غزل برائے اصلاح: وقت جو بیت گیا اس کو صداکیا دینا: محمد حفیظ الرحمٰن

خوب حفیظ، ماشاء اللہ اچھی غزل ہے۔ ایک دو بہتری کی تجویزیں دوں گا۔
ایک تو ’اتنے نزدیک‘ درست ہے، اتنی نزدیک نہیں۔
دوسرے اس شعر میں
جرم ثابت ہو، گواہی بھی ہو، لیکن کویئ
سر جھکائے جو کھڑا ہو تو سزا کیا دینا
مجھے ‘کوئی‘ جس کا تعلق دوسرے مصرع سے ہے، پہلے میں اتنا مناسب نہیں لگ رہا ہے۔ اگر یوں کہو تو
جرم ثابت ہو، گواہی بھی ہو، لیکن پھر بھی
سر جھکائے وہ کھڑا ہو تو سزا کیا دینا

بہت عمدہ کلام ہے جی

محترم جناب استاد عبید اعجاز صاحب۔ سر اصلاح کے لئے بہت بہت شکریہ۔ اتنی کی جگہ اتنے کا لفظ ہی واقعی درست ہے۔ دوسرے شعر میں اصلاح سے بھی شعر بہتر ہو گیا ہے۔ میری مدیرِ محترم جناب خلیل صاحب سے التماس ہے کہ استادِ محترم کی اصلاح کے مطابق غزل میں ترمیم کر دیں۔ شکریہ۔

جناب شیزان صاحب۔غزل کی پسندیدگی کے لئے بہت بہت شکریہ۔ بڑی نوازش۔

محمد حفیظ الرحمٰن نے کہا:

محترم جناب استاد عبید اعجاز صاحب۔ سر اصلاح کے لئے بہت بہت شکریہ۔ اتنی کی جگہ اتنے کا لفظ ہی واقعی درست ہے۔ دوسرے شعر میں اصلاح سے بھی شعر بہتر ہو گیا ہے۔ میری مدیرِ محترم جناب خلیل صاحب سے التماس ہے کہ استادِ محترم کی اصلاح کے مطابق غزل میں ترمیم کر دیں۔ شکریہ۔

مزید نمائش کے لیے کلک کریں۔۔۔

تدوین کردی ہے جناب۔
بہت داد قبول فرمائیے اس خوبصورت غزل پر

مدیرِ محترم جناب محمد خلیل الرحمٰن صاحب۔ تدوین اور غزل کی پسندیدگی کے لئے بہت بہت شکریہ۔بڑی نوازش۔

میرے خیال میں تو لفظ "صدا" موءنث ہوتا ہے۔ مطلع کے پہلے مصرعے میں مذکر استعمال ہوا ہے۔

نہیں بلال، یہاں ’دینا‘ ردیف ہے، جسے نیوٹرل استعمال کیا جا سکتا ہے۔ یہ صرف دہلی اور لکھنؤ کے جھگڑوں میں ہو تا ہے کہ صدا دینی درست ہے (لکھنؤ) اور ’صدا دینا‘ ہونا چاہئے (دہلی)۔ لیکن آج کل زبان کے اس فرق پر زور نہیں دیا جاتا، اور یوں بھی ردیف یہاں ’دینا‘ ہی ہے، اور یہ شاعر کی مجبوری ہے، یا ضرورت شعری ہے