لوگ کہتے ہیں شاعری ہے یہ!

عینی مروت — فروری 10، 2014 9:48 شام

السلام علیکم !
ایک قطعہ نذرِ محفل کر رہی ہوں ،تمام معزز اساتذہ سے رہنمائی اور اصلاح کی درخواست کے ساتھ۔۔
نوحۂ نارسائی ہے اس میں
میرے جذبوں کی تشنگی ہے یہ
حرف کرتی ہوں اپنی آہوں کو
لوگ کہتے ہیں شاعری ہے یہ
عینی

الف عین — فروری 11، 2014 2:24 صبح

اچھا قطعہ ہے، اصلاح کی ضرورت نہیں۔

محمد اسامہ سَرسَری — فروری 11، 2014 4:56 شام

بہت خوب

عینی مروت — فروری 11، 2014 8:56 شام

الف عین نے کہا:
اچھا قطعہ ہے، اصلاح کی ضرورت نہیں۔

بہت شکریہ محترم،یعنی آپکے مطابق اسکی موزونیت میں کوئی کمی بیشی نہیں؟امید کرتی ہوں اور درخواست ہے کہ آئیندہ بھی اپنے مفید تبصروں اور مشوروں سے نوازتے رہیں گے ۔
سلامت رہیں

عینی مروت — فروری 11، 2014 8:58 شام

محمد اسامہ سَرسَری نے کہا:
بہت خوب

نوازش جناب ۔۔خوش رہیں

عاطف بٹ — فروری 11، 2014 9:01 شام

واہ، بہت عمدہ۔

عینی مروت — فروری 11، 2014 9:08 شام

عاطف بٹ نے کہا:
واہ، بہت عمدہ۔

بہت شکریہ جی۔۔

شوکت پرویز — فروری 12، 2014 11:48 صبح

بہت اچھا کلام ہے محترمہ !
اس میں اصلاح کی نہیں حاجت
گرچہ اصلاح کی لڑی ہے یہ

عینی مروت نے کہا:
یعنی آپکے مطابق اسکی موزونیت میں کوئی کمی بیشی نہیں؟

یہ مُرَوّت ہے آپ کی عینی
آپ کو ناسَرَہ لگی ہے یہ

عینی مروت — فروری 12، 2014 4:31 شام

شوکت پرویز نے کہا:
بہت اچھا کلام ہے محترمہ !
اس میں اصلاح کی نہیں حاجت
گرچہ اصلاح کی لڑی ہے یہ
یہ مُرَوّت ہے آپ کی عینی
آپ کو ناسَرَہ لگی ہے یہ

بہت عمدہ جناب! لاجواب۔۔۔۔
دوسرے شعرکے مصرعۂ اول میں عینی مروَت کو جس مروّت سے نواز دیا وہ جناب کا حسن نظر۔۔
بہت نوازش کلام سراہنے کے لیے :happy:

دراصل علم عروض کے بارے بہت محدود معلومات رکھتی ہوں اور علم رکھنا اپنی جگہ،
لیکن اپنا کلام پرکھنےاور اسکی موزونیت کے لیے کسی ماہر اصلاح کار کی رہنمائی کی اہمیت اپنی جگہ ہے جی۔
ہم ایسے مبتدی شعر تو کہہ سکتے ہیں لیکن حسن بیان کی باریکیاں اور وزن میں کمی بیشی صرف ایک استاد کی نظر دیکھ سکتی ہے

شوکت پرویز — فروری 13، 2014 8:31 صبح

عینی مروت نے کہا:
دوسرے شعرکے مصرعۂ اول میں عینی مروَت کو جس مروّت سے نواز دیا وہ جناب کا حسن نظر۔۔

میں یہ سمجھا تھا کہ "مُرَوَّت" آپ کا تخلص ہو گا، اور اس بناء پر اس طرح باندھ دیا تھا۔

عینی مروت — فروری 13، 2014 12:57 شام

شوکت پرویز نے کہا:
میں یہ سمجھا تھا کہ "مُرَوَّت" آپ کا تخلص ہو گا، اور اس بناء پر اس طرح باندھ دیا تھا۔

"مروَت" ایک پشتون قبیلے کا نام ہے لیکن ایک حوالے کے مطابق یہ لفظ ا" مروّت" سے ہی نکلا ہے
واللہ اعلم