غزل برائے اصلاح

زندگی نے تجھے دیا کیا ہے
تُو مرا ہر گھڑی، جیا کیا ہے
نشہ اس کا بیاں کریں کیا، جب
جانتے ہیں نہیں، پیا کیا ہے
لو، لہو چل پڑا ہے پھر، اے طبیب
زخم میرا تو نے سیا کیا ہے
ماں، وہ بدبخت ہیں جو یہ پوچھیں
کہ تری کوک سے لیا کیا ہے
ہے ولی کا مقام عالی تو
شانِ محبوبِ کبریا کیا ہے
بیج بوئے بغیر ہل بیکار
چلے خالی وہ آسیا کیا ہے
جب نہ جھکنے کی ٹھان لی منصور
ظلم کیا، شاہِ اَشقِیا کیا ہے
جناب الف عین صاحب
جناب سید عاطف علی صاحب
جناب راحیل فاروق صاحب
اور دیگر اساتذہ اکرام و احباب ۔ عنایت فرمائے

جناب الف عین صاحب
جناب سید عاطف علی صاحب
جناب محمد خلیل الرحمٰن صاحب
جناب محمد ریحان قریشی صاحب
جناب امجد علی راجا صاحب
اور دیگر اساتذہ اکرام ۔ آپ کی اصلاح و تنقید کا طلب گار ہوں

بعد میں آتا ہوں ان شاء اللہ

زندگی نے تجھے دیا کیا ہے
تُو مرا ہر گھڑی، جیا کیا ہے
۔۔کیا کہنا چاہتے ہو، سمجھ میں نہیں آیا
نشہ اس کا بیاں کریں کیا، جب
جانتے ہیں نہیں، پیا کیا ہے
۔۔جانتے ہی نہیں، پیا کیا ہے
ہو تو سمجھ میں آ سکے۔ معلوم نہیں یہ ٹائپو ہے یا کچھ اور مطلب ہے؟
لو، لہو چل پڑا ہے پھر، اے طبیب
زخم میرا تو نے سیا کیا ہے
÷÷÷ تو نے ‘ کا ’تُنے‘ تقطیع ہونا درست نہیں۔ پہلے مصرع کی بھی روانی مجروح ہے۔
ماں، وہ بدبخت ہیں جو یہ پوچھیں
کہ تری کوک سے لیا کیا ہے
÷÷یہ بھی سمجھ نہیں سکا۔
ہے ولی کا مقام عالی تو
شانِ محبوبِ کبریا کیا ہے
÷÷÷ درست
بیج بوئے بغیر ہل بیکار
چلے خالی وہ آسیا کیا ہے
÷÷’آسیا‘ سے میں واقف نہیں۔
جب نہ جھکنے کی ٹھان لی منصور
ظلم کیا، شاہِ اَشقِیا کیا ہے
÷÷÷مکمل واضح نہیں ہوا۔

شکریہ سر -

الف عین نے کہا:

زندگی نے تجھے دیا کیا ہے
تُو مرا ہر گھڑی، جیا کیا ہے
۔۔کیا کہنا چاہتے ہو، سمجھ میں نہیں آیا

مزید نمائش کے لیے کلک کریں۔۔۔

اب دیکھیے
زندگی نے ہمیں دیا کیا ہے
وقت گزرا ہے بس، جیا کیا ہے

الف عین نے کہا:

شہ اس کا بیاں کریں کیا، جب
جانتے ہیں نہیں، پیا کیا ہے
۔۔جانتے ہی نہیں، پیا کیا ہے
ہو تو سمجھ میں آ سکے۔ معلوم نہیں یہ ٹائپو ہے یا کچھ اور مطلب ہے؟

مزید نمائش کے لیے کلک کریں۔۔۔

"ہی" سے بہتر ہوگیا ہے

الف عین نے کہا:

لو، لہو چل پڑا ہے پھر، اے طبیب
زخم میرا تو نے سیا کیا ہے
÷÷÷ تو نے ‘ کا ’تُنے‘ تقطیع ہونا درست نہیں۔ پہلے مصرع کی بھی روانی مجروح ہے۔

مزید نمائش کے لیے کلک کریں۔۔۔

پھر سے کیوں خون بہہ رہا ہے طبیب
زخم تو نے مرا سیا کیا ہے

الف عین نے کہا:

ماں، وہ بدبخت ہیں جو یہ پوچھیں
کہ تری کوک سے لیا کیا ہے
÷÷یہ بھی سمجھ نہیں سکا۔

مزید نمائش کے لیے کلک کریں۔۔۔

اب دیکھیے

الف عین نے کہا:

یج بوئے بغیر ہل بیکار
چلے خالی وہ آسیا کیا ہے
÷÷’آسیا‘ سے میں واقف نہیں۔

مزید نمائش کے لیے کلک کریں۔۔۔

مطلع تو خوب ہو گیا ہے۔ طبیب والا شعر بھی درست ہے اب۔لیکن آسیا، اشقیا اور کوکھ والے اشعار اب بھی پسند نہیں آئے