قطعہ برائے اصلاح

محترم سر الف عین عین ان اشعار پر آپ کی رائے درکار ہے۔
کیا یہ قطعہ درست ہے؟
کچھ تو احساسِ ندامت سے پشیماں ہو کر
اور کچھ فخر و مباہات سے نازاں ہو کر
ہم نے جب اس سے کہا "آپ سے الفت ہے ہمیں"
اس نے دیکھا ہمیں حیران و پریشاں ہو کر

درست ہے ماشاء اللہ

استادِ محترم الف عین اور دیگر اساتذہ کی خدمت میں۔۔۔۔۔۔یہ فرما دیجیے کہ یہ دو اشعار بطورِ قطعہ درست ہیں؟؟

استادِ محترم الف عین دیگر اساتذہ،اور محفلین کی خدمت میں یہ قطعہ پیش کر رہا ہوں.
افاعیل "مفعول فاعلاتُ مفاعیل فعولن" ہیں۔
کیا یہ اشعار درست قرار پائیں گے؟
محمد وارث
محمد ریحان قریشی
امجد علی راجا
نیز درج بالا قطعہ بھی اساتذہ کی رائے کا متقاضی ہے۔
اگر ایک نظر دیکھ لیں تو!!!!

ایک اور قطعہ اساتذہ کرام اور محفلین کی خدمت میں پیش کر رہا ہوں:

عاطف ملک نے کہا:

استادِ محترم الف عین دیگر اساتذہ،اور محفلین کی خدمت میں یہ قطعہ پیش کر رہا ہوں.
افاعیل "مفعول فاعلاتُ مفاعیل فعولن" ہیں۔

ناز و ادا میں، طور طریقوں میں نزاکت
آواز اور شکل پہ مردانہ ملی ہے
دھوکا ہوا ہے اب بھی، مگر بات نئی تھی
ریحاں کے روپ میں ہمیں ریحانہ ملی ہے
​

کیا یہ اشعار درست قرار پائیں گے؟
محمد وارث
محمد ریحان قریشی
امجد علی راجا
نیز درج بالا قطعہ بھی اساتذہ کی رائے کا متقاضی ہے۔
اگر ایک نظر دیکھ لیں تو!!!!

مزید نمائش کے لیے کلک کریں۔۔۔

اشعار تو درست ہیں ڈاکٹر صاحب، بحر کے ساتھ آپ نے تجربہ کیا ہے کہ جو معروف بحر ہے اس میں آخری رکن 'فاعلن' ہے۔ مجھے تو کوئی دشواری پیش نہیں آئی پڑھنے میں لیکن روایات بہت مضبوط ہوتی ہیں

عاطف ملک نے کہا:

ایک اور قطعہ اساتذہ کرام اور محفلین کی خدمت میں پیش کر رہا ہوں:

آئی جو اس کے گھر سے مٹھائی تو رو دیے
شادی کی اطلاع وہ لائی تو رو دیے
جس پر تھی دو برس سے ترے بھائی کی نظر
آج اس نے کہہ دیا ہمیں "بھائی" تو رو دیے
​

مزید نمائش کے لیے کلک کریں۔۔۔

ہنسنے کا مقام تھا ڈاکٹر صاحب، آپ رو دیے

محمد وارث نے کہا:

اشعار تو درست ہیں ڈاکٹر صاحب، بحر کے ساتھ آپ نے تجربہ کیا ہے کہ جو معروف بحر ہے اس میں آخری رکن 'فاعلن' ہے۔ مجھے تو کوئی دشواری پیش نہیں آئی پڑھنے میں لیکن روایات بہت مضبوط ہوتی ہیں

مزید نمائش کے لیے کلک کریں۔۔۔

دراصل اس بحر میں اشعار کہتے وقت اکثر آخری رکن "فاعلن" کی جگہ "فعولن" کر دیتا ہوں اور مجھے مطلق دشواری نہیں ہوتی۔
اس واسطے دانستہ یہ قطعہ آخری رکن "فعولن" کے ساتھ لکھا ہے کہ آپ اساتذہ سے اس کے متعلق رائے لے لوں۔
بہت ممنون ہوں کہ آپ نے اپنی رائے سے نوازا
ماہرینِ عروض تو اس تجربے سےصرفِ نظر کر گئے ہیں غالباً

محمد وارث نے کہا:

ہنسنے کا مقام تھا ڈاکٹر صاحب، آپ رو دیے

مزید نمائش کے لیے کلک کریں۔۔۔

عاطف ملک نے کہا:

ماہرینِ عروض تو اس تجربے سےصرفِ نظر کر گئے ہیں غالباً

مزید نمائش کے لیے کلک کریں۔۔۔

فاعلاتن کے اول سببِ خفیف کو اڑا کر فعولن حاصل تو کیا جا سکتا ہے مگر ایسا کوئی مستعمل زحاف میری نظر سے نہیں گزرا. خیر، اگر یہ بحر ماہرین کو پسند آئے تو کوئی نہ کوئی راہ نکل ہی جائے گی.
لیکن یہ بھی قابلِ غور ہے کہ اس بحر میں تقریباً ہر مبتدی ہی سے آخری رکن کو تبدیل کرنے کی خطا ہو جاتی ہے، اس لیے اگر در پسِ تغییر یہ بحر بھلی معلوم ہوتی تو کب کی رائج ہو چکی ہوتی.

مجھے بھی پہلے قطعے کی بحری جدت طرازی پسند نہیں۔ میں تو اسے مبتدیوں کی دو بحور کے اختلاط کی غلطی پر محمول کرتا ہوں۔ دوسرے قطعے میں چاہے ہنسو یا روؤ۔ کوئی فرق نہیں پڑتا۔