اِک بستی بسنے والی ہے

اُمید ابھی کچھ باقی ہے ۔
اِک بستی بسنے والی ہے
جس بستی میں کوئی ظُلم نہ ہو ۔
اور جینا کوئی جُرم نہ ہو
وہاں پھُول خوشی کے کھِلتے ہوں ۔
اور موسم سارے مِلتے ہوں
بَس رَنگ اور نُور برستے ہوں ۔
اور سارے ہنستے بَستے ہوں
اُمید ہے ایسی بستی کی
جہاں جھوٹ کا کاروبار نہ ہو ۔
اور دہشت کا بازار نہ ہو
جینا بھی دشوار نہ ہو ۔
اور مرنا بھی آزار نہ ہو
وہاں خون کی ہولی عام نہ ہو ۔
اُس آنگن میں غم کی شام نہ ہو
جہاں مُنصف سے انصاف ملے ۔
دل سب کا سب سے صاف ملے
اِک آس ہے ایسی بستی ہو ۔
جہاں روٹی زہر سے سستی ہو
یہ بستی کاش تمہاری ہو ۔
یہ بستی کاش ہماری ہو
اُمید ابھی کچھ باقی ہے ۔
اک بستی بسنے والی ہے

خوب۔ شاید یہ وجدان کی اپنی نظم ہے۔ ماشاء اللہ

بہت عمدہ،

الف عین نے کہا:

خوب۔ شاید یہ وجدان کی اپنی نظم ہے۔ ماشاء اللہ

مزید نمائش کے لیے کلک کریں۔۔۔

نہیں سر، اپنی تو نہیں پر یقین کریں لگتا ہے سب کی آواز ہے یہ نظم ۔۔۔۔ اللہ کرئے پاکستان میں سب کچھ ٹھیک ہوجائے۔ آمین

بہت خُوب

زبردست!
اُمیدوں بھری نظم !
کاش !!!ساری اُمیدیں برآئیں۔