غزل برائے اصلاح

السلام علیکم
میرا ایک بھانجہ ہے وہ آپ اساتذہ سے اپنی غزل کی اصلاح چاہتے ہیں آپ حضرات سے مؤدبانہ گزارش ہے آپ اصلاح فرمادیں اور خصوصی درخواست ہے ظہیر احمد ظہیراور الف عین صاحبان سے غزل درج ذیل ہے
کیا کہیں ہم گامزن تھی بھیڑ دریا کی طرف
ایسے میں پھر دیکھتا ہی کون قطرہ کی طرف
اسکو کہتے ہیں بلندی اسکو کہتے ہیں عروج
اک ندی کل جارہی تھی ایک پیاسا کی طرف
شہر کی عریانیت سے دل بہت اکتا گیا
،،جی کھچا جاتا ہے اپنا اب تو صہرا کی طرف،،
دین پر جو چل رہے تھے پا گئے منزل سبھی
راستہ بھٹکے مڑے جو لوگ دنیا کی طرف
حسرتِ دیدار ہےمدت سے ائے پروردگار
کاش ہم کو بھیج دےاک بار کعبہ کی طرف
ساری دنیا دیکھ کر کہتی ہے جس کو بےمثال
اک محل ایسا بھی ہے تعمیر جمنا کی طرف
پھول سی بچی مری کل دیرتک روئ جمیل
دیکھ کر اک قیمتی انمول گڑیا کی طرف

جلد اصلاح فرمائیں تو بہت مہربانی ہوگی

واہ بھئی بھانجا تو آپ کا موزوں طبیعت رکھتا ہے ماشاءاللہ۔ویسے کیا عمر ہے بھانجے کی؟ اچھی کوشش ہے، ۔عریانیت کا تلفط غلط باندھنے کی وجہ سے وزن جاتا رہا ، کئی جگہوں پر ہجے درست نہیں کہیں کہیں تذکیرو تانیث کا مسئلہ ہے۔ کچھ مسائل کی نشاندہی کیے دیتا ہوں
گامزن تھے ہونا چاہیے ویسے ہم کی جگہ سب آنا چاہیے
بھیڑِ دریا درست ترکیب نہیں موجِ دریا کر سکتے ہیں
قطرہ کی طرف نہیں بلکہ یہاں قطرے کی طرف کا محل ہے مگر قافیہ ؟
بلندی اور عروج کا ندی اور پیاسے سے کیا تعلق ہے؟
اسی طرح پیاسا کی بجائے پیاسے کا محل ہے؟
صحرا
تعمیرِ جمنا کسی کالونی کا نام ہے کیا؟
قیمتی انمول بھی غلط ہے کہ یا تو قیمتی ہوگی یا انمول دونوں ایک ساتھ درست نہیں

عمر تقریباَ 30 32 جو باتیں کھٹک رہی تھی وہ آپ نے واضح کردیا بہت بہت شکریہ میں اسے بتا دونگا
تعمیرِجمنا سے مراد ،تاج محل، جو کہ جمنا کے کنارے پر واقع اسے دیکھنے کے لئے ہجوم لگا رہتا ہے

ابن رضا صاحب میں یہاں پر آپ ہی حضرات کی تلاش میں آیا ہوں اس سے پہلے میں اپنی دو غزل بغرض اصلاح بھیجا تھا اس وقت آپ کے بارے میں مجھے علم نہیں تھا کہ اپ بھی اصلاح فرماتے خیر کوئ بات میں ٹیگ کردونگا آپ بھی اصلاح فرمادینگے اور اسی قافیہ ردیف پر میری بھی غزل ہے میں یہاں بھیجونگا تو آپ ضرور اصلاح فرمائنگے اور مین جو کچھ لکھ رہا ہو وہ بھانجہ کی حوصلہ افزائ کی وجہ سے لکھ رہا ہوں

md waliullah qasmi نے کہا:

ابن رضا صاحب میں یہاں پر آپ ہی حضرات کی تلاش میں آیا ہوں اس سے پہلے میں اپنی دو غزل بغرض اصلاح بھیجا تھا اس وقت آپ کے بارے میں مجھے علم نہیں تھا کہ اپ بھی اصلاح فرماتے خیر کوئ بات میں ٹیگ کردونگا آپ بھی اصلاح فرمادینگے اور اسی قافیہ ردیف پر میری بھی غزل ہے میں یہاں بھیجونگا تو آپ ضرور اصلاح فرمائنگے اور مین جو کچھ لکھ رہا ہو وہ بھانجہ کی حوصلہ افزائ کی وجہ سے لکھ رہا ہوں

مزید نمائش کے لیے کلک کریں۔۔۔

گویا آپ کا بھانجا آپ کا ہم عمر ہے ۔ہم تو خود مبتدی ہیں اصلاح کیا کریں گے تاہم اپنی صلاح دینے میں بخل نہیں کرتے مزید اصلاح کے لیے اساتذہ تو موجو د ہیں ہی ۔ آپ کے بھانجے جمیل کو کیا کمپیوٹر استعمال کرنا نہیں آتا کہ وہ خود یہاں آ کر اساتذہ سے سمجھے تو زیادہ بہتر ہو گا۔

کمپیوٹر استعمال نہیں کرتا ہے اصل وہ سرکاری ملازم ہے پیتھولوجی میں تو وقت کم ملتا ہے اور ایک استاد سے اصلاح لیتا ہے

@ابن رضا۔ بھانجے نے بھیڑِ دریا نہیں باندھا ہے،
کیا کہیں ہم، گامزن تھی بھیڑ، دریا کی طرف
کہنا چاہا ہے۔
ویسے بھیڑ کا گامزن ہونا خلاف محاورہ ہے۔
بنیادی غلطی یہی ہے کہ ’امالے کی طرف شاعر موصوف کا دھیان نہیں گیا ہے۔

بھانجا نے اپنی غزل درست کر کے پھر سے آپ کے سامنے پیش کیا ایک نظر دیکھ لیں
چشم نم منزل بکف ہیں لوگ داتا کی طرف
ایک مجمع جا رہا ہے ارض کعبہ کی طرف
شورو غل نے کر دیا ہے زندگی جینا محال
جی کهنچا جاتا ہے اپنا اب تو صحرا کی طرف
شہر کی رعنائیوں سے دل بہت گهبرا گیا
جی کهنچا جاتا ہے اپنا اب تو صحرا کی طرف
یہ تو سچ ہے میکشی کی اب اجازت ہی نہیں
اک نظر تو دیکھ لیں ہم جام و مینا کی طرف
حال کیا ہے کیا بتائیں کیا کروگے جان کر
غم زدہ ہے دل چلو لے کر مسیحا کی طرف
پهول سی بچچی کسی مفلس کی روئی دیر تک
دیکھ کر اک دل نشیں انمول گڑیا کی طرف
لوٹ جائیں ساحلوں پر یہ تو ممکن ہی نہیں
ہم نکل آئے ہیں یوسف موج دریا کی طرف

md waliullah qasmi نے کہا:

بھانجا نے اپنی غزل درست کر کے پھر سے آپ کے سامنے پیش کیا ایک نظر دیکھ لیں
چشم نم منزل بکف ہیں لوگ داتا کی طرف
ایک مجمع جا رہا ہے ارض کعبہ کی طرف
شورو غل نے کر دیا ہے زندگی جینا محال
جی کهنچا جاتا ہے اپنا اب تو صحرا کی طرف
شہر کی رعنائیوں سے دل بہت گهبرا گیا
جی کهنچا جاتا ہے اپنا اب تو صحرا کی طرف
یہ تو سچ ہے میکشی کی اب اجازت ہی نہیں
اک نظر تو دیکھ لیں ہم جام و مینا کی طرف
حال کیا ہے کیا بتائیں کیا کروگے جان کر
غم زدہ ہے دل چلو لے کر مسیحا کی طرف
پهول سی بچچی کسی مفلس کی روئی دیر تک
دیکھ کر اک دل نشیں انمول گڑیا کی طرف
لوٹ جائیں ساحلوں پر یہ تو ممکن ہی نہیں
ہم نکل آئے ہیں یوسف موج دریا کی طرف

مزید نمائش کے لیے کلک کریں۔۔۔

پہلے آپ کا بھانجا جمیل تھا اب یوسف ہے کیا پورا نام جمیل یوسف ہے؟

ابن رضا نے کہا:

پہلے آپ کا بھانجا جمیل تھا اب یوسف ہے کیا پورا نام جمیل یوسف ہے؟

مزید نمائش کے لیے کلک کریں۔۔۔

پورا نام یوسف جمیل یوسف ہے

غزل کے بارے میں کچھ نہیں فرمایا کل اسے پڑھنا ہے

آنکھوں میں آنسو لیے منزل ہاتھ میں لیے لوگ داتا کی طرف جارے ہیں اور ایک مجمع کعبے کی طرف جا رہا ہے دونوں باتیں مربوط نہیں ہو سکیں دولخت ہے اگر داتا سے خدا مراد ہے تو دونوں مصرعوں میں ایک ہی بات کی جا رہی ہے
ٹھیک ہے، زندگی جینا ؟ جینا محال کرنا محاورا ہے
ٹھیک ہے۔ یہ شعر اوپر والے شعر کے متبادل کے طور پر ہے؟ دونوں کا مدعا ایک ہی ہے اور مصرع ثانی ایک ہی ہے
بہتر ابلاغ کے لیے الفاظ کی نشست بدلنے کی ضرورت ہے
ٹھیک ہے
درست ہے مگر گڑیا انمول بھی ہوتی ہے؟ گراں قدر تو سنا تھا

شکریہ سر

زندگی جینا اگرچہ محاورے کے خلاف ہے لیکن ایسا غلط بھی نہیں۔ اکثر استعمال کیا جاتا ہے۔