یہ شعر کس کا ہے؟

کسی نے مجھ سے اس شعر کے شاعر کا نام پوچھا ہے جو ظاہر ہے مجھے نہیں معلوم، اسی سلسلے میں وارث، فرخ، مغل بھائی اور فاتح بھائی سے در خواست ہے۔
جنہوں نے پوچھا ہے اس کا خیال ہے کہ یہ ایک شعر نہیں بلکہ دو شعروں کے الگ الگ مصرعے ہیں۔ اگر ایسا ہے تو میں دونوں شعر اور شعر کہنے والوں کا نام بھی جاننا چاہوں گی

بھئی مجھے تو قطعاً علم نہیں، پہلی دفعہ یہ شعر ی(یا اشعار) پڑھ رہا ہوں، ویسے وحدتِ مضمون تو پایا جاتا ہے دونوں مصرعوں میں سو ایک شعر بھی ہو سکتا ہے۔

مجھے بھی ایک ہی شعر لگ رہا ہے

جیہ نے کہا:

تم جہاں چھوڑ گئے تھے میں وہیں ہوں اب تک
اس سے بڑھ کر میری رودادِ سفر کیا ہوگی​

کسی نے مجھ سے اس شعر کے شاعر کا نام پوچھا ہے جو ظاہر ہے مجھے نہیں معلوم، اسی سلسلے میں وارث، فرخ، مغل بھائی اور فاتح بھائی سے در خواست ہے۔
جنہوں نے پوچھا ہے اس کا خیال ہے کہ یہ ایک شعر نہیں بلکہ دو شعروں کے الگ الگ مصرعے ہیں۔ اگر ایسا ہے تو میں دونوں شعر اور شعر کہنے والوں کا نام بھی جاننا چاہوں گی

مزید نمائش کے لیے کلک کریں۔۔۔

شعرا کے ناموں کا تو مجھے علم نہیں لیکن شاید جس نے آپ سے پوچھا ان کی بات درست ہے کہ یہ دو اشعار ہیں کیونکہ میں نے کئی ایک جگہ اس کا مصرع اولیٰ ایک اور شعر کے مصرع ثانی کے طور پر پڑھا ہے:
یوں بھی ہو سکتا ہے کہ کسی نے حبیب جالب کے مصرع "اس سے بڑھ کر میری تحسین بھلا کیا ہو گی" میں ایک دو الفاظ کی ترمیم کر کے اس مصرع "تم جہاں چھوڑ گئے تھے میں وہیں ہوں اب تک" پر گرہ لگائی ہو۔ واللہ اعلم بالصواب

فاتح بھائی کی بات ٹھیک لگتی ہے۔

جس کسی کا بھی ہے شعر عمدہ ہے

اتفاق ایسا کہ میرے علم میں بھی نہیں ۔ سو اس گمنا م شاعر کے لیے ہدیہ تحسین ۔

ارے بھائی میں تو اس دھاگے کو بھول ہی چکی تھی۔ فاتح بھائی کا شکریہ بھی ادا نہ کیا وہ دل میں کیا سوچ رہے ہوں گے۔ بہر حال دیر آید درست آید ۔۔۔۔ بہت بہت شکریہ فاتح بھائی۔ کم از کم یہ ثابت تو ہوا یہ دونوں مصرعے الگ الگ شعر کے ہیں۔ ایک بار پھر شکریہ۔

کیا یہ بتانے سے کام چل سکتا ہے کہ یہ شعر کس کا نہیں ہے؟
کچھ ایک نام تو بتا ہی سکوں گا۔ ویسے دونوں اشعار اپنی اپنی جگہ خوب ہیں۔

نیکی اور پوچھ پوچھ۔ آپ ضرور مت بتائیں ۔۔۔۔

شکریہ جیہ نظر انداز نہ کرنے کے لیے ۔