

جناب مغل صاحب،
انشا اللہ کوشش ہو گی کہ املا کی غلطیاں نہ دہرائی جاٰئیں
مشکور
اظہر

قوافی اکثر غلط ہیں۔ فاعلاتن فعلاتن فعلاتن فعلن ہی اس کی بحر مانا جائے، جیسا کہ کہا گیا ہے، تو ‘ہے دنیا میری‘ آخر کا "علاتن فعلن‘ ہو جاتا ہے۔ لیکن اس صورت میں قوافی محض ’تن فَ‘ یا لاتن فَ‘ ، یا دورے افاعیل میں دیکھیں تو "فعل‘ یا "مفعول" ممکن ہیں، اس طرح خواب اور "گرداب‘ تو درست ہیں، ’خطاب‘ اور "حجاب" غلط۔
فاتح کے مشاہدے سے میں متفق ہوں۔
معانی کے اعتبار سے زیادہ تر اشعار کا مطلب میں نہیں سمجھ سکا، اس لیے اصلاح کی محنت گوارا نہیں کر رہا ہوں۔
ہاں یہ اشارہ کر دوں، کہ سیماب کی صفت بھٹکنا نہیں ہوتی، بے قراری ہوتی ہے۔

اساتذہ کرام،
ملاحظہ کیجیے
مشکور
اظہر

بے ربط مصرعے ، کئی مصرعے وزن کے معاملے میں دغا دیتے محسوس ہوتے ہیں ، محض لفظوں کو جمع کردینا شاعری نہیں میرے دوست۔ مطالعہ بڑھائیے ابتدا ء میں محٍفل میں موجود ’’ پسندیدہ ‘‘ کلام کی لڑیاں کھنگال لیجیے ۔ وگرنہ محض ٹامک ٹوئیاں مارنے سے کیا فائدہ ، اصلاح اس کا نام نہیں کہ استاد مصرع بدل کے دے ۔ استاد کا کام نشاندہی کرنا ہے ۔ جانے کس بات کی عجلت روا رکھی ہے آپ نےا بھی ایک لڑی انجام کو پہنچتی نہیں آپ مزید لڑیاں چھیڑ دیتے ہیں ۔ اس طرح یکسوئی متاثر ہوتی ہے اور ہماری اور آپ کی محنت کسی کروٹ بیٹھ ہی نہیں پاتی ۔ امید ہے میری بات چونکہ بناوٹ سے عاری ہے سو ناگوار گزرے گی جس پر میں معذرت خوا ہ ہوں ۔ بہر حال بات یہی ہے ، مقصود آپ سے بھلائی ہی ہے ۔ آپکا خیر خواہ، والسلام

جناب مغل صاحب،
آپ کی بات ناگوار گزرنا تو بڑی دور کی بات ہے، ماتھے کی کسی شکن کے بغیر پڑھی ہے اور ذہن میں کوئی شاہبہ بھی نہیں، آپ کا مرتبہ رہنما کا ہے اور احترام میرا فرض
میں مصرع بدلنے کی بات ہی نہیں کرتا صرف رہنمائی کا طالب ہوں - مشکل جیسا کے ابتدا میں ہی بیان کر دی تھی کے اردو ذبان سے دوستی بہت نئی ہے- انشا اللہ طلب صادق ہے اور منزل ایسی مشکل نہیں
تعاون جاری رکھنے کی گزارش پھر کروں گا
والسلام
اظہر

تعاون سے کون کافر انکاری ہے دوست، بس کان بھی دھر لیا کیجے ، اور مناسب خیا ل کر کے عمل بھی ۔ سلامت رہیں ۔اللہ علم و عمل میں برکتیں نصیب فرمائے ۔ آمین۔

محترم اظہر صاحب، بہت خوب، بس ذرا محنت، مشاہدہ اور مطالعہ بڑھائیں، ہم بھی ایسے ہی تھے لیکن اب تو لکھنے سے ہی عاری ہوگئے ہیں۔

جی انشا اللہ ضرور راجہ صاحب