غزل برائے اصلاح

مشعل بکف نجوم کا نوحہ اتار کر
وہ خوش ہے میرے پاؤں میں رستہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دستار اگر نہیں تو شہنشہ کے پاؤں میں
رکھ دیجئے گا آپ لبادہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔
دستک کو اس کے بعد ترستے ہیں در مرے
غمگین ہو گیا ہوں میں قرضہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔
عہدِ ہوس گزر گیا اور ساتھ لے گیا
چہروں سے ایک عمر کا غازہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس سے کہو کہ یا تو مکمل ہی پہن لے
یا جائے مجھ کو سارے کا سارا اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔
اس نے لباس ہی نہیں آنکھیں بھی چھین لیں
ہم ساکنانِ شب پر اجالا اتار کر
۔۔۔۔۔۔۔۔۔۔۔۔۔۔۔۔۔۔۔۔۔

درست بلکہ اچھی ہے غزل۔ بس مطلع کچھ دو لخت لگ رہا ہے مجھے۔

الف عین نے کہا:

درست بلکہ اچھی ہے غزل۔ بس مطلع کچھ دو لخت لگ رہا ہے مجھے۔

مزید نمائش کے لیے کلک کریں۔۔۔

اللہ آپ کو سلامت رکھے
میں مطلع کا کچھ کرتا ہوں

عمدہ غزل بہت خوب