متفرق اشعار - اصلاح کے لئے

چند متفرق اشعار جو ابھی تک کسی غزل کا حصّہ نہیں بن سکے اصلاح کے لئے پیش کر رہا ہوں۔
استاد محترم جناب الف عین سر سے بطور خاص اصلاح کی گزارش ہے۔
دیگر احباب کی آراء اور مشوروں کا بھی منتظر رہونگا۔

خوب اشعار ہیں ماشاء اللہ، بطور خاص
تری تصویر میں بند آنکھیں بنا دیں میں نے
منتظر ہوں یہ کھلیں اور کوئی منظر جاگے
اس کا جواب نہیں
کیا میاں کاشف اسرار احمد عینک ساز ہیں؟

الف عین نے کہا:

خوب اشعار ہیں ماشاء اللہ، بطور خاص
تری تصویر میں بند آنکھیں بنا دیں میں نے
منتظر ہوں یہ کھلیں اور کوئی منظر جاگے
اس کا جواب نہیں
کیا میاں کاشف اسرار احمد عینک ساز ہیں؟

مزید نمائش کے لیے کلک کریں۔۔۔

شکریہ استاد محترم۔
یہ شعر:

کاشف اسرار احمد نے کہا:

چشمے وشمے ٹھیک کرانے آ جاتے ہیں
نئی طرح سے دل کو دُکھانے آ جاتے ہیں

مزید نمائش کے لیے کلک کریں۔۔۔

ایک تاریخ رکھتا ہے استاد محترم۔
فتحپوری مسجد کے دروازے پر چاندنی چوک کی جانب چھوٹے چبوترے پر بیٹھ کر میرے اسکول کے ہم جماعت کے ابّا گھڑیوں اور عینک ٹھیک کرنے کا کام کرتے تھے۔
میرا ہم جماعت بھی کبھی کبھی ہاتھ "بٹا" دیا کرتا تھا کیونکہ قریب کی آبادی (غالباََ گلی قاسم جان سے) ایک لڑکی جسے وہ بہت پسند کرتا تھا اکثر کسی نا کسی "غیر" لڑکے کے ساتھ اُس کی دکان پر آ جایا کرتی تھی اور اس کا سیروں خون پھنکا کرتا تھا۔ اگلے دن کلاس میں آ کر دل کے پھپولے پھوڑا کرتا تھا۔ خوب دلچسپی رہتی تھی۔ بس ایک دن اچانک لیٹے لیٹے اس وقت کی یا د آ گئی تو یہ شعر وارد ہو گیا۔

بہتر سر۔
شاید کہیں کچھ چھوٹ گیا ہے۔
گھر پہنچ کر دوبارہ دیکھتا ہوں۔

الف عین نے کہا:

آنکھ جھپکی صبحِ دم, خواب آئے صف بہ صف
ایک مٹھی نیند بھی بٹ گئی ہزاروں میں
یہ شعر تو فاعلاتن فعلاتن الخ کا نہیں۔
اگر اس کے اراکان طے ہو جائیں تو دوسرے مصرع کا آخری حصہ دیکھا جائے کہ وزن سے خارج تو نہیں۔

مزید نمائش کے لیے کلک کریں۔۔۔

موبائل میں ہی مل گیا جناب۔ ارکان یہ ہیں:
فاعلن مفاعیلن فاعلن مفاعیلن
بحر ہزج مثمن اشتر

صبحِ دم محاورہ نہیں، محض صبح دم ہوتا ہے۔ جس کی وجہ سے میں فاعلن مفاعلن سمجھ رہا تھا۔
ایک مٹھی نیند والا ٹکڑا وزن سے خارج ہو رہا ہے۔ یوں کہا جا سکتا ہے
ایک مشت بھر تھی نیند، بٹ ۔۔۔

الف عین نے کہا:

صبحِ دم محاورہ نہیں، محض صبح دم ہوتا ہے۔ جس کی وجہ سے میں فاعلن مفاعلن سمجھ رہا تھا۔
ایک مٹھی نیند والا ٹکڑا وزن سے خارج ہو رہا ہے۔ یوں کہا جا سکتا ہے
ایک مشت بھر تھی نیند، بٹ ۔۔۔

مزید نمائش کے لیے کلک کریں۔۔۔

استاد محترم "ایک مشت بھر تھی نیند، بٹ۔۔۔" بھی شاید وزن سے خارج ہے !
غالباََ پورا شعر تبدیل کرنا پڑیگا۔

ایک مش۔ فاعلن
ت بھر تھی نید ۔مفاعیلات نیند میں غنہ تقطیع نہیں ہو گا۔ مفاعیلن کو مفاعیلات کیا جا سکتا ہے۔

مانگنے آئے ہو دنیا ہم فقیروں سے، رکو!
اک ذرا پیچھے ہٹو کاسہ اُلٹتا ہوں ابھی !
بہت خوب۔ کیا عمدہ خیال ہے۔ واہ واہ