غزل برائے اصلاح(5)

اٹھنا مت بالیں سے میرے یار آج
مرنے والا ہے ترا بیمار آج
ذبح کرتے کرتے ہائے پھر گئے
(ذبح کرتے کرتے وہ کیوں پھر گئے )
کیا ہوا اے طالعِ بیدار آج
وہ اگر بوسہ بھی دے تو میں نہ لوں
توڑنا ہے حسن کا پندار آج
جائے جو سر جاتا ہے اس میں مرا
کرنا ہی ہے پیار کا اظہار آج

واں پہ جانا اے انیس اچّھا نہیں
بزم میں ہیں ہر طرف اغیار آج

الف عین
یاسر شاہ
محمد خلیل الرحمٰن

اسلام علیکم ۔ باقی باتیں تو اساتذہ دیکھیں گے۔ مقطع میں ایک غلطی کی نشاندہی کرنا چاہتا ہوں۔ اغیار غیر کی جمع ہے ۔ اس لئے (بزم میں ہیں ہر طرف اغیار آج )

یوں تو غزل درست ہے مگر اشعار کی بندش کچھ سست معلوم ہوتی ہے۔ کوشش کریں کہ الفاظ میں الِف کا اسقاط کم سے کم ہو۔

درست ہے غزل
بوسہ بازی کا شوق کچھ زیادہ ہی نہیں کیا؟

الف عین نے کہا:

درست ہے غزل
بوسہ بازی کا شوق کچھ زیادہ ہی نہیں کیا؟

مزید نمائش کے لیے کلک کریں۔۔۔

بس کیا کریں استاد صاحب داغ مرحوم کا کلام پڑھ پڑھ کر
اوپر سے طبیعت بھی داغ جیسی واقع ہوئی ہے تو اسی طرح کے مضامین خیال میں آتے ہیں