غزل برائے اصلاح :: نیم جاں پھرتے ہو کہتے ہو کہ حال اچھا ہے

ریحان احمد ریحانؔ — جنوری 28، 2021 1:21 شام

تمام احباب خصوصاً اساتذہ سے گزارش ہے کہ برائے مہربانی اصلاح فرمائیں
الف عین
محمّد احسن سمیع :راحل:
سید عاطف علی
ناصحا تو ہی بتا کیا یہ خیال اچھا ہے
طائرِ دل کے لیے عشق کا جال اچھا ہے
دربدر تھے ہی پہ اب عشق نے پاگل بھی کیا
نیم جاں پھرتے ہو کہتے ہو کہ حال اچھا ہے
شاملِ فطرتِ آدم ہے ازل سے ہی خطا
سو خطاؤں پہ جو کرتا ہے ملال اچھا ہے
میں نے پوچھا تھا کہ پھر وصل میسر ہو گا
ہنس کے اس نے یہ کہا تھا کہ سوال اچھا ہے
کام آیا کسی مزدور کے ایندھن بن کر
سنگِ نایاب سے ریحان زغال اچھا ہے
شکریہ

محمد احسن سمیع راحلؔ — جنوری 28، 2021 9:21 شام

اچھی غزل ہے ریحان، میرے خیال میں تو اصلاح کی بس اتنی ضرورت ہے کہ کچھ مصرعوں میں تعقید ہے، جس کی وجہ سے علامات قرأت استعمال کیے بغیر درست مفہوم کا ابلاغ مشکل ہوگا. ہو سکے تو مصرعوں کی بنت مزید چست اور بےغبار کر کرنے کی کوشش کریں، ورنہ کام، سوالیہ نشان وغیرہ لگادیں.
باقی، استاد محترم ہوتے تو بہتر بتا پاتے.

ریحان احمد ریحانؔ — جنوری 29، 2021 1:23 صبح

راحل بھائی شکریہ
آپ نے کہا کہ استادِ محترم ہوتے تو بہتر بتاتے کہاں میں استادِ محترم؟ اور فورم پر کیوں نہیں آتے

محمد احسن سمیع راحلؔ — جنوری 29، 2021 5:44 صبح

ریحان احمد ریحانؔ نے کہا:
راحل بھائی شکریہ
آپ نے کہا کہ استادِ محترم ہوتے تو بہتر بتاتے کہاں میں استادِ محترم؟ اور فورم پر کیوں نہیں آتے

ان کی آنکھوں کا آپریشن ہوا ہے موتیا نکالنے کے لیے، اس لیے کچھ دن تک محفل پر نہیں آسکیں گے.

محمد خلیل الرحمٰن — جنوری 29، 2021 6:39 صبح

محمّد احسن سمیع :راحل: نے کہا:
باقی، استاد محترم ہوتے تو بہتر بتا پاتے.

ریحان احمد ریحانؔ نے کہا:
راحل بھائی شکریہ
آپ نے کہا کہ استادِ محترم ہوتے تو بہتر بتاتے کہاں میں استادِ محترم؟ اور فورم پر کیوں نہیں آتے

ریحان بھائی یہ جملہ جہاں راحل بھائی کی استادِ محترم الف عین صاحب سے بے پناہ محبت کا اظہار ہے وہیں کسرِ نفسی بھی کی مثال بھی ہے۔
جہاں یہ ایک حقیقت ہے کہ استادِ محترم الف عین صاحب اردو محفل میں اصلاحِ سخن کو فرض سمجھ کر نبھاتے ہیں اور ان کی چند دن کی جدائی بھی ہم محفلین پر شاق گزرتی ہے، وہیں یہ بھی ہے کہ مختلف ادوار میں اردو محفل کو جناب الف عین کے ساتھ ایسے محفلین بھی میسر آئے ہیں جنھوں نے اصلاح سخن کی ذمہ داری کو بہت خوبصورت انداز میں نبھایا، راحل بھائی انہی چند محفلین میں سے ہیں۔ خوبصورت شاعر اور بہت اچھے استاد!

یاسر علی — جنوری 29، 2021 7:09 صبح

محمد خلیل الرحمٰن نے کہا:
ریحان بھائی یہ جملہ جہاں راحل بھائی کی استادِ محترم الف عین صاحب سے بے پناہ محبت کا اظہار ہے وہیں کسرِ نفسی بھی کی مثال بھی ہے۔
جہاں یہ ایک حقیقت ہے کہ استادِ محترم الف عین صاحب اردو محفل میں اصلاحِ سخن کو فرض سمجھ کر نبھاتے ہیں اور ان کی چند دن کی جدائی بھی ہم محفلین پر شاق گزرتی ہے، وہیں یہ بھی ہے کہ مختلف ادوار میں اردو محفل کو جناب الف عین کے ساتھ ایسے محفلین بھی میسر آئے ہیں جنھوں نے اصلاح سخن کی ذمہ داری کو بہت خوبصورت انداز میں نبھایا، راحل بھائی انہی چند محفلین میں سے ہیں۔ خوبصورت شاعر اور بہت اچھے استاد!

بجا فرمایا سر آپ نے۔۔

ریحان احمد ریحانؔ — جنوری 29، 2021 9:05 صبح

محمّد احسن سمیع :راحل: نے کہا:
ان کی آنکھوں کا آپریشن ہوا ہے موتیا نکالنے کے لیے، اس لیے کچھ دن تک محفل پر نہیں آسکیں گے.

اللہ تعالی استادِ محترم کو شفاء عاجلہ و کاملہ نصیب فرمائے اور ان کا سایہ تا دیر ہمارے سروں پر قائم رکھے آمین

اشرف علی — جنوری 30، 2021 7:17 صبح

ریحان احمد ریحانؔ نے کہا:
اللہ تعالی استادِ محترم کو شفاء عاجلہ و کاملہ نصیب فرمائے اور ان کا سایہ تا دیر ہمارے سروں پر قائم رکھے آمین

آمین ثمہ آمین

مقبول — جنوری 30، 2021 1:52 شام

ریحان احمد ریحانؔ نے کہا:
اللہ تعالی استادِ محترم کو شفاء عاجلہ و کاملہ نصیب فرمائے اور ان کا سایہ تا دیر ہمارے سروں پر قائم رکھے آمین

آمین