تعارفمیں حسیب ہوں ...

ادب دوست — نومبر 22، 2015 10:24 صبح

حمیرا عدنان نے کہا:
خوش آمدید محترم حسیب احمد حسیب صاحب
آپ کو محفل میں خوش آمدید کہتی ہوں
کیا سچ میں شاعری لولی لنگڑی بھی ہوتی ہے ویسے تو میں بے ذوق ہوں شاعری کے معاملے میں لیکن اتنا پتا ہے شاعری ہر طرح کی ہوتی ہے لیکن لولی لنگڑی نہیں ہوتی

آپ شاید بھول گئیں ابھی پچھلے ہی دنوں پسندیدہ شاعری میں ایک غزل پوسٹ ہوئی تھی

حسیب احمد حسیب — نومبر 22، 2015 10:30 صبح

حمیرا عدنان نے کہا:
خوش آمدید محترم حسیب احمد حسیب صاحب
آپ کو محفل میں خوش آمدید کہتی ہوں
کیا سچ میں شاعری لولی لنگڑی بھی ہوتی ہے ویسے تو میں بے ذوق ہوں شاعری کے معاملے میں لیکن اتنا پتا ہے شاعری ہر طرح کی ہوتی ہے لیکن لولی لنگڑی نہیں ہوتی

اجی جب شاعر لولا لنگڑا ہو سکتا ہے تو شاعری کیوں نہیں ........
شتر گربہ کی بابت کیا خیال ہے
محترم جناب مزمل شیخ بسمل صاحب فرماتے ہیں:
"شتر گربہ بیسویں صدی سے پہلے کے یعنی متاخرین کے زمانے میں بہت پایا جاتا تھا، پھر حسرت موہانی کے دور اور بعد کے ادوار میں اس کو مکمل طور پر متروک جانا گیا۔ مصحفی، جرات وغیرہ کے کلام میں اس قسم کی مثالیں عام پائی جاتی ہیں۔ پھر بعد کے اساتذہ مثلاً داغ دہلوی اور اس زمانے کے دیگر شعراء نے اسے بالکل ختم کر دیا۔ تو اب مکروہ تحریمی ہی جانا جاتا ہے۔"

حمیرا عدنان — نومبر 22، 2015 11:19 صبح

ادب دوست نے کہا:
آپ شاید بھول گئیں ابھی پچھلے ہی دنوں پسندیدہ شاعری میں ایک غزل پوسٹ ہوئی تھی

جی جی مجھے یاد ہے لیکن اس غزل کے بارے میں تو فرمایا گیا تھا کہ وہ بے وزن کی شاعری ہے اور یہاں بات ہو رہی ہے لولی لنگڑی شاعری کی..
خیر حسیب احمد حسیب صاحب کی شاعری تو ابھی میری نظر سے نہیں گزری لیکن آپ محترم نے تو اُس غزل کے حساب سے حسیب احمد کی ساری شاعری کو ہی بے وزن یاں لنگڑی لولی قرار دے دیا...
کیا یہ کھلا تضاد نہیں

محمدظہیر — نومبر 22، 2015 11:28 صبح

آپ کا تعارف پڑھے بغیر خوش آمدید

موجو — نومبر 22، 2015 11:35 صبح

خوش آمدید
حسیب بھائی فیس بک پر تو ہم آپ کی دانش سے فیض یاب ہوتے رہتے ہیں اور یہاں بھی امید کرتے ہیں کہ آپ کے دم قدم سے یہاں کی بہار میں تازگی اور بڑھے گی۔

ادب دوست — نومبر 22، 2015 3:32 شام

حمیرا عدنان نے کہا:
جی جی مجھے یاد ہے لیکن اس غزل کے بارے میں تو فرمایا گیا تھا کہ وہ بے وزن کی شاعری ہے اور یہاں بات ہو رہی ہے لولی لنگڑی شاعری کی

دیکھیے مروت بھی کوئی چیز ہے، اُس "شے" کو صرف بے وزن کہنا مروّت تھی۔
اگر وہیں اسے لولا لنگڑا کہہ دیتے تو احتمال تھا کہ کہیں پیش کرنے والے کے جذبات کو ٹھیس نہ پہنچے
خیالِ خاطرِ احباب چاہیئے ہر دَم
انیس ٹھیس نہ لگ جائے آبگینوں کو

محمد فہد — نومبر 22، 2015 5:35 شام

بہت خوب ماشا ء اللہ
محفل میں آپ کو خوش آمدید کہتے ہیں۔
اللہ پاک آپ کا حامی و ناصر ہو آمین۔۔

ماہا عطا — نومبر 22، 2015 6:10 شام

خوش آمدید حسیب بھائی

مزمل اخترانصاری — نومبر 22، 2015 6:34 شام

سچ کہے تو ایسا تعرف تو کہیں دیکھنے میں ہی نہیں آیا

Saif ullah — نومبر 22، 2015 6:43 شام

حسیب احمد حسیب نے کہا:
میں حسیب ہوں ...
خودی اور خود بینی " autoscopy " کے درمیان کے باریک سی لکیر ہے جو شعور ذات اور حصار ذات کے درمیان تفریق کرتی ہے کبھی نجانے کس کیفیت میں کہا تھا
میں خود سے دور نکلنے کے فن سے واقف ہوں
میں اپنے آپ میں رہتا ہوں ضم نہیں ہوتا
خیام قادری مرحوم کہا کرتے تھے
صوفی ہیں اور عشق ہے آل سعود سے
حضرت نکل گئے ہیں حدود و قیود سے
سو زندگی میں کبھی حدود و قیود کی پابندی نہ کی یا یوں کہیے پابندی ہو نہ سکی
نسبی تعلق بنی اسرائیل کی بچھڑی ہوئی بھیڑوں سے ہے اجداد نے ہندوستان کی ریاست محمد آباد ٹونک کو اپنی آماجگاہ بنایا کہ جو تیر کابل سے نکلا تھا ہندوستان کی قلب میں پیوست ہوا ......
اختر شیرانی ، مشتاق احمد یوسفی ، عیش ٹونکی اور مفتی ولی حسن خان ٹونکی جیسی علمی و ادبی شخصیات کی ریاست سے تعلق قابل فخر تو ضرور ہے لیکن اگر خود کو دیکھوں تو شرمساری بھی ہوتی ہے کہ میں کہاں کھڑا ہوں ..........
اپنے بارے میں بات کرنا انتہائی آسان بھی ہے اور انتہائی مشکل بھی
لیکن بات یہ بھی ہے کہ آخر اپنے بارے میں بات کی ہی کیوں جاوے ..؟!
گو کہ تعارف وہ کھڑکی ہے کہ جو بیرونی دنیا کو آپ کے اندر جھانکنے کا موقع فراہم کرتی ہے لیکن اندر کا منظر وہی دکھائی دیتا ہے کہ جو آپ انھیں دکھلانا چاہیں ہاں جب تعارف پہچان میں بدل جاوے تو حقیقت سامنے آتی ہے ......
طالب علم ہوں اور طالب علموں کے ساتھ رہنا پسند کرتا ہوں گو کچھ لوگوں کو یہ مغالطہ ضرور ہے کہ " ٹیچر " ہوں لیکن حقیقت میں پھٹیچر ہوں لکھنے کا شوق رکھتا ہوں اسلیے لکھتا ہوں اور اس بات کا طالب نہیں کہ میرے لکھے ہوے کو پڑھا بھی جاوے ہاں اگر کوئی پڑھ لے تو بلکل برا نہیں مانتا ......
لنگڑی لولی شاعری بھی کر لیتا ہوں وہ بھی استاد محترم اعجاز رحمانی صاحب کا ہی اعجاز ہے
محترم دوست حسن علی امام صاحب فرماتے ہیں
مولانا عموما گفتگو کم کرتے ہیں زیادہ تر بحث ہی کرتے ہیں اور یہ مباحثے اس وقت زور پکڑ جاتے ہیں جب مخالفین کو یہ احساس ہو جائے کے وہ غلطی پر ہیں - مولانا تقریبا چالیس ہزار کتابیں پڑھ چکے ہیں "
مولانا غصہ بہت کم کرتے ہیں غصے کی جگہ بھی وہ بحث ہی کر لیتے ہیں -
اب اس مولانا کے الزام سے کون جان چھڑا ئے اور کیسے چھڑا ئے
کبھی اس حوالے سے بھی کچھ لکھا تھا
خدا کی قسم میں " مولوی " نہیں ہوں !
اچانک جب بحث کے دوران نازک صورت حال آجاتی ہے اور گفتگو کا رخ تلخی کی جانب بڑھنے کا احتمال ہوتا ہے تو مجھے اندازہ ہو جاتا ہے ......
یہ وہ وقت ہوتا ہے جب ہمارے محترم صحافی دوست جمالی بھائی طنزیہ انداز میں مسکراتے ہوے ہمیں حسیب میاں سے " مولانا " کر دیتے ہیں اور یقین جانئے ان کے اس " مولانا " میں بڑی کاٹ ہوتی ہے اس کی چبھن اندر تک محسوس ہوتی ہے ......
اور پھر ہمارے شیخ الفدوی کا تنبیہی لہجہ
اچھا تو آپ بھی مولانا ہیں ہم تو پہلے ہی آپ کی علمیت کے قائل تھے
مجھے شرم سے پانی پانی کر دینے کیلئے کافی ہوتا ہے
اگر " مولانا " ایک گالی ہے تو بسر و چشم قبول ہے
لیکن اگر یہ ایک عالی رتبہ ہے اور بےشک ہے تو میں اس کے قابل نہیں .......
کبھی کبھی میں سوچ کر دیر تک ہنستا ہوں عجیب مخمصہ ہے
نہ ادھر کا رہا نہ ادھر کا رہا
نہیں جناب میں مولانا نہیں مجھ سے تو چند سلیس عربی جملے بھی نہ جوڑے جاویں
شیخ الجوجل کی مدد سے ٹوٹی پھوٹی عربی سمجھتا ہوں
کیا ہوا جو ایم اے اسلامیات کیا ہوا ہے
کیا تو پرائیویٹ ہی ہے
اور کیا ہوا جو او لیول کے برگر بچوں کو پڑھاتا ہوں
" قال الله اور قال الرسول " کا بلند مرتبہ تو میری پہنچ سے کافی دور ہے
جب میرے ادبی دوست مجھے مولانا سمجھ کر اپنی توپوں کا رخ میری جانب کرتے ہیں تو سوچتا
ہوں
ارے میرے یاروں میں شاعر بھی تو ہوں گو غیر معروف ہی سہی
کالم نگار بھی تو ہوں گو فیس بکی ہی سہی
اور افسانے چند بھی لکھ چھوڑے ہیں
گو کوئی پڑھتا نہیں
نہیں نہیں میں مولانا نہیں
ہاں میری داڑھی ہے تو یہ تو سنت رسول علیہ سلام کی علامت ہے
میرے سر پر ٹوپی بھی ہے مگر صرف رواجی ہے
میرا یہ ملبوس بظاہر مجھے متقی دکھاتا ہے مگر دھوکے میں مت آجانا
رند ہوں رند
مگر کیا کروں جب کوئی دینی طبقے پر پھبتیاں کسے تو برداشت نہیں ہوتا نجانے کون سی قوت قلم اٹھانے اور قلم سے سروں کو توڑنے پر مجبور کرتی ہے ....
مگر ڈرتا ہوں کہیں کوئی یہ نہ کہ دے
ارے او ظالم تو کون سا عالم ہے جو اپنی علمیت جھاڑتا ہے گستاخ ........
پھر میرے ادبی دوست مجھے کانٹوں میں گھسیٹتے ہیں
جمالی بھائی کی طنزیہ مسکراہٹ اور جگر کو چیرتی آواز " مولانا "
اور شیخ الفدوی کے الفاظ " اچھا آپ بھی مولوی ہیں ..........
خدا کی قسم میں " مولانا " نہیں ہوں .
حسیب احمد حسیب

محفل میں خوش آمدید،

ادب دوست — نومبر 22، 2015 9:31 شام

تعصب کے غاروں سے آنے والی بوڑھی چمگادڑ ، میرے مراسلوں کو مضحکہ خیز قرار دے رہی ہے۔ شاید اسے امید ہے کہ اپنی غلاظت کی اِن اُلٹیوں سے وہ توجہ حاصل کر سکے گی۔
:laughing:

حسیب احمد حسیب — نومبر 22، 2015 9:39 شام

موجو نے کہا:
خوش آمدید
حسیب بھائی فیس بک پر تو ہم آپ کی دانش سے فیض یاب ہوتے رہتے ہیں اور یہاں بھی امید کرتے ہیں کہ آپ کے دم قدم سے یہاں کی بہار میں تازگی اور بڑھے گی۔

کتاب رخ سے آجکل کنارہ کشی اختیار کی ہوئی ہے سلسلہ دوبارہ جوڑنا ہے لیکن کچھ وقت کے بعد ان شاء الله

ادب دوست — نومبر 22، 2015 9:42 شام

حسیب احمد حسیب نے کہا:
کتاب رخ

فیسبک کے لئے اچھی اصطلاح ہے

حمیرا عدنان — نومبر 22، 2015 9:42 شام

ادب دوست نے کہا:
تعصب کے غاروں سے آنے والی بوڑھی چمگادڑ ، میرے مراسلوں کو مضحکہ خیز قرار دے رہی ہے۔ شاید اسے امید ہے کہ اپنی غلاظت کی اِن اُلٹیوں سے وہ توجہ حاصل کر سکے گی۔

محترم ایسی جسارت کس نے کر دی جو آپ کے مراسلوں کو مضحکہ خیز قرار دے مجھے ذرا اس کا نام تو بتائیں

ادب دوست — نومبر 22، 2015 9:46 شام

حمیرا عدنان نے کہا:
محترم ایسی جسارت کس نے کر دی جو آپ کے مراسلوں کو مضحکہ خیز قرار دے مجھے ذرا اس کا نام تو بتائیں

بوڑھی چمگادڑ
:laughing:

دیکھ لیں کس نے مضحکہ خیز قرار دیا ہے۔۔۔۔
بلکہ مت دیکھیں ، بوڑھی چمگادڑ یہی چاہتی ہے کہ اُسے توجہ ملے۔۔۔
:laughing:

حمیرا عدنان — نومبر 22، 2015 9:53 شام

ادب دوست نے کہا:
بوڑھی چمگادڑ

دیکھ لیں کس نے مضحکہ خیز قرار دیا ہے۔۔۔۔
بلکہ مت دیکھیں ، بوڑھی چمگادڑ یہی چاہتی ہے کہ اُسے توجہ ملے۔۔۔

بوڑھی چمگادڑ کی اصطلاح تو آپ نے ٹھیک استعمال کی ہے ویسے یہ کام کسی اپنے کی سازش کا نتیجہ بھی ہو سکتا ہے

محمد وارث — نومبر 23، 2015 3:29 صبح

خوش آمدید حسیب صاحب

یوسف سلطان — نومبر 23، 2015 3:53 صبح

خوش آمدید

ظہیراحمدظہیر — نومبر 23، 2015 4:05 صبح

خوش آمدید جناب حسیب احمد حسیب صاحب!

فاتح — نومبر 26، 2015 12:33 شام

حسیب صاحب، محفل میں خوش آمدید!