عقل نے دِل سے یہ شکایت کی (غزل برائے اصلاح)

الف عین
سید عاطف علی
شکیب
ظہیراحمدظہیر
یاسر شاہ
استادِ محترم اور احباب مُکرّم، آداب! بغرض اصلاح ایک غزل
پیش خدمت ہے۔ آپ سے اصلاح کی درخواست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عقل نے دِل سے یہ شکایت کی
اُن سے کیا سوچ کر محبت کی
یوں تو ہر چیز ہے سہولت کی
لذّتیں اور ہیں شکایت کی
لو بچھڑنے لگے ہیں وہ ہم سے
منزل آہی گئی محبت کی
حشر کے دن کا انتظار کِیا
رات گزری ہے وہ قیامت کی
عمر ساری، بُتوں سے الجھا کِیے
اپنے ایمان کی حفاظت کی
دھیان بندوں سے شیخ کا نہ ہٹا
اتنی یکسوئی سے عبادت کی
بے تُکی باتیں اُن کو سننی تھیں
ہم نے پھر اِک غزل عنایت کی
چپ رہو، اب صریر بس بھی کرو
تم کو سننے کی خوب زحمت کی

اصلاح کی ضرورت مجھے تو محسوس نہیں ہو رہی ہے

الف عین نے کہا:

اصلاح کی ضرورت مجھے تو محسوس نہیں ہو رہی ہے

مزید نمائش کے لیے کلک کریں۔۔۔

شکریہ استادِ محترم، نظرِ التفات کے لئے ممنون ہوں! میرے لئے کتنی خوشی کی بات ہے کہ آپ کو اس میں اصلاح کی ضرورت محسوس نہیں ہوئی!🎉 اللّٰہ آپ کو شاد و آباد رکھے۔👍🏻

پسندیدگی کے لئے شکریہ ، روفی بھیّا !👍🏻

صریر نے کہا:

دھیان بندوں سے شیخ کا نہ ہٹا
اتنی یکسوئی سے عبادت کی

مزید نمائش کے لیے کلک کریں۔۔۔

واہ

اربش علی نے کہا:

واہ

مزید نمائش کے لیے کلک کریں۔۔۔

پسندیدگی اور داد کے لئے شکریہ اربش علی جی!😊

پسندیدگی کے لئے شکریہ،‌ مقبول سر ! 🙂

کیسے ہیں صریر بھائی ؟
دو ایک صلاحیں دے رہا ہوں،پسند آئیں تو اختیار کر لیں -

صریر نے کہا:

رات گزری ہے وہ قیامت کی

مزید نمائش کے لیے کلک کریں۔۔۔

رات گزری ہے کیا قیامت کی

صریر نے کہا:

اتنی یکسوئی سے عبادت کی

مزید نمائش کے لیے کلک کریں۔۔۔

ایسی یکسوئی سے عبادت کی

صریر نے کہا:

بے تُکی باتیں اُن کو سننی تھیں
ہم نے پھر اِک غزل عنایت کی

مزید نمائش کے لیے کلک کریں۔۔۔

"پھر" کھٹک رہا ہے -اور "باتیں " کی "تیں" کو گرانے سے بچنے کے لیے :
اُن کو سننی تھیں بے تُکی باتیں
ہم نے فوراً غزل عنایت کی
آپ کی غالباً اصلاح سخن میں یہ پہلی کاوش ہے -خوب ہے ما شاء الله- الله کرے تاثیر قلم اور زیادہ -آمین

یاسر شاہ نے کہا:

کیسے ہیں صریر بھائی ؟

مزید نمائش کے لیے کلک کریں۔۔۔

السلام علیکم سر ! الحمدللہ میں خیر یت سے ہوں، آپ بتائیں ، آپ کیسے ہیں ؟ کافی دنوں بعد بات ہو رہی ہے آپ سے۔ مجھے امید تھی، غزل پیش کرنے کے بہانے آپ سے بات ہو جائے گی۔۔۔

یاسر شاہ نے کہا:

دو ایک صلاحیں دے رہا ہوں،پسند آئیں تو اختیار کر لیں -
رات گزری ہے کیا قیامت کی

مزید نمائش کے لیے کلک کریں۔۔۔

میں نے اس پر غور کیا سر ، لیکن پتا نہیں کیوں، اظہار کیفیت کے لحاظ سے،‌ مجھے تو لفظ 'وہ' ہی زیادہ مناسب لگ رہا ہے۔ آپ کی کیا رائے ہے الف عین سر ؟

یاسر شاہ نے کہا:

ایسی یکسوئی سے عبادت کی

مزید نمائش کے لیے کلک کریں۔۔۔

جی، یہ ٹھیک رہے گا۔

یاسر شاہ نے کہا:

"پھر" کھٹک رہا ہے -اور "باتیں " کی "تیں" کو گرانے سے بچنے کے لیے :
اُن کو سننی تھیں بے تُکی باتیں
ہم نے فوراً غزل عنایت کی

مزید نمائش کے لیے کلک کریں۔۔۔

بالکل، 'پھر ' اور 'باتیں' سے شعر الجھ رہا تھا، آپ کی اصلاح سے اس کی الجھی ہوئی ترتیب سلجھ گئی، میں اس کو درج کر لیتا ہوں۔

یاسر شاہ نے کہا:

آپ کی غالباً اصلاح سخن میں یہ پہلی کاوش ہے -خوب ہے ما شاء الله- الله کرے تاثیر قلم اور زیادہ -آمین

مزید نمائش کے لیے کلک کریں۔۔۔

آمین- حوصلہ افزائی کے لئے بہت بہت شکریہ سر!!😊 استاد محترم کی شفقت اور آپ احباب کی حوصلہ افزائی ہے کہ کچھ پیش کرنے کی جرأت کر لیتا ہوں ۔۔۔💙
اس سے پہلے بھی دو عدد غزلیں پیش کر چکا ہوں، یہاں پر میری اور آپ کی گفتگو ہوئی تھی، جس میں کچھ اشعار پر آپ نے میری حوصلہ افزائی بھی کی تھی۔

اصلاح کے بعد
------
عقل نے دِل سے یہ شکایت کی
اُن سے کیا سوچ کر محبت کی
یوں تو ہر چیز ہے سہولت کی
لذّتیں اور ہیں شکایت کی
لو بچھڑنے لگے ہیں وہ ہم سے
منزل آہی گئی محبت کی
حشر کے دن کا انتظار کِیا
رات گزری ہے وہ قیامت کی
عمر ساری، بُتوں سے الجھا کِیے
اپنے ایمان کی حفاظت کی
دھیان بندوں سے شیخ کا نہ ہٹا
ایسی یکسوئی سے عبادت کی
اُن کو سننی تھیں بے تُکی باتیں
ہم نے فوراً غزل عنایت کی
چپ رہو، اب صریر بس بھی کرو
تم کو سننے کی خوب زحمت کی

بہتری کی گنجائش تو اساتذہ کے کلام میں بھی ممکن ہے، یاسر شاہ نے اسی بہتری کی کوشش کی۔
وہ قیامت /کیا قیامت.. ۔ مجھے دونوں ہی اچھے لگ رہے ہیں
البتہ باتیں کی "یں" کے اسقاط کا خیال آیا تھا مگر پھر قبول کر لیا تھا، یاسر نے رواں مصرعے کی تجویز دی ہے

الف عین نے کہا:

بہتری کی گنجائش تو اساتذہ کے کلام میں بھی ممکن ہے، یاسر شاہ نے اسی بہتری کی کوشش کی۔
وہ قیامت /کیا قیامت.. ۔ مجھے دونوں ہی اچھے لگ رہے ہیں
البتہ باتیں کی "یں" کے اسقاط کا خیال آیا تھا مگر پھر قبول کر لیا تھا، یاسر نے رواں مصرعے کی تجویز دی ہے

مزید نمائش کے لیے کلک کریں۔۔۔

شکریہ استادِ محترم ، یاسِر سر کی اصلاحات میں نے درج کر لی ہیں ۔

اصلاح کے بعد
------
عقل نے دِل سے یہ شکایت کی
اُن سے کیا سوچ کر محبت کی
یوں تو ہر چیز ہے سہولت کی
لذّتیں اور ہیں شکایت کی
لو بچھڑنے لگے ہیں وہ ہم سے
منزل آہی گئی محبت کی
حشر کے دن کا انتظار کِیا
رات گزری ہے کیا قیامت کی
عمر ساری، بُتوں سے الجھا کِیے
اپنے ایمان کی حفاظت کی
دھیان بندوں سے شیخ کا نہ ہٹا
ایسی یکسوئی سے عبادت کی
اُن کو سننی تھیں بے تُکی باتیں
ہم نے فوراً غزل عنایت کی
چپ رہو، اب صریر بس بھی کرو
تم کو سننے کی خوب زحمت کی