مجھے جگ نے جینا سکھا دیا

loneliness4ever — نومبر 13، 2014 6:25 شام

السلام علیکم
امید ہے تمام احباب خیر سے ہونگے

مجھے جگ نے جینا سکھا دیا
بڑا مطلبی جو بنا دیا
لگا اجنبی سا مجھے نگر
وہ جو حاجتوں کا بتا دیا
مری دسترس میں ہیں منزلیں
تری خو نے ایسا بنا دیا
بڑے حوصلے کا وہ کام تھا
دیا یاد کا جو بجھا دیا
مرا کون ہے گا جہان میں
مجھے گردشوں نے بتا دیا
تری یاد کی رہی چاندنی
میں نے گھر کا دیپ بجھا دیا
نہ پتہ چلا میں نے گھر میں کب
ترے نام کو ہے سجا دیا
تری یاد کی رہی تیرگی
میں نے گھر ہی اپنا جلا دیا
یہ جو بارشوں کا ہے سلسلہ
لگے غم وہ دل کا سنا دیا
تری بے رخی نے اے زندگی
مجھے خود سے آج ملا دیا

توجہ کا طالب
خاکسار
س ن مخمور

محمد خلیل الرحمٰن — نومبر 19، 2014 3:15 صبح

loneliness4ever نے کہا:
مرا کون ہے گا جہان میں
مجھے گردشوں نے بتا دیا

ہے گا کو تبدیل کردیجیے۔

الف عین — نومبر 19، 2014 5:19 شام

بعد میں حاضر ہوتا ہوں

loneliness4ever — نومبر 22، 2014 1:49 شام

محمد خلیل الرحمٰن نے کہا:
ہے گا کو تبدیل کردیجیے۔

محترم استاد
ذیل میں جو لکھا ہے اس میں سے آپ کے ارشاد کیمطابق
’’ ہے گا ‘‘ تبدیل کرنے کی ٹھانی
مرا کون ہے گا جہان میں
مجھے گردشوں نے بتا دیا
اور ’’ ہے گا ‘‘ کی تبدیلی اپنے ساتھ درج ذیل تبدیلی لے آئی
مرے لوگ سب ہیں فریب سے
مجھے گردشوں نے بتا دیا
توجہ کا طالب
خاکسار

محمد خلیل الرحمٰن — نومبر 22، 2014 1:51 شام

ارے مخمور بھائی، ہم کوئی استاد نہیں، بس ایک مبتدی ہیں۔ اساتذہ کو آنے دیجیے!

loneliness4ever — نومبر 22، 2014 1:54 شام

محمد خلیل الرحمٰن نے کہا:
ارے مخمور بھائی، ہم کوئی استاد نہیں، بس ایک مبتدی ہیں۔ اساتذہ کو آنے دیجیے!

خاکسار نے آپ سے سیکھا ہے اور اس لئے آپ کو استاد سمجھا اور کہا ہے
سچ چھپائے نہیں چھپتا، آپ کی رائے خاکسار کے لئے سرمائے کی صورت ہے

ابن رضا — نومبر 22، 2014 1:55 شام

loneliness4ever نے کہا:
محترم استاد
ذیل میں جو لکھا ہے اس میں سے آپ کے ارشاد کیمطابق
’’ ہے گا ‘‘ تبدیل کرنے کی ٹھانی
مرا کون ہے گا جہان میں
مجھے گردشوں نے بتا دیا
اور ’’ ہے گا ‘‘ کی تبدیلی اپنے ساتھ درج ذیل تبدیلی لے آئی
مرے لوگ سب ہیں فریب سے
مجھے گردشوں نے بتا دیا
توجہ کا طالب
خاکسار

نہیں کوئی میرا، جہان میں
مجھے گردشوں نے بتا دیا

loneliness4ever — نومبر 22، 2014 1:56 شام

ابن رضا نے کہا:
نہیں کوئی میرا، جہان میں
مجھے گردشوں نے بتا دیا

بہت شاندار ، بہترین، جزاک اللہ
اجازت ہو تو میں لے لوں ؟؟؟

ابن رضا — نومبر 22، 2014 2:14 شام

loneliness4ever نے کہا:
بہت شاندار ، بہترین، جزاک اللہ
اجازت ہو تو میں لے لوں ؟؟؟

لے لوں کیا مطلب؟ خیال بھی آپ کا اور الفاظ بھی۔ میں نے تو معمولی تدوین کی ہے جناب

الف عین — نومبر 23، 2014 2:59 صبح

اسے بھول گیا تھا۔۔۔
مجھے جگ نے جینا سکھا دیا
بڑا مطلبی جو بنا دیا
۔۔دو لخت محسوس ہوتا ہے۔
لگا اجنبی سا مجھے نگر
وہ جو حاجتوں کا بتا دیا
÷÷یہ بھی واضح نہیں۔
مری دسترس میں ہیں منزلیں
تری خو نے ایسا بنا دیا
۔۔درست
بڑے حوصلے کا وہ کام تھا
دیا یاد کا جو بجھا دیا
÷÷دیا یاد۔۔۔ میں یایا کی تکرار اچھی نہیں لگتی صوتی طور پر۔
مرا کون ہے گا جہان میں
مجھے گردشوں نے بتا دیا
÷÷مفہوم؟
تری یاد کی رہی چاندنی
میں نے گھر کا دیپ بجھا دیا
÷÷درست
نہ پتہ چلا میں نے گھر میں کب
ترے نام کو ہے سجا دیا
÷÷میں نے کب‘ میں حروف کا غیر ضروری اسقاط ہے۔
تری یاد کی رہی تیرگی
میں نے گھر ہی اپنا جلا دیا
۔۔دو لخت، یادوں کی روشنی ہوتی ہے یا تیرگی؟؟
یہ جو بارشوں کا ہے سلسلہ
لگے غم وہ دل کا سنا دیا
÷÷واضح نہیں۔
تری بے رخی نے اے زندگی
مجھے خود سے آج ملا دیا
درست

الف عین — نومبر 23، 2014 2:59 صبح

اسے بھول گیا تھا۔۔۔
مجھے جگ نے جینا سکھا دیا
بڑا مطلبی جو بنا دیا
۔۔دو لخت محسوس ہوتا ہے۔
لگا اجنبی سا مجھے نگر
وہ جو حاجتوں کا بتا دیا
÷÷یہ بھی واضح نہیں۔
مری دسترس میں ہیں منزلیں
تری خو نے ایسا بنا دیا
۔۔درست
بڑے حوصلے کا وہ کام تھا
دیا یاد کا جو بجھا دیا
÷÷دیا یاد۔۔۔ میں یایا کی تکرار اچھی نہیں لگتی صوتی طور پر۔
مرا کون ہے گا جہان میں
مجھے گردشوں نے بتا دیا
÷÷مفہوم؟
تری یاد کی رہی چاندنی
میں نے گھر کا دیپ بجھا دیا
÷÷درست
نہ پتہ چلا میں نے گھر میں کب
ترے نام کو ہے سجا دیا
÷÷میں نے کب‘ میں حروف کا غیر ضروری اسقاط ہے۔
تری یاد کی رہی تیرگی
میں نے گھر ہی اپنا جلا دیا
۔۔دو لخت، یادوں کی روشنی ہوتی ہے یا تیرگی؟؟
یہ جو بارشوں کا ہے سلسلہ
لگے غم وہ دل کا سنا دیا
÷÷واضح نہیں۔
تری بے رخی نے اے زندگی
مجھے خود سے آج ملا دیا
درست

loneliness4ever — دسمبر 2، 2014 4:49 شام

الف عین نے کہا:
اسے بھول گیا تھا۔۔۔
مجھے جگ نے جینا سکھا دیا
بڑا مطلبی جو بنا دیا
۔۔دو لخت محسوس ہوتا ہے۔
لگا اجنبی سا مجھے نگر
وہ جو حاجتوں کا بتا دیا
÷÷یہ بھی واضح نہیں۔
مری دسترس میں ہیں منزلیں
تری خو نے ایسا بنا دیا
۔۔درست
بڑے حوصلے کا وہ کام تھا
دیا یاد کا جو بجھا دیا
÷÷دیا یاد۔۔۔ میں یایا کی تکرار اچھی نہیں لگتی صوتی طور پر۔
مرا کون ہے گا جہان میں
مجھے گردشوں نے بتا دیا
÷÷مفہوم؟
تری یاد کی رہی چاندنی
میں نے گھر کا دیپ بجھا دیا
÷÷درست
نہ پتہ چلا میں نے گھر میں کب
ترے نام کو ہے سجا دیا
÷÷میں نے کب‘ میں حروف کا غیر ضروری اسقاط ہے۔
تری یاد کی رہی تیرگی
میں نے گھر ہی اپنا جلا دیا
۔۔دو لخت، یادوں کی روشنی ہوتی ہے یا تیرگی؟؟
یہ جو بارشوں کا ہے سلسلہ
لگے غم وہ دل کا سنا دیا
÷÷واضح نہیں۔
تری بے رخی نے اے زندگی
مجھے خود سے آج ملا دیا
درست

مجھے جگ نے جینا سکھا دیا
بڑا مطلبی جو بنا دیا
۔۔دو لخت محسوس ہوتا ہے۔

استاد محترم خاکسار نے یہاں جگ کو مطلبی بیان کر کے اس بات کی جانب اشارہ کرنا چاہا ہے کہ
اس جگ میں اس کا جینا ممکن ہے جو مطلب پرست ہے ، زمانے میں نفسانفسی اس قدر ہوئی
کہ بنا مطلب پرستی کے جینا ، ترقی کرنا، آگے بڑھنا محال نظر آتا ہے یوں اگر اس مطلبی دنیا میں
جینا ہے تو مطلب پرست بن جانا ہوگا۔۔۔ یہ طنزا کہنا چاہا ہے کہ اس دنیا نے جینا سیکھا دیا مجھے
مطلبی جو بنا دیا
لگا اجنبی سا مجھے نگر
وہ جو حاجتوں کا بتا دیا
÷÷یہ بھی واضح نہیں۔
خاکسار نے یہ کہنا چاہا کہ ضرورتوں کے وقت
تما م شہر ہی نااآشنا لگا، ضرورت کے وقت
سب نے منہ موڑ لیا
مری دسترس میں ہیں منزلیں
تری خو نے ایسا بنا دیا
۔۔درست
محترم استاد کا درست بھی بہت قیمتی ہے بندے کے لئے
بڑے حوصلے کا وہ کام تھا
دیا یاد کا جو بجھا دیا
÷÷دیا یاد۔۔۔ میں یایا کی تکرار اچھی نہیں لگتی صوتی طور پر۔

استاد محترم مجھےخود اس پر قرار نہیں تھا مگر شریک محفل اس لئے
کیا کہ مجھے اندازہ ہو سکھے کہ جس انداز سے خاکسار سوچ رہا ہے
وہ درست بھی ہے کہ نہیں
محترم استاد اگر اس کو یوں کر دیا جائے
بڑے حوصلے کا وہ کام تھا
جو چراغ ِ یاد بجھا دیا
مرا کون ہے گا جہان میں
مجھے گردشوں نے بتا دیا
÷÷مفہوم؟
استاد محترم ۔۔۔ کوشش یہ کہنے کی خاکسار نے کہ
اس بھری دنیا میں اپنوں کے درمیان جب وقت کی
گردشوں نے گھیرا تو علم ہوا کہ کون اپنا ہے اور کون نہیں
محترم ابن رضا بھائی نے اس پر اپنی عنایت کی
جو ان کی اجازت سے خاکسار استعمال کرنے کی سعادت پا رہا ہے
استاد محترم اس شعر کو اب یوں کر دیا ہے
نہیں کوئی میرا، جہان میں
مجھے گردشوں نے بتا دیا
یعنی کہ برے حالات میں پتہ چل گیا کہ اپنوں کے درمیان بھی تنہا ہی ہیں
تری یاد کی رہی چاندنی
میں نے گھر کا دیپ بجھا دیا
÷÷درست
نہ پتہ چلا میں نے گھر میں کب
ترے نام کو ہے سجا دیا
÷÷میں نے کب‘ میں حروف کا غیر ضروری اسقاط ہے۔
تری یاد کی رہی تیرگی
میں نے گھر ہی اپنا جلا دیا
۔۔دو لخت، یادوں کی روشنی ہوتی ہے یا تیرگی؟؟

استاد محترم بالا شعر میں اگر گھر کی جگہ دل کر لوں تو شاید قابل قبول ہو
بالا خیال اس شعر کویاد کرکے ذہن میں آیا تھا
یاد ِ ماضی عذاب ہے یارب
چھین لے مجھ سے حافظہ میرا
یہاں شاعر نے ماضی کی یاد کو عذاب سے تعبیر کیا ہے
اس ہی طرح خاکسار نے کوشش کی اور
کہنا چاہا کہ جانے واے کی یاد کا اندھیرا ایسا ہوا کہ
گھر ہی اپنا جلا دیا مطلب یاد سے فرار کے لئے اپنا
گھر ہی فنا کر دیا
یہ جو بارشوں کا ہے سلسلہ
لگے غم وہ دل کا سنا دیا
÷÷واضح نہیں۔

استاد محترم خاکسا ر یہ کہنا چاہا کہ
دل کا غم لگتا ہے بادلوں کو پھر سنا دیا گیا ہے جب ہی برسات
ایسی لگی ہے کہ تھمنے میں نہیں آ رہی
تری بے رخی نے اے زندگی
مجھے خود سے آج ملا دیا
درست
محترم استاد اس درجہ عنایت پر ممنون ہوں، اورآپ کی رائے کا طالب
امید ہے وقت عنایت فرمائیں گے

loneliness4ever — دسمبر 2، 2014 4:52 شام

ابن رضا نے کہا:
لے لوں کیا مطلب؟ خیال بھی آپ کا اور الفاظ بھی۔ میں نے تو معمولی تدوین کی ہے جناب

یہ آپ کا بڑا پن ہے ورنہ اکثر زمانہ تو لیتا ہے دیتا نہیں ہے
اور آپ نے بخوشی خاکسار کو عنایت کئے اپنے الفاظ

عظیم — دسمبر 4، 2014 12:47 شام

الف عین نے کہا:
بعد میں حاضر ہوتا ہوں

بابا آپ کو ایک بات بتانا چاہتا ہوں شاید میری اصلاح کرتے وقت کام آ سکے مخمور بھائی اور میں نے شاید ایک ہی ساتھ شاعری شروع کی تھی ۔ ہم دونوں بھائی ایک فارم میں اپنی کاوشیں ارسال کیا کرتے تھے اور تو اور ایک بار ہماری جھڑپ بھی ہوئی تھی ( اس کے لئے معذرت مخمور بھائی )
اور بابا ہم دونوں غزلیں کہہ کر لڑا کرتے تھے کیا ادیبانہ لڑائی تھی وہ ۔ ہے نا مخمور بھائی ؟

loneliness4ever — دسمبر 4، 2014 2:50 شام

عظیم نے کہا:
بابا آپ کو ایک بات بتانا چاہتا ہوں شاید میری اصلاح کرتے وقت کام آ سکے مخمور بھائی اور میں نے شاید ایک ہی ساتھ شاعری شروع کی تھی ۔ ہم دونوں بھائی ایک فارم میں اپنی کاوشیں ارسال کیا کرتے تھے اور تو اور ایک بار ہماری جھڑپ بھی ہوئی تھی ( اس کے لئے معذرت مخمور بھائی )
اور بابا ہم دونوں غزلیں کہہ کر لڑا کرتے تھے کیا ادیبانہ لڑائی تھی وہ ۔ ہے نا مخمور بھائی ؟

یہ تو معلوم نہیں کے کس نے پہلے شاعری کی ٹانگیں توڑنے کا
آغاز کیا تھا، ہاں جی ایک فورم پر ضرور دونوں بھائیوں کی ملاقات
یادگار رہی تھی، اور یہ لڑائی کی بات تو ہمیں یاد ہی نہیں، ایسا
کب ہوا تھا، معلوم ہی نہیں، وہ کیا ہے کہ ہمارے ذہن میں یادداشت
محفوظ کرنے کی جگہ کم پڑنے لگی تو سوچا جو یادیں ذرا دوسری قسم
کی ہیں وہ ڈیلیٹ کر کے جگہ بنائی جائے ذہن میں، تو ہم نے جو
یادیں ڈیلیٹ کیں اس میں ہی لڑائی والی یاد بھی ڈیلیٹ ہوگئی اور
اب ہمارے ذہن میں جگہ کی کمی کے سبب ایسی یادیں محفوظ کرنے
کی گنجائش ہی نہیں ہے ...... بس یاد رہا تو اتنا کہ ہمارے ایک
بھائی ہیں جن کا نام عظیم ہے، اور ہم سے چار ہاتھ آگے ہیں شاعری میں

عظیم — دسمبر 4، 2014 3:13 شام

loneliness4ever نے کہا:
یہ تو معلوم نہیں کے کس نے پہلے شاعری کی ٹانگیں توڑنے کا
آغاز کیا تھا، ہاں جی ایک فورم پر ضرور دونوں بھائیوں کی ملاقات
یادگار رہی تھی، اور یہ لڑائی کی بات تو ہمیں یاد ہی نہیں، ایسا
کب ہوا تھا، معلوم ہی نہیں، وہ کیا ہے کہ ہمارا ذہن میں یادداشت
محفوظ کرنے کی جگہ کم پڑنے لگی تو سوچا جو یادیں ذرا دوسری قسم
کی ہیں وہ ڈیلیٹ کر کے جگہ بنائی جائے ذہن میں، تو ہم نے جو
یادیں ڈیلیٹ کی اس میں ہی لڑائی والی یاد بھی ڈیلیٹ ہوگئی اور
اب ہمارے ذہن میں جگہ کی کمی کے سبب ایسی یادیں محفوظ کرنے
کی گنجائش ہی نہیں ہے ...... بس یاد رہا تو اتنا کہ ہمارے ایک
بھائی ہیں جن کا نام عظیم ہے، اور ہم سے چار ہاتھ آگے ہیں شاعری میں

یاد رکها کرو مخمور بهائی یادیں چاہے بری ہوں یا اچهی مستقبل میں بہت سیکهنے کو ملتا ہے ان سے - ڈلیٹ کرنے سے جگہ تو بن جاتی ہے مگر ذہن خالی رہ جاتا ہے -