غزل برائے تنقید و تبصرہ و اصلاح

مطلع سمجھ میں نہیں آیا۔
تیسرا شعر بھی ایضاً
ہم اب ذکرِ اگن سن کے لگن کا نام لیتے ہیں
اگن ہندوستانی فلموں کے گانوں کا لفظ ہے، درست ہندی میں بھی اگنی ہوتا ہے۔ اور اس کے ساتھ فارسی ترکیب میں اضافت نہیں لگائی جا سکتی۔
ہو آنکھوں سے تصادم تو کفن کا نام لیتے ہیں
تصادم؟
ہے ملکِ رنگ پے اِنکی حکمرانی مگر مانی
گل و تتلی بھی اُنکے پیرہن کا نام لیتے ہیں
÷÷پہلا مصرع بحر سے خارج کہ حکمرانی کا تلفظ درست نپیں۔دوسرے میں "گل و تتلی" میں فارسی کی واو عطف کا استعمال غلط ہے کہ تتلی ہندی لفظ ہے۔ اس کو یوں کر دو
ہے ملک رنگ پر ان کی حکومت، مان لو مانی
کہ پھول اور تتلی ان کے پیرہن۔۔۔۔۔
باقی کا پہلے تم خود تبدیلی کا سوچو

الف عین نے کہا:

مطلع سمجھ میں نہیں آیا۔
تیسرا شعر بھی ایضاً
ہم اب ذکرِ اگن سن کے لگن کا نام لیتے ہیں
اگن ہندوستانی فلموں کے گانوں کا لفظ ہے، درست ہندی میں بھی اگنی ہوتا ہے۔ اور اس کے ساتھ فارسی ترکیب میں اضافت نہیں لگائی جا سکتی۔
ہو آنکھوں سے تصادم تو کفن کا نام لیتے ہیں
تصادم؟
ہے ملکِ رنگ پے اِنکی حکمرانی مگر مانی
گل و تتلی بھی اُنکے پیرہن کا نام لیتے ہیں
÷÷پہلا مصرع بحر سے خارج کہ حکمرانی کا تلفظ درست نپیں۔دوسرے میں "گل و تتلی" میں فارسی کی واو عطف کا استعمال غلط ہے کہ تتلی ہندی لفظ ہے۔ اس کو یوں کر دو
ہے ملک رنگ پر ان کی حکومت، مان لو مانی
کہ پھول اور تتلی ان کے پیرہن۔۔۔ ۔۔
باقی کا پہلے تم خود تبدیلی کا سوچو

مزید نمائش کے لیے کلک کریں۔۔۔

شکریہ سر جی ۔۔۔۔۔۔۔بہت جلد اس غزل کو دوبارہ سے لکھ کے آپ کو زحمت دوں گا ۔۔۔۔۔۔کافی خامیاں ہیں ابھی اس میں.۔۔۔۔

الف عین
سر اب کیا کہتے ہیں آپ ؟؟؟؟؟؟​

بہاریں یاد کرتے ہیں وطن کا نام لیتے ہیں
جنوں کے دشت والے اب چمن کا نام لیتے ہیں
مزارِ آس پے جب بھی چراغِ دل جلاتے ہیں
ہم آنچل ساتھ رکھتے ہیں کفن کا نام لیتے ہیں
مہکتے پھول کی یارو نزاکت دیکھ کر اکثر
دبا کر لب ہم اک شیریں بدن کا نام لیتے ہیں
بتِ یادِ صنم یوں تیشۂِ غم سے تراشا کہ
یہ کوزہ گر ادب سے کوہکن کا نام لیتے ہیں
ہے ملکِ رنگ کس کی حکمرانی میں، بتا مانی
گل و تتلی تو اُن کے پیرہن کا نام لیتے ہیں.....​

آخری مصرعہ کچھ یوں ہے .......
گل اور تتلی تو اُن کے پیرہن کا نام لیتے ہیں.....

گل و بُلبُل تو اُن کے پیرہن کا نام لیتے ہیں؟؟؟؟

محمد خلیل الرحمٰن نے کہا:

گل و بُلبُل تو اُن کے پیرہن کا نام لیتے ہیں؟؟؟؟

مزید نمائش کے لیے کلک کریں۔۔۔

شکریہ بھائی جان ۔۔۔بلبل سے زیادہ تتلی صحیح نہیں لگ رہا؟؟؟؟؟ یہاں اصل میں رنگینی سے تعلق ظاہر کرنا ہے اور میری رائے میں تو بلبل استعمال کرنے سے یہ مقصد پورا نہیں ہوتا ۔۔۔۔۔۔۔

بھائی اس غزل کے شاعر آپ ہیں، جو خیال آپ چاہیں ، وہی آپ کے خیالات کی بہتر ترجمانی کرے گا۔ہم تو صلاح دینے والے ہیں۔ جزاک اللہ

مطلع درست، اور تیسرا شعر بھی۔ اگرچہ ابلاغ کا مسئلہ دونوں میں باقی ہے۔
دوسرا درست
چوتھے میں ’کہ‘ کو ‘ہے‘ سے بدل دو تو دو حرفی والا سقم بھی نہیں رہتا۔
آخری مقطع درست تو ہو گیا لیکن گل اور تتلی بھی اتنا اچھا نہیں لگ رہا اس کو بھی الفاظ بدلنے کی کوشش کرو، مثلاً
ہے ملک رنگ و بو کس راج میں مانی، کہ ہر تتلی
چمن کے پھول سب اس پیرہن۔۔
اگرچہ مجوزہ شعر بھی کوئی خاص نہیں، محض مثال ہے

الف عین نے کہا:

چوتھے میں ’کہ‘ کو ‘ہے‘ سے بدل دو تو دو حرفی والا سقم بھی نہیں رہتا۔

مزید نمائش کے لیے کلک کریں۔۔۔

کو لگانے سے پورا شعر ہی بدلنا نہیں پڑے گا ؟؟؟؟

الف عین نے کہا:

آخری مقطع درست تو ہو گیا لیکن گل اور تتلی بھی اتنا اچھا نہیں لگ رہا اس کو بھی الفاظ بدلنے کی کوشش کرو، مثلاً
ہے ملک رنگ و بو کس راج میں مانی، کہ ہر تتلی
چمن کے پھول سب اس پیرہن۔۔
اگرچہ مجوزہ شعر بھی کوئی خاص نہیں، محض مثال ہے

مزید نمائش کے لیے کلک کریں۔۔۔

سوچتا ہوں اس پر.۔۔۔۔ویسے کافی سوچنے کے بعد لکھا تھا یہ شعر۔۔

مانی عباسی نے کہا:

کو لگانے سے پورا شعر ہی بدلنا نہیں پڑے گا ؟؟؟؟

مزید نمائش کے لیے کلک کریں۔۔۔

"ہے" لگانے کے لئے کہا گیا ہے، "کو" نہیں۔۔۔

الف عین نے کہا:

چوتھے میں ’کہ‘ کو ‘ہے‘ سے بدل دو تو دو حرفی والا سقم بھی نہیں رہتا۔

مزید نمائش کے لیے کلک کریں۔۔۔

شوکت پرویز نے کہا:

"ہے" لگانے کے لئے کہا گیا ہے، "کو" نہیں۔۔۔

مزید نمائش کے لیے کلک کریں۔۔۔

بتِ یادِ صنم یوں تیشۂِ غم سے تراشا ہے
کہ کوزہ گر ادب سے کوہکن کا نام لیتے ہیں
اب صحیح ہے ؟؟؟؟؟؟

شوکت پرویز نے کہا:

"ہے" لگانے کے لئے کہا گیا ہے، "کو" نہیں۔۔۔

مزید نمائش کے لیے کلک کریں۔۔۔

صحیح ہے

مانی عباسی نے کہا:

بتِ یادِ صنم یوں تیشۂِ غم سے تراشا ہے
کہ کوزہ گر ادب سے کوہکن کا نام لیتے ہیں
اب صحیح ہے ؟؟؟؟؟؟

مزید نمائش کے لیے کلک کریں۔۔۔

جی! اب پہلے سے بہتر ہے۔

مانی عباسی نے کہا:

بتِ یادِ صنم یوں تیشۂِ غم سے تراشا ہے
کہ کوزہ گر ادب سے کوہکن کا نام لیتے ہیں
اب صحیح ہے ؟؟؟؟؟؟

مزید نمائش کے لیے کلک کریں۔۔۔

"کہ کوزہ گر" میں بھی کاف کی تکرار نا خوش گوار محسوس ہوتی ہے۔ یہاں 'یہ' ہی رہنے دو، یوں'پہلے مصرع میں واضح کر دیتا ہے کہ اسی کی وضاحت کی جا رہی ہے

الف عین نے کہا:

"کہ کوزہ گر" میں بھی کاف کی تکرار نا خوش گوار محسوس ہوتی ہے۔ یہاں 'یہ' ہی رہنے دو، یوں'پہلے مصرع میں واضح کر دیتا ہے کہ اسی کی وضاحت کی جا رہی ہے

مزید نمائش کے لیے کلک کریں۔۔۔

صحیح فرما رہے ہیں آپ.۔۔۔۔۔۔شکریہ ۔۔۔۔۔۔۔خوش رہیں