غزل برائے تنقید و تبصرہ و اصلاح

مانی عباسی — فروری 22، 2013 3:29 صبح

شوکت پرویز
محمد اظہر نذیر مزمل شیخ بسمل
الف عین محمد یعقوب آسی

ملاقات ہوتی ہے کیا جام پی کر

پہن لیتے ہیں لوگ احرام پی کر

نکلنے لگا جب میں کل شام پی کر

ملا چاند مجھ کو سرِ بام پی کر

پلانے سے پہلے نظر کیوں ملائی

تمام اب کے ہوگا مرا کام پی کر

ان اشکوں کو آبِ بقا مان کے پی

محبت میں ملتا ہے آرام پی کر

بہت منتظر ہوں اب اے موت تیرا

جیے جا رہا ہوں ترا نام پی کر

سنائیں جو مانی نے غزلیں تو بولے

خدارا مچاؤ نہ کہرام پی کر ..........

شوکت پرویز — فروری 22، 2013 5:49 صبح

جناب مانی صاحب!
بہت اچّھی غزل ہے، اور مکمّل بحر میں بھی ہے۔

مانی عباسی نے کہا:
ملاقات ہوتی ہے کیا جام پی کر
پہن لیتے ہیں لوگ احرام پی کر

دونوں مصرعوں میں ربط نہیں لگ رہا۔

مانی عباسی نے کہا:
نکلنے لگا جب میں کل شام پی کر
ملا چاند مجھ کو سرِ بام پی کر

بہت اچّھا شعر ہے، مبارکہ۔۔

مانی عباسی نے کہا:
ان اشکوں کو آبِ بقا مان کے پی
محبت میں ملتا ہے آرام پی کر

اسے یوں کر کے دیکھیں۔۔
ان اشکوں کو راحت رساں مان کے پی
ًًمحبت میں ملتا ہے آرام پی کر
اس شعر میں محبت کی جگہ "اذیّت" کیسا رہے گا؟
مزید کے لئے اساتذہ کرام کا انتظار کریں۔
شکریہ!!

محمد اظہر نذیر — فروری 22، 2013 8:24 صبح

یہ دو اشعار یوں دیکھ لیجیے جناب
مساجد کو جائیں کھلے عام پی کر
پہن لیتے ہیں لوگ احرام پی کر
ان اشکوں کو آبِ بقا مانتا ہوں
محبت میں ملتا ہے آرام پی کر

مانی عباسی — فروری 22، 2013 1:30 شام

محمد اظہر نذیر نے کہا:
یہ دو اشعار یوں دیکھ لیجیے جناب
مساجد کو جائیں کھلے عام پی کر
پہن لیتے ہیں لوگ احرام پی کر
ان اشکوں کو آبِ بقا مانتا ہوں
محبت میں ملتا ہے آرام پی کر

شکریہ بھائی اچھی لگی آپ کی بات ۔۔۔۔۔۔

مانی عباسی — فروری 22، 2013 1:30 شام

شوکت پرویز نے کہا:
جناب مانی صاحب!
بہت اچّھی غزل ہے، اور مکمّل بحر میں بھی ہے۔
دونوں مصرعوں میں ربط نہیں لگ رہا۔
بہت اچّھا شعر ہے، مبارکہ۔۔
اسے یوں کر کے دیکھیں۔۔
ان اشکوں کو راحت رساں مان کے پی
ًًمحبت میں ملتا ہے آرام پی کر
اس شعر میں محبت کی جگہ "اذیّت" کیسا رہے گا؟
مزید کے لئے اساتذہ کرام کا انتظار کریں۔
شکریہ!!

سوچتا ہوں کچھ جناب ۔۔۔۔۔۔۔۔۔شکریہ

الف عین — مارچ 1، 2013 6:13 صبح

ملاقات ہوتی ہے کیا جام پی کر
پہن لیتے ہیں لوگ احرام پی کر
//پہلا مصرع کچھ دوسرا کہو، گرہ درست نہیں لگی ہے۔
نکلنے لگا جب میں کل شام پی کر
ملا چاند مجھ کو سرِ بام پی کر
//درست، لیکن پھر کیا ہوا؟
پلانے سے پہلے نظر کیوں ملائی
تمام اب کے ہوگا مرا کام پی کر
//درست
ان اشکوں کو آبِ بقا مان کے پی
محبت میں ملتا ہے آرام پی کر
//دوا مان کر اپنے اشکوں کو پی لو
سے زیادہ رواں ہو جاتا ہے شعر۔
بہت منتظر ہوں اب اے موت تیرا
جیے جا رہا ہوں ترا نام پی کر
//اجل اس طرح منتظر ہوں میں تیرا
بہتر مصرع ہوگا
سنائیں جو مانی نے غزلیں تو بولے
خدارا مچاؤ نہ کہرام پی کر ..........
//شعر تو درست ہے، لیکن کیا اپنے شعر سنانے میں ایسا شور مچاتے ہو؟؟؟؟

مانی عباسی — مارچ 1، 2013 7:19 صبح

الف عین نے کہا:
ملاقات ہوتی ہے کیا جام پی کر
پہن لیتے ہیں لوگ احرام پی کر
//پہلا مصرع کچھ دوسرا کہو، گرہ درست نہیں لگی ہے۔
درست کہا آپ نے ۔۔۔۔۔۔واقعی ایسا لگ رہا تھا مجھے بھی

مانی عباسی — مارچ 1، 2013 7:20 صبح

الف عین نے کہا:
نکلنے لگا جب میں کل شام پی کر
ملا چاند مجھ کو سرِ بام پی کر
//درست، لیکن پھر کیا ہوا؟
پھر کیا ہونا ہے جناب ؟؟؟؟؟؟؟

مانی عباسی — مارچ 1، 2013 7:21 صبح

الف عین نے کہا:
ان اشکوں کو آبِ بقا مان کے پی
محبت میں ملتا ہے آرام پی کر
//دوا مان کر اپنے اشکوں کو پی لو
سے زیادہ رواں ہو جاتا ہے شعر۔
صحیح کہا آپ نے ۔۔۔سوچتا ہوں اس پر

مانی عباسی — مارچ 1، 2013 7:22 صبح

الف عین نے کہا:
بہت منتظر ہوں اب اے موت تیرا
جیے جا رہا ہوں ترا نام پی کر
//اجل اس طرح منتظر ہوں میں تیرا
بہتر مصرع ہوگا
وہ تو صحیح ہے مگر پھر شعر کچھ یوں بن جائے گا
اجل اس طرح منتظر ہوں میں تیرا
جیے جا رہا ہوں ترا نام پی کر
کیا یہ صحیح ہے ؟؟؟؟؟؟

مانی عباسی — مارچ 1، 2013 7:24 صبح

الف عین نے کہا:
سنائیں جو مانی نے غزلیں تو بولے
خدارا مچاؤ نہ کہرام پی کر ..........
//شعر تو درست ہے، لیکن کیا اپنے شعر سنانے میں ایسا شور مچاتے ہو؟؟؟؟

اس بارے میں کیا کہہ سکتا ہوں پر کسی کو ایسا لگتا ہے ۔۔۔۔۔۔۔۔
باقی سر آپ کی بہت نوازش آیندہ بھی آپکی شفقت کاطلبگار ہوں ۔۔۔۔۔۔۔۔خوش رہیں ۔۔۔۔۔۔۔۔