مجھ سے بھی آ کے مل تَو ذرا زندگی کبھی

طرحی مشاعرے میں کہی گئی غزل۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول فاعلات مفاعیل فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوچھوں کہ مجھ سے کیوں نہ تری بن سکی کبھی
مجھ سے بھی آ کے مل تَو ذرا زندگی کبھی
صدقہ اتار دوں گا اندھیروں کا اس سے میں
جو میرے گھر میں آ بھی گئی روشنی کبھی
لگتا ہے صاف اب بھی کناروں کو دیکھ کر
دریا سے، پیاس تھی جو کہ لڑتی رہی کبھی
آتا ہے یاد مجھ کو جو رویا تھا لگ کے ساتھ
دیوار میں اترتی ہے جب بھی نمی کبھی
اپنے بھی دل کی بستی سے واقف نہیں ہوں میں
لوگوں سے ہی سنا ہے کہ آباد تھی کبھی
واعظ کو اس طرح تو برا مت کہیں حضور
آتے ہیں میکدے میں یونہی بس کبھی کبھی
جس میں نوید ذکر نہ کرتا ہو آپ کا
ایسی غزل بھی اس سے' بتائیں سنی کبھی!

محترم سر الف عین

اچھی غزل ہے۔ ویسے کوئی خامی تو نہیں۔ لیکن بہتری تو لائی جا سکتی ہے۔جیسے
دریا سے، پیاس تھی جو کہ لڑتی رہی کبھی
÷÷الفاظ بدلنے سے بہتری آ سکتی ہے۔
آتا ہے یاد مجھ کو جو رویا تھا لگ کے ساتھ
۔۔لگ کے سات مجھے اچھا نہیں لگا
اور
اپنے بھی دل کی بستی سے واقف نہیں ہوں میں
۔۔یاں ’ہی‘ ہو اور دوسرے مصرع میں ’ہی‘ کا استعمال نہ کیا جائے تو بہتر ہو

الف عین نے کہا:

اچھی غزل ہے۔ ویسے کوئی خامی تو نہیں۔ لیکن بہتری تو لائی جا سکتی ہے۔جیسے
دریا سے، پیاس تھی جو کہ لڑتی رہی کبھی
÷÷الفاظ بدلنے سے بہتری آ سکتی ہے۔
آتا ہے یاد مجھ کو جو رویا تھا لگ کے ساتھ
۔۔لگ کے سات مجھے اچھا نہیں لگا
اور
اپنے بھی دل کی بستی سے واقف نہیں ہوں میں
۔۔یاں ’ہی‘ ہو اور دوسرے مصرع میں ’ہی‘ کا استعمال نہ کیا جائے تو بہتر ہو

مزید نمائش کے لیے کلک کریں۔۔۔

بہت شکریہ سر۔۔۔
آتا ہے یاد مجھ کو جو رویا تھا لگ کے ساتھ
۔۔لگ کے سات مجھے اچھا نہیں لگا
اسے یوں کیا۔۔۔
رویا تھا اس کے سائے میں آتا ہے مجھ کو یاد
دیوار میں اترتی ہے جب بھی نمی کبھی
اپنے بھی دل کی بستی سے واقف نہیں ہوں میں
۔۔یاں ’ہی‘ ہو اور دوسرے مصرع میں ’ہی‘ کا استعمال نہ کیا جائے تو بہتر ہو
اسے اس طرح۔۔
اپنے ہی دل کی بستی سے واقف نہیں ہوں میں
لوگوں سے یہ سنا ہے کہ آباد تھی کبھی

بہت اچھی غزل ہے نوید ناظم صاحب بہت خوب اور بہت سی داد۔

بہتر ہو گئی ہے غزل

سید عاطف علی نے کہا:

بہت اچھی غزل ہے نوید ناظم صاحب بہت خوب اور بہت سی داد۔

مزید نمائش کے لیے کلک کریں۔۔۔

زہے نصیب ۔۔۔۔ بہت شکریہ