نورالحسن جوئیہ — جنوری 1، 2017 9:36 صبح
آخر مری دعا نے گمانِ اثر لیا
مجھ سے کرایہ دار نے بھی اپنا گھر لیا
۔۔۔۔۔۔۔۔۔۔۔۔۔۔۔۔۔۔
ردِ عمل کو کان ترستے ہی رہ گئے
کہسار نے صدا کو مری قید کر لیا
۔۔۔۔۔۔۔۔۔۔۔۔۔۔۔۔
رکھے ہوئے تھے سامنے دنیا کے مشغلے
اس نے کمان ہم نے غزل کا ہنر لیا
۔۔۔۔۔۔۔۔۔۔۔۔۔۔۔۔
پہلے بھی جس کے تزکرے پر چونک اٹھے تھے لوگ
ہم نے وہ نام بزم میں بارِ دگر لیا
۔۔۔۔۔۔۔۔۔۔۔۔۔۔
نکلا تھا ایک شخص خدا کی تلاش میں
پھر اس نے اپنے آپ کو تسخیر کر لیا
۔۔۔۔۔۔۔۔۔۔۔۔۔
ہم کو سفر کا ہوش نہیں تھا کہ تم جو تھے
اب تم نہیں تو ہم نے بھی رختِ سفر لیا
۔۔۔۔۔۔۔۔۔۔۔۔۔۔
خوش ہیں سمیٹ کر ہم ادھوری محبتیں
قسمت میں جو لکھا تھا وہی سر بسرلیا
۔۔۔۔۔۔۔۔۔۔۔۔۔
آبا کو بھی ملی تھیں اجڑی حویلیاں
ورثے میں ہم نے بھی شجرِ بے ثمر لیا
۔۔۔۔۔۔۔۔۔۔۔۔
ملتے تھے جس کے سلسلے جا کر ہوس سے نوؔر
ہم نے تو عشق میں وہی الزام سر لیا
نور وجدان — جنوری 1، 2017 9:51 صبح
بہت عرصے بعد اعلی تخیلاتی شاعری پڑھی ۔ بات کرنا ایک فن ہے ، بات میں وسعت نکالنا ایک اور فن ہے ۔ ان اشعار میں عمومیت اور خصوصیت دونوں ہیں ۔۔۔
بارِ دگر کے کیا معانی ہیں
فاخر رضا — جنوری 1، 2017 10:11 صبح
بہت خوب
کاشف اسرار احمد — جنوری 1، 2017 10:33 صبح
اچھی غزل ہے ما شا اللہ
بارِ دگر کے کیا معانی ہیں
بمعنی دوبارہ
La Alma — جنوری 1، 2017 4:16 شام
ردِ عمل کو کان ترستے ہی رہ گئے
کہسار نے صدا کو مری قید کر لیا
۔۔۔۔۔۔۔۔۔۔۔۔۔۔۔۔
اچھا شعر ہے . اگر رد ِ عمل کی بجائے بازگشت ہوتی تو شعر زیادہ بھلا لگتا .
نورالحسن جوئیہ — جنوری 1، 2017 4:31 شام
بہت عرصے بعد اعلی تخیلاتی شاعری پڑھی ۔ بات کرنا ایک فن ہے ، بات میں وسعت نکالنا ایک اور فن ہے ۔ ان اشعار میں عمومیت اور خصوصیت دونوں ہیں ۔۔۔
بارِ دگر کے کیا معانی ہیں
شکریہ
نورالحسن جوئیہ — جنوری 1، 2017 4:31 شام
اچھا شعر ہے . اگر رد ِ عمل کی بجائے بازگشت ہوتی تو شعر زیادہ بھلا لگتا .
اس طرح بھی دیکھ لیتے ہیں۔ جزاک اللہ
نورالحسن جوئیہ — جنوری 1، 2017 4:32 شام
اچھی غزل ہے ما شا اللہ
بمعنی دوبارہ
سر آپ تھوڑا غزل پر بات بھی کریں نا۔
کاشف اسرار احمد — جنوری 1، 2017 7:00 شام
سر آپ تھوڑا غزل پر بات بھی کریں نا۔
بہت بہتر۔ اپنے گزارشات اقتباس میں شامل کر دی ہیں۔
آخر مری دعا نے گمانِ اثر لیا
مجھ سے کرایہ دار نے بھی اپنا گھر لیا
"گمانِ اثر" ؟ کیا یہ کوئی نئی ترکیب ہے۔ میں تو واقف نہیں ہوں بھائی۔ میری کم علمی۔
۔۔۔۔۔۔۔۔۔۔۔۔۔۔۔۔۔۔
ردِ عمل کو کان ترستے ہی رہ گئے
کہسار نے صدا کو مری قید کر لیا
آپ شاید بازگشت کہنا چاہ رہے تھے۔ یعنی پہاڑ کا "رد عمل"، لیکن بات نبھتی نظر نہیں آئی۔ کچھ اور بہتر الفاظ لائیں۔
۔۔۔۔۔۔۔۔۔۔۔۔۔۔۔۔
رکھے ہوئے تھے سامنے دنیا کے مشغلے
اس نے کمان ہم نے غزل کا ہنر لیا
کمان کا لینا کیسے مشغلے کی ضمن میں آ گیا۔ کمان ضرورتاََ بھی لی جا سکتی۔
۔۔۔۔۔۔۔۔۔۔۔۔۔۔۔۔
پہلے بھی جس کے تزکرے پر چونک اٹھے تھے لوگ
ہم نے وہ نام بزم میں بارِ دگر لیا
"تذکرہ"۔ املاء پر غور کریں۔
اور
پہلے بھی چونک اٹھّے تھے جس تذکرے پہ لوگ
زیادہ رواں شکل ہے۔
۔۔۔۔۔۔۔۔۔۔۔۔۔۔
نکلا تھا ایک شخص خدا کی تلاش میں
پھر اس نے اپنے آپ کو تسخیر کر لیا
یہاں لفظ سے زیادہ بہتر "نفس" کا لفظ ہوگا اگر آپ لا سکیں۔
۔۔۔۔۔۔۔۔۔۔۔۔۔
ہم کو سفر کا ہوش نہیں تھا کہ تم جو تھے
اب تم نہیں تو ہم نے بھی رختِ سفر لیا
۔۔۔۔۔۔۔۔۔۔۔۔۔۔
خوش ہیں سمیٹ کر ہم ادھوری محبتیں
قسمت میں جو لکھا تھا وہی سر بسرلیا
۔۔۔۔۔۔۔۔۔۔۔۔۔
آبا کو بھی ملی تھیں اجڑی حویلیاں
ورثے میں ہم نے بھی شجرِ بے ثمر لیا
۔۔۔۔۔۔۔۔۔۔۔۔
ملتے تھے جس کے سلسلے جا کر ہوس سے نوؔر
ہم نے تو عشق میں وہی الزام سر لیا
عاطف ملک — جنوری 1، 2017 7:41 شام
ہم کو سفر کا ہوش نہیں تھا کہ تم جو تھے
اب تم نہیں تو ہم نے بھی رختِ سفر لیا
۔
بہت ہی عمدہ غزل ہے۔
داد قبول فرمائیں!
الف عین — جنوری 2، 2017 5:51 صبح
اس شعر پرغور لرو، بحر سے خارج ہو گیا ہے:
آبا کو بھی ملی تھیں اجڑی حویلیاں
ورثے میں ہم نے بھی شجرِ بے ثمر لیا
اجڑتی حویلیاں کرنے سے وزن بہتر لیکن مفہوم بد تر ہو جاتا ہے۔
نورالحسن جوئیہ — جنوری 2، 2017 9:19 صبح
اس شعر پرغور لرو، بحر سے خارج ہو گیا ہے:
آبا کو بھی ملی تھیں اجڑی حویلیاں
ورثے میں ہم نے بھی شجرِ بے ثمر لیا
اجڑتی حویلیاں کرنے سے وزن بہتر لیکن مفہوم بد تر ہو جاتا ہے۔
عروض کی اکثر کتابوں میں پڑھا ہے کہ
مفعول فاعلاتُ مفاعیل فاعلن
مفعول فاعلاتن مفعول فاعلن
ان دونوں بحروں کو اکٹھا لایا جا سکتا ہے اور میں نے بھی وہی کیا ہے
الف عین — جنوری 3، 2017 10:49 صبح
عروض کی اکثر کتابوں میں پڑھا ہے کہ
مفعول فاعلاتُ مفاعیل فاعلن
مفعول فاعلاتن مفعول فاعلن
ان دونوں بحروں کو اکٹھا لایا جا سکتا ہے اور میں نے بھی وہی کیا ہے
میں دعویٰ تو نہیں کرتا کہ مجھے عروض آتی ہے۔لیکن روانی بہر حال یہاں مار کھا جاتی ہے۔