غزل برائے اصلاح" آنکھوں میں بسے خوابوں کی تعبیر لکھے کون

استادِ محترم سر الف عین سید عاطف علی
محمّد احسن سمیع :راحل: و دگر احباب سے اصلاح کی گزارش ہے
آنکھوں میں بسے خوابوں کی تعبیر لکھے کون
اب عشق کو انسان کی تقصیر لکھے کون
لکھنے تھے ہمیں بھی دلِ بیتاب کے حالات
ہوتی ہے مگر درد کی تشہیر لکھے کون
لکھنے کو میسر ہوں اگر لوح و قلم بھی
تیرے لب و رخسار کی تفسیر لکھے کون
سوچا تھا لکھوں تجھ کو بھی میں بے وفا لیکن
ہوتی ہے مرے عشق کی تحقیر لکھے کون
لکھنا جو ہوا مجھ کو تو مقتل میں لکھوں گا
اس وادئ پر خون کو کشمیر لکھے کون
شکریہ۔۔

اچھی غزل ہے. آخری شعر کچھ واضح نہیں ، ربط کی کمی ہے
وادی ء پر خون بھی ہے
آپ لکھیں گے کشمیر مقتل میں
شعر بنا نہیں ہے
اک رائے ہے
مقتل بھی پرخون ہوتا ہے

نور وجدان نے کہا:

اچھی غزل ہے. آخری شعر کچھ واضح نہیں ، ربط کی کمی ہے
وادی ء پر خون بھی ہے
آپ لکھیں گے کشمیر مقتل میں
شعر بنا نہیں ہے
اک رائے ہے
مقتل بھی پرخون ہوتا ہے

مزید نمائش کے لیے کلک کریں۔۔۔

مقطعے کے پہلے مصرعے میں "میں" ضمیر ہے، واحد متکلم
یعنی اگر شاعر کو لکھنا ہوا تو وہ اس خونیں وادی کو مقتل لکھے گا، کشمیر نہیں.

ریحان میاں، آداب.
کچھ اشعار واقعی اچھے نکالے ہیں آپ نے، جیسے کہ دوسرا اور تیسرا شعر.
مطلع مجھے تو کچھ دو لخت لگا، ممکن ہے میرے فہم کا نقص ہو.

ریحان احمد ریحانؔ نے کہا:

آنکھوں میں بسے خوابوں کی تعبیر لکھے کون
اب عشق کو انسان کی تقصیر لکھے کون

مزید نمائش کے لیے کلک کریں۔۔۔

پہلے مصرعے میں خوابوں کی و کا اسقاط اچھا نہیں لگتا، روانی میں خلل آتا ہے.

ریحان احمد ریحانؔ نے کہا:

سوچا تھا لکھوں تجھ کو بھی میں بے وفا لیکن
ہوتی ہے مرے عشق کی تحقیر لکھے کون

مزید نمائش کے لیے کلک کریں۔۔۔

پہلے مصرعے میں بھی کی ی کا گرنا، گویا میں بھی کا مبھی تقطیع ہونا اچھا نہیں لگ رہا.
یہاں مجھے ردیف بھی ٹھیک طرح نبھتی ہوئی محسوس نہیں ہوتی.
مقطع مجھے ویسے تو ٹھیک لگ رہا ہے، اگر الفاظ بدلنے سے بیان مزید صاف ہوسکتا ہے تو مزید فکر کرنے میں کوئی حرج نہیں.
دعاگو،
راحل.

محمّد احسن سمیع :راحل: نے کہا:

ریحان میاں، آداب.
کچھ اشعار واقعی اچھے نکالے ہیں آپ نے، جیسے کہ دوسرا اور تیسرا شعر.
مطلع مجھے تو کچھ دو لخت لگا، ممکن ہے میرے فہم کا نقص ہو.
پہلے مصرعے میں خوابوں کی و کا اسقاط اچھا نہیں لگتا، روانی میں خلل آتا ہے.
پہلے مصرعے میں بھی کی ی کا گرنا، گویا میں بھی کا مبھی تقطیع ہونا اچھا نہیں لگ رہا.
یہاں مجھے ردیف بھی ٹھیک طرح نبھتی ہوئی محسوس نہیں ہوتی.
مقطع مجھے ویسے تو ٹھیک لگ رہا ہے، اگر الفاظ بدلنے سے بیان مزید صاف ہوسکتا ہے تو مزید فکر کرنے میں کوئی حرج نہیں.
دعاگو،
راحل.

مزید نمائش کے لیے کلک کریں۔۔۔

شکریہ راحل بھائی مشورہ دینے کیلئے اب مطلح کے بارے میں استادِ محترم کی راے کا انتظار رہے گا باقی جو خامیاں ہیں انہیں دور کرنے کی کوشش کرتا ہوں

مطلع میں واقعی وضاحت کی کمی ہے، خوابوں کی جگہ محض واحد خواب بھی آ سکتا ہے، باقی اشعار درست ہیں میرے خیال میں

الف عین نے کہا:

مطلع میں واقعی وضاحت کی کمی ہے، خوابوں کی جگہ محض واحد خواب بھی آ سکتا ہے، باقی اشعار درست ہیں میرے خیال میں

مزید نمائش کے لیے کلک کریں۔۔۔

بہت شکریہ استادِ محترم

محمّد احسن سمیع :راحل: نے کہا:

مقطعے کے پہلے مصرعے میں "میں" ضمیر ہے، واحد متکلم
یعنی اگر شاعر کو لکھنا ہوا تو وہ اس خونیں وادی کو مقتل لکھے گا، کشمیر نہیں.

مزید نمائش کے لیے کلک کریں۔۔۔

ریحان احمد ریحانؔ نے کہا:

لکھنا جو ہوا مجھ کو تو مقتل میں لکھوں گا

مزید نمائش کے لیے کلک کریں۔۔۔

اس صورت میں ''میں '' کو شروع میں آنا چاہیے تھا اور دوسرا اسکو ''کا، کی ،کو ۔۔ کے وزن پر باندھنا فصیح نہیں ہے بلکہ وزن گر جاتا ہے ۔۔'میں بصورت واحد متکلم فع کے وزن پر باندھ جاتا ہے

نور وجدان نے کہا:

اس صورت میں ''میں '' کو شروع میں آنا چاہیے تھا

مزید نمائش کے لیے کلک کریں۔۔۔

کس اصول کے تحت؟؟؟
تعقید لفظی پر اعتراض کیا جاسکتا ہے، مگر میرے خیال میں یہاں زیادہ مسئلہ نہیں۔

نور وجدان نے کہا:

دوسرا اسکو ''کا، کی ،کو ۔۔ کے وزن پر باندھنا فصیح نہیں ہے بلکہ وزن گر جاتا ہے ۔۔'میں بصورت واحد متکلم فع کے وزن پر باندھ جاتا ہے

مزید نمائش کے لیے کلک کریں۔۔۔

عجیب بات کی ہے آپ نے یہاں ۔۔۔ کا، کو، کی اور فع کے وزن میں کیا فرق ہے؟؟؟ اگر میں بطور ضمیر واحد متکلم فع کے وزن پر باندھنا ضروری ہے تو کا یا کی کے وزن پر باندھنا غیر فصیح کیسے ہوا؟؟؟
دوسرے یہ کہ میں، بطور ضمیر، کی ی کا اسقاط بالکل جائز ہے، اور اساتذہ کے یہاں مستعمل بھی ہے۔ ذیل میں غالبؔ کے دو اشعار موجود ہیں جہاں ’’میں‘‘ کی ی کو ساقط کیا گیا ہے۔
تھا میں گلدستۂ احباب کی بندش کی گیاہ
متفرق ہوئے میرے رفقا میرے بعد
کہتے ہیں جب رہی نہ مجھے طاقتِ سخن
جانوں کسی کے دل کی میں کیوں کر کہے بغیر
دعاگو،
راحلؔ۔

محمّد احسن سمیع :راحل: نے کہا:

دوسرے یہ کہ میں، بطور ضمیر، کی ی کا اسقاط بالکل جائز ہے، اور اساتذہ کے یہاں مستعمل بھی ہے۔ ذیل میں غالبؔ کے دو اشعار موجود ہیں جہاں ’’میں‘‘ کی ی کو ساقط کیا گیا ہے۔

مزید نمائش کے لیے کلک کریں۔۔۔

تقطیع کا اصول 1 اور 2 سے سیکھا ، اس لیے ان ٹرمز کو لکھنا محال ہے جو اکثر عروض کے لیے مستعمل ہے ۔۔ میں نے اسقاط کی بات کی تھی اور آپ اس بات پر پہنچ گئے ۔ میں نے ادھر سے یہی سیکھا ہے میں جب متکلم کے طور پر ہو تو ی گرانا فصیح نہیں ہے ۔ اس لیے کہہ دیا تھا ۔ میں تو اسی طرح بات کرکے سیکھ جاتی ہوں اور آپ نے برا نہیں منایا ہوگا ، آپ کا بہت شکریہ

نور وجدان نے کہا:

تقطیع کا اصول 1 اور 2 سے سیکھا ، اس لیے ان ٹرمز کو لکھنا محال ہے جو اکثر عروض کے لیے مستعمل ہے ۔۔ میں نے اسقاط کی بات کی تھی اور آپ اس بات پر پہنچ گئے ۔ میں نے ادھر سے یہی سیکھا ہے میں جب متکلم کے طور پر ہو تو ی گرانا فصیح نہیں ہے ۔ اس لیے کہہ دیا تھا ۔ میں تو اسی طرح بات کرکے سیکھ جاتی ہوں اور آپ نے برا نہیں منایا ہوگا ، آپ کا بہت شکریہ

مزید نمائش کے لیے کلک کریں۔۔۔

بہن 1،2 کی گردان کریں تب بھی کا، کی، کو اور میں کا اصل وزن 2 ہی ہوتا ہے، لیکن ان سب میں حروف علت کا اسقاط بالاتفاق جائز ہے، درآں حالیکہ کسی اور وجہ سے روانی می‍ں خلل نہ آ رہا ہو، مثلا آگے پیچھے مزید حروف کا اسقاط کیا گیا ہو.
غالب کی مثال اوپر دی گئی ہے، اب ان سے بڑھ کر فصاحت کی سند کون ہوگا.
اس میں برا ماننے والی کوئی بات نہیں.

محمّد احسن سمیع :راحل:
راحل بھائی کیا اب یہ مطلح درست ہے؟
ہر شخص ہے پا بستہ بہ زنجیر لکھے کون
اس عہدِ پر آشوب کی تفسیر لکھے کون

ریحان احمد ریحانؔ نے کہا:

محمّد احسن سمیع :راحل:
راحل بھائی کیا اب یہ مطلح درست ہے؟
ہر شخص ہے پا بستہ بہ زنجیر لکھے کون
اس عہدِ پر آشوب کی تفسیر لکھے کون

مزید نمائش کے لیے کلک کریں۔۔۔

ہاں ، یہ بہت بہتر ہے

الف عین نے کہا:

ہاں ، یہ بہت بہتر ہے

مزید نمائش کے لیے کلک کریں۔۔۔

استادِ محترم بہت شکریہ اصلاح کیلئے اللہ آپ کا سایہ ہمیشہ
ہمارے سروں پر قائم رکھے

اچھے اشعار ہیں جناب۔ وفا کے الف کا اسقاط میرے نزدیک جائز نہیں ہے، اسے ایک نظر دیکھ لیں۔

محمد ریحان قریشی نے کہا:

اچھے اشعار ہیں جناب۔ وفا کے الف کا اسقاط میرے نزدیک جائز نہیں ہے، اسے ایک نظر دیکھ لیں۔

مزید نمائش کے لیے کلک کریں۔۔۔

جی یہ اشعار مجھے بھی کچھ صیح نہیں لگ رہا اس لیے اس کو نکال ہی دیتا ہوں