بڑی اچھی خبر ہے ، ہمیں یہ مزید جان کرخوشی ہوگئے جامعہ سنابل کے کس طرف آپ کاگھر اورکتنی دور پر، ممکن ہے کبھی ملاقات کا موقع ملے۔۔۔۔۔جامعہ سنابل دہلی کو ہم کئی طریقوں سے جانتے ہیں۔ جن میں سے ایک تو یہ ہے کہ یہ ہمارے گھر کے بالکل پاس ہے۔
ویسے مزاج گرامی پر گراں نہ گزرے تو تھوڑی سی عربی سیکھنا چاہیں گے۔ ہم یہ فرض کر لیتے ہیں کہ آپ کے صاحبزادے کا نام فوزان ہے۔ ایسی صورت میں فوزان اسم معرفہ ہوا۔ تو کیا اس کو ترکیب اضافی میں استعمال کرتے ہوئے اس پر الف لام لگانا مناسب ہے؟ ویسے اگر بچے کا نام "الفوزان" ہو یا پھر فوزان کو بطور اسم معرفہ استعمال نہ کیا گیا ہو تو بات سمجھ میں آتی ہے۔ بخدا ہم یہ سوال محض اپنی معلومات میں اضافے کی نیت سے کر رہے ہیں۔
خوش آمدید لالہ
آتے رہا کریں
بہت بہت شکریہ۔
ان مثالوں کے بر عکس کچھ کنیتیں/القابات مثلاً ابو ہریرہ، ابو داؤد، ابو عمر اور ابو بکر وغیرہ الف لام سے عاری ہیں، خاص کر ابو ہریرہ میں ہریرہ تو شاید اسم معرفہ بھی نہیں۔ آپ کی کنیت کو چیلینج کرنا تو کسی طور ہمارا مقصد ہی نہیں تھا۔ ہم آپ کو یہ بھی بتا دیں کہ ہمارای عربی کی معلومات منہاج العربیہ حصہ اول، قصص النبین حصہ اول شاید نحو و صرف کے چند اسباق تک محدود ہے، طرہ یہ کہ پچھلے پندرہ برسوں میں کبھی عربی ادب سے پالا بھی نہیں پڑا۔ لہٰذا ہم سے کسی استدلال کی توقع ہی فضول ہے۔ چلیں اب ہم اپنے سوال کو دوسرے الفاظ میں دریافت کرتے ہیں۔ کیا اسم معرفہ (جس پر پہلے سے الف لام نہ ہو) پر الف لام لگانا درست ہے؟ اگر ہاں تو کن صورتوں میں؟ اور اس کا مقصد یا نحوی اعتبار سے فائدہ کیا ہوتا ہے؟
Archived from: https://www.urduweb.org/mehfil/threads/%D8%AA%D8%B9%D8%A7%D8%B1%D9%81-%D9%86%D8%A7%D9%85%DB%81.34893/page-2