غزل برائے اصلاح

میں وعدے سبھی عشق کے، جو تھے وہ نبھا چکا ہوں
کھا کے چوٹ اس دل پہ, اپنے سب آزما چکا ہوں
جاناں شبِ آخر، عنایت جو مجھ پہ تم نے کی تھی
وہ ہی یاد ہے اب تلک ، باقی سب بُھلا چکا ہوں
بن کر عشق کا سائل، آیا ہے بے مروّت! نِکل!
باقی کچھ نہی اب، متاعِ جاں میں لُٹا چکا ہوں
شبِ وصل, ضیاء تھی رقصاں، جس جھومتی شمع کی
رُت ِ وصل تو وہ گئی، لَو بھی میں بُجھا چکا ہوں
سن تو یہ ہی ہے وہ کہانی, نا آئی جو سرِ لب
تو نے داستاں جو سنی نا، سب کو سنا چکا ہوں
افسانہ مرا سُن کہ، رو یا ہر کوئی لیکن حسیؔب
اک سنگدل صنم ہے وہ ، جس کو اپنا بنا چکا ہوں
حسیؔب مغل۔۔۔بسمؔل۔۔۔۔

تقطیع کیسے کریں گے ان اشعار کی؟

کچھ تراکیب محلِ نظر ہیں جیسے رتِ وصل۔۔۔۔

عمدہ کاوش ہے ۔

حسیب بسمل نے کہا:

شبِ وصل, ضیاء تھی رقصاں، جس جھومتی شمع کی
رُت ِ وصل تو وہ گئی، لَو بھی میں بُجھا چکا ہوں

مزید نمائش کے لیے کلک کریں۔۔۔

ضیا کا رقص تو شاید قبول کر لیا جائے لیکن جھومتی شمع سے میں آپ کا مطلب نہیں سمجھ سکا
غالب کہتے ہیں "آرزو سے ہے شکستِ آرزو مطلب مجھے"
اگر جھومتی شمع سے آپ کی مراد کچھ اور ہے تو اس کی وضاحت کیجئے
رتِ وصل ترکیب درست نہیں، ر ۔تے وصل وزن میں بھی نہیں آتا

حسیب بسمل نے کہا:

سن تو یہ ہی ہے وہ کہانی, نا آئی جو سرِ لب
تو نے داستاں جو سنی نا، سب کو سنا چکا ہوں

مزید نمائش کے لیے کلک کریں۔۔۔

میرا مطالعہ انتہائی محدود ہے سرِ لب کا لفظ کبھی نظر سے نہیں گزرا
یوں بھی میں اس شعر میں "تو، یہ ،وہ ،نا ،جو " میں الجھ کر رہ گیا ہوں

حسیب بسمل نے کہا:

افسانہ مرا سُن کہ، رو یا ہر کوئی لیکن حسیؔب
اک سنگدل صنم ہے وہ ، جس کو اپنا بنا چکا ہوں

مزید نمائش کے لیے کلک کریں۔۔۔

میرے خیال میں سنگ دل بر وزن فاعلن ہے ہے فعلن نہیں