غزل برائے اصلاح

ارشد چوہدری — ستمبر 17، 2018 3:42 صبح

بحر ۔۔۔ رمل مثمن محذوف (فاعلاتن فاعلاتن فاعلاتن فاعلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زندگی میں کسی کو اپنا بنانا پڑتا ہے
چاہتوں کو کسی کی دل میں سجانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے محبّت نام اس کا ہی اگر تم جان لو
روٹھ جائے کوئی تو اُس کو منانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم سمجھتے ہو محبّت راحتوں کا ہے سفر
چاہتوں میں تو کبھی دل بھی جلانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ہمارا حوصلہ ہے چاہتے ہیں اُس کو ہی
روٹھ جاتا ہے وہ روزانہ منانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روشنی ہوتی نہیں شمعیں جلانے سے اگر
وشق میں یارو کبھی دل بھی جلانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راہِ الفت میں خدا کے چاہنے والوں کو
یار کی خاطر کبھی سر بھی کٹانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاہتے ہو تم اگر ارشد ملے عزّت تمہیں
دوسروں کے واسطے خود کو بُھلانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارشد چوہدری — ستمبر 17، 2018 3:42 صبح

الف عین

محمد خلیل الرحمٰن — ستمبر 17، 2018 4:28 صبح

ارشد چوہدری نے کہا:
بحر ۔۔۔ رمل مثمن محذوف (فاعلاتن فاعلاتن فاعلاتن فاعلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زندگی میں کسی کو اپنا بنانا پڑتا ہے
چاہتوں کو کسی کی دل میں سجانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے محبّت نام اس کا ہی اگر تم جان لو
روٹھ جائے کوئی تو اُس کو منانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم سمجھتے ہو محبّت راحتوں کا ہے سفر
چاہتوں میں تو کبھی دل بھی جلانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ہمارا حوصلہ ہے چاہتے ہیں اُس کو ہی
روٹھ جاتا ہے وہ روزانہ منانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روشنی ہوتی نہیں شمعیں جلانے سے اگر
وشق میں یارو کبھی دل بھی جلانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راہِ الفت میں خدا کے چاہنے والوں کو
یار کی خاطر کبھی سر بھی کٹانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاہتے ہو تم اگر ارشد ملے عزّت تمہیں
دوسروں کے واسطے خود کو بُھلانا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہماری صلاح
ردیف "پڑت ہے" کے بجائے "چاہیے" کردیں تو اکثر شعر وزن میں آجائیں گے۔
پہلے شعر پر توجہ کیجیے کہ "کسی کو" "کسی کی" اور "پڑتا ہے" وزن میں نہیں
"روٹھ جاتا ہے وہ روزآنہ منانا پڑتا ہے"
وزن میں نہیں
اگلے شعر کے دوسرے مصرع کو یوں کردیجیے
"عشق میں یارو کبھی دل بھی جلانا چاہیے"
اگلے شعر کو
"راہِ الفت میں خدا کے چاہنے والو سُنو!"
"یار کی خاطر کبھی سر بھی کٹانا چاہیے"
کردیجیے
اسی طرح مقطع میں بھی "پڑتا ہے" کو "چاہیے" کردیجیے۔

الف عین — ستمبر 17، 2018 10:25 صبح

پڑتا ہے واقعی پڑت ہے تقطیع ہوتا ہے جو ناگوار ہے برادرم خلیل کا مشورہ اچھا ہے لیکن اکثر اشعار مفہوم کے اعتبار سے درست نہیں ہوتے. میرا خیال ہے کہ ردیف بدل کر پھر سے کوشش کریں تب اصلاح کی کوشش کی جائے گی

الف عین — ستمبر 17، 2018 10:27 صبح

یہ تو لکھنا بھول گیا کہ 'کسی' فعو کے وزن پر ہے نہ کہ فاع کے جس طرح یہاں باندھا گیا ہے

ارشد چوہدری — ستمبر 18، 2018 3:10 صبح

تصحیح کے بعد دوبار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زندگی میں کسی کو اپنا بنانا چاہیے
چاہتوں کو کسی کی دل میں بسانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نام اس کا ہی محبّت ہے ہاں تم سمجھو اگر
روٹھ جائے کوئی تو اُس کو منانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو سمجھتے ہیں محبّت راحتوں کا ہے سفر
یہ تو ممکن ہی نہیں اُن کو بتانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بن گئی عادت ہماری ہم مناتے ہیں اُنہیں
ہاں کبھی اُن کو ہمیں بھی تو منانا چاہیے ( اس محبّت میں انہیں بھی تو منانا چاہیے )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روشنی ہوتی نہیں سمعیں جلانے سے اگر
عشق میں یارو کبھی دل بھی جلانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راہِ الفت میں خدا کے چاہنے والو سُنو
یار کی خاطر ہمیں سر بھی کٹانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاہتے ہو تم اگر ارشد ملے عزّت تمہیں
دوسروں کے واسطے خود کو بُھلانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارشد چوہدری — ستمبر 18، 2018 3:10 صبح

الف عین،خلیل الرحمن

الف عین — ستمبر 18، 2018 5:42 صبح

باقی اشعار تو قابل قبول ہو گئے ہیں لیکن مطلع میں آپ نے میری بات کا خیال نہیں رکھا

الف عین نے کہا:
یہ تو لکھنا بھول گیا کہ 'کسی' فعو کے وزن پر ہے نہ کہ فاع کے جس طرح یہاں باندھا گیا ہے