ایک شعر ایک تصویر

تنہا تھی اور ہمیشہ سے تنہا ہے زندگی
ہے زندگی کا نام،مگر کیا ہے زندگی

درد ہو دل میں تو دوا کیجے
دل ہی جب درد ہو تو کیا کیجے

اٹھ نہیں سکتی حیا کے بوجھ سے
رحم آتا ہے نگاہ یار پر

چشم جاناں سے الگ ہو اے حیا..!
یوں جھکے پڑتے نہیں بیمار پر
(داغ)

سخت گرمی ہے، حبس ہے، دم گھٹا جاتا ہے آج
دیکھتے ہیں آج کیسا ہے ترے آنچل کا کام

دل یوں دھڑکا کہ پریشان ہوا ہو جیسے
کوئی بے دھیانی میں نقصان ہوا ہو جیسے

کل بارگاہ حسن تقدس مآب میں
دل محو احترام بڑی دیر تک رہا

آنے دو التفات میں کچھ اور بھی کمی
مانوس ہو رہے ہیں تمھاری جفا سے ہم

عشق کی رنگینیوں میں ڈوب کر
چاندنی راتوں میں رویا کیجئے۔۔۔