مجھے پیار کرنا سکھایا کسی نے

ارشد چوہدری — دسمبر 25، 2022 3:57 صبح

الف عین
کاشف اسرار احمد
محمد عبدالرؤوف
شاہد شاہنواز
-------------
مجھے پیار کرنا سکھایا کسی نے
محبّت سے اپنا بنایا کسی نے
--------
نہیں لوگ سارے بھروسے کے قابل
یہ جینے کا نسخہ بتایا کسی نے
----------
کیا مجھ کو مانوس چاہت سے اپنی
محبّت کا نغمہ سنایا کسی نے
----------یا
محبّت سے واقف نہیں تھا میں ہرگز
----------متبادل
مجھے پیار کرنا جو آتا نہیں تھا
وفا کرنا مجھ کو سکھایا کسی نے
----------
مرے دل میں ہر سو اندھیرا تھا چھایا
چراغ،محبّت جلایا کسی نے
---------
نہیں پیار کرتا میں دنیا سے ڈر کر
ہے الزام مجھ پر لگایا کسی نے
------
وہ سمجھا مرا پیار ہے ایک دھوکہ
مرے دل کو ایسے دکھایا کسی نے
----------
انوکھا یہ انداز محبّت کا دیکھا
مرا نام لکھ کر مٹایا کسی نے
-------
کیا مجھ سے نفرت کا اظہار ایسے
مرے خط کو پڑھ کر جلایا کسی نے
----------------
وہ اپنی جفاؤں پہ نادم ہوا یوں
کہ اشکوں سے دریا بہایا کسی نے
---------
کسی نے جو ارشد سے وعدہ کیا تھا
-----یا
وفا کا جو ارشد سے وعدہ کیا تھا
سدا عہد اپنا نبھایا کسی نے
----------

الف عین — دسمبر 25، 2022 11:21 صبح

جب کسی کہہ کر فاعل کو پوشیدہ رکھا جائے تو اسے دوسرے مصرعے میں بھی پوشیدہ ہی رکھا جائے

ارشد چوہدری نے کہا:
الف عین
کاشف اسرار احمد
محمد عبدالرؤوف
شاہد شاہنواز
-------------
مجھے پیار کرنا سکھایا کسی نے
محبّت سے اپنا بنایا کسی نے
--------
نہیں لوگ سارے بھروسے کے قابل
یہ جینے کا نسخہ بتایا کسی نے
----------
کیا مجھ کو مانوس چاہت سے اپنی
محبّت کا نغمہ سنایا کسی نے
----------

سب ٹھیک ہی ہیں، آخری شعر بھی یہی بہتر ہے بہ نسبت متبادلات کے

ارشد چوہدری نے کہا:
یا
محبّت سے واقف نہیں تھا میں ہرگز
----------متبادل
مجھے پیار کرنا جو آتا نہیں تھا
وفا کرنا مجھ کو سکھایا کسی نے
----------

اوپر کہہ دیا گیا ہے

ارشد چوہدری نے کہا:
مرے دل میں ہر سو اندھیرا تھا چھایا
چراغ،محبّت جلایا کسی نے
---------

پہلا مصرع بدلیں 'تھا چھایا' اچھا نہیں

ارشد چوہدری نے کہا:
نہیں پیار کرتا میں دنیا سے ڈر کر
ہے الزام مجھ پر لگایا کسی نے
------

یہ الزام... کی ضرورت ہے

ارشد چوہدری نے کہا:
وہ سمجھا مرا پیار ہے ایک دھوکہ
مرے دل کو ایسے دکھایا کسی نے
----------

واضح نہیں

ارشد چوہدری نے کہا:
انوکھا یہ انداز محبّت کا دیکھا
مرا نام لکھ کر مٹایا کسی نے
-------

بحر؟ الفت کہیں محبت کی جگہ

ارشد چوہدری نے کہا:
کیا مجھ سے نفرت کا اظہار ایسے
مرے خط کو پڑھ کر جلایا کسی نے
----------------

درست

ارشد چوہدری نے کہا:
وہ اپنی جفاؤں پہ نادم ہوا یوں
کہ اشکوں سے دریا بہایا کسی نے
---------

وہ فاعل کے طور پر ضرورت نہیں، اس کے بغیر کہنے کی کوشش کریں

ارشد چوہدری نے کہا:
کسی نے جو ارشد سے وعدہ کیا تھا
-----یا
وفا کا جو ارشد سے وعدہ کیا تھا
سدا عہد اپنا نبھایا کسی نے
----------

پہلا متبادل بہتر ہے

ارشد چوہدری — دسمبر 25، 2022 8:33 شام

الف عین
(اصلاح)
-----------
مرا من اندھیرے میں ڈوبا ہوا تھا
چراغِ محبّت جلایا کسی نے
---------
مجھے اس نے الفت کے قابل نہ سمجھا
مرے دل کو اتنا جلایا کسی نے
----------
انوکھا یہ انداز الفت کا دیکھا
مرا نام لکھ کر مٹایا کسی نے
-----------
جفاؤں پہ اپنی ہوا یوں ہے نادم
کہ اشکوں سے دریا بہایا کسی نے
-----------

الف عین — دسمبر 26، 2022 2:27 صبح

ارشد چوہدری نے کہا:
الف عین
(اصلاح)
-----------
مرا من اندھیرے میں ڈوبا ہوا تھا
چراغِ محبّت جلایا کسی نے
---------

مرا دل.... کہنے میں کوئی حرج؟

ارشد چوہدری نے کہا:
مجھے اس نے الفت کے قابل نہ سمجھا
مرے دل کو اتنا جلایا کسی نے
---------

پہلے مصرع میں "اس نے" کی جگہ "اپنی" کر کے فاعل کو مبہم رکھنا بہتر ہو گا

ارشد چوہدری نے کہا:
انوکھا یہ انداز الفت کا دیکھا
مرا نام لکھ کر مٹایا کسی نے
-----------

درست

ارشد چوہدری نے کہا:
جفاؤں پہ اپنی ہوا یوں ہے نادم
کہ اشکوں سے دریا بہایا کسی نے
-----------

جفا پر کچھ اس درجہ نادم ہوا ہے
میرے مجوزہ مصرعوں پر غور کریں کہ کس وجہ سے بہتر ہیں