غزل برائے اصلاح

الف عین
خلیل الرحمن ، فلسفی و دیگر
-----------------
افاعیل--- فاعلن فاعلن فاعلن فاعلن
--------------
دن ہمارے بھی تجھ بِن گزر جائیں گے
تم نے سوچا تھا شائد کہ مر جائیں گے
------------------
ہے ہمیں غم تمہارا مگر جان لو
نام تیرا بھی بد نام کرجائیں گے
---------------------
آ گئے تھے ترے پاس یہ سوچ کر
تم بنو گے ہمارے تو پھر جائیں گے
-------------------
جو ملے ہو رہو پاس میرے سدا
ہو کے آسان دن سب گزر جائیں گے
------------------
رات ہم کو ملی ہے محبّت کریں
کل خدا جانتا ہے کدھر جائیں گے
-----------------
آج تم سےہمیں ہے محبّت ملی
کل جدھر سے ملے گی ادھر جائیں گے
-----------------
پھول بن کےملی زندگی ہے ہمیں
بن کے خوشبو یہاں سے گزر جائیں گے
--------------
جو نہ تجھ سے محبّت ملے گی ہمیں
دیکھ لینا کبھی ہم بکھر جائیں گے
--------------------
زندگی ہے ہماری تمہارے لئے
حکم تیرا ملےگا تو مر جائیں گے
-----------------
چاہ تیری ہے مطلوب ارشد ہمیں
تجھ کو پایا تو ہم بھی نکھر جائیں گے
----------------------

دن ہمارے بھی تجھ بِن گزر جائیں گے
تم نے سوچا تھا شائد کہ مر جائیں گے
------------------ درست
ہے ہمیں غم تمہارا مگر جان لو
نام تیرا بھی بد نام کرجائیں گے
--------------------- شتر گربے پر غور کریں
آ گئے تھے ترے پاس یہ سوچ کر
تم بنو گے ہمارے تو پھر جائیں گے
------------------- قافیہ سمجھ نہیں سکا، شتر گربہ تو ہے ہی
جو ملے ہو رہو پاس میرے سدا
ہو کے آسان دن سب گزر جائیں گے
------------------ دو لخت لگتا ہے
رات ہم کو ملی ہے محبّت کریں
کل خدا جانتا ہے کدھر جائیں گے
----------------- کل کے ساتھ آج کا جوڑ ہے، اسے یوں کہیں
آج کا دن ملا ہے، محبت کریں
رب ہی جانے کہ ہم کل کدھر جائیں گے
آج تم سےہمیں ہے محبّت ملی
کل جدھر سے ملے گی ادھر جائیں گے
----------------- درست
پھول بن کےملی زندگی ہے ہمیں
بن کے خوشبو یہاں سے گزر جائیں گے
-------------- ربط نہیں لگ رہا
جو نہ تجھ سے محبّت ملے گی ہمیں
دیکھ لینا کبھی ہم بکھر جائیں گے
-------------------- الفاظ بدل کر کوشش کریں، یہ صورت رواں نہیں
زندگی ہے ہماری تمہارے لئے
حکم تیرا ملےگا تو مر جائیں گے
----------------- شتر گربہ، دو لختی کی کیفیت بھی ہے
چاہ تیری ہے مطلوب ارشد ہمیں
تجھ کو پایا تو ہم بھی نکھر جائیں گے
---------------- چاہ مطلوب؟ یہ تو ایسا ہی ہو گیا جیسے ضرورت چاہیے!
ہم بھی؟ ہمارے علاوہ اور کون کون؟

الف عین
-----------------
اصلاح شدہ اشعار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دن ہمارے بھی تجھ بِن گزر جائیں گے
تم نے سوچا تھا شائد کہ مر جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جا رہے ہو اگر دل مرا توڑ کر
نام تیرا بھی بد نام کر جائیں گے
۔۔۔۔۔۔۔۔۔۔۔۔۔۔۔۔۔۔۔
آ گئے تھے ترے پاس یہ سوچ کر
ساتھ لے کر ہی تم کو گھر جائیں گے
۔۔۔۔۔۔۔۔۔۔۔۔۔۔۔۔۔۔۔۔۔
آ گئے ہو رہو پاس میرے ہی اب
دن ہمارے سکوں سے گزر جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج کا دن ملا ہے ، محبّت کریں
رب ہی جانے کہ ہم کل کدھر جائیں گے
-------------------
زندگی میں سدا پھول بن کر رہے
بن کے خوشبو یہاں سے گزر جائیں گے
۔۔۔۔۔۔۔۔۔۔۔۔۔۔۔۔۔
زندگی ہے ہماری امانت تری
حکم جب بھی ملے گا تو مر جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاہ تیری میں ارشد ہے جیتا رہا
ہم تمہارے بِنا تو بکھر جائیں گے
۔۔۔۔۔۔۔۔۔۔۔۔۔۔۔۔۔۔۔۔۔

شتر گربہ پر غور کیوں نہیں کرتے بھائی
تیسرا شعر وزن میں بھی نہیں

تیسرے شعر میں تو لکھنا بھول گیا تھا ( ساتھ لے کرہی تم کو تو گھر جائیں گے )

تجھ کو لینے کی خاطر ہی آئے ہیں ہم
ہاتھ خالی نہ لے کر تو گھر جائیں گے