اردو توں پنجابی ڈکشنری

فرخ منظور — ستمبر 14، 2009 1:16 شام

قبلہ تسی تے آپ محقق او۔ تہانوں تے ساڈی مدد کرنا چاہیئ دی اے۔ تہانوں اجیہی کوئی لغت لبھے تے سانوں وی دسناں۔

تلمیذ — ستمبر 14، 2009 1:20 شام

سخنور نے کہا:
قبلہ تسی تے آپ محقق او۔ تہانوں تے ساڈی مدد کرنا چاہیئ دی اے۔ تہانوں اجیہی کوئی لغت لبھے تے سانوں وی دسناں۔

ضرور جی ، میرا پہلا کم ایخو ای ہووے گا، پر کدھروں اگھ سگھ تے لبھے !!

محب علوی — ستمبر 14، 2009 2:25 شام

تلمیذ تساں لبھن تے دے ای او پر جے تسی ایس لغت دا بہیڑا وی چک لو تے کیا ای گل اے
ہندے ہندے اے اوکھا کم وی ہو ای جائے گا

تلمیذ — ستمبر 14، 2009 3:15 شام

جناب علوی صاحب، تسیں میرے دل دی گل پھڑی اے ۔ میرے دل وچ وی کنی واری ایہہ وچار آیا اے پر لغت لکھنا کوئی سوکھا کم نئیں سرکار۔ پباں بھار ہونا پیندا اے، ورہے لنگھ جاندے نیں تے ایہہ کم فیر وی توڑ نئیں چڑھدا، تے سچی گل اے میری عمر، مصروفیت (جیہڑی تھوڑی جیہی ہے وے) تے سب توں ودھ کے میری صحت ایہہ پینڈا کرن دی اجازت نئیں دیندی، نئیں تے ہن تیک میں ایہدا ڈول چروکنا پا دینا سی۔
ہاں، ماں بولی نا ل پریت رکھن والے گھبرو جواناں لئی اگاں ودھ کے پنجابی (تے اردو) دی ایہہ سیوا کرن لئی پِڑ کھلا اے۔ تے جے سرکار ولوں وی ایس بارے کوئی ہلا شیری نال ہووے تے کم ہور وی سولا ہو جائے گا۔

فرخ منظور — ستمبر 14، 2009 3:38 شام

تلمیذ نے کہا:
جناب علوی صاحب، تسیں میرے دل دی گل پھڑی اے ۔ میرے دل وچ وی کنی واری ایہہ وچار آیا اے پر لغت لکھنا کوئی سوکھا کم نئیں سرکار۔ پباں بھار ہونا پیندا اے، ورہے لنگھ جاندے نیں تے ایہہ کم فیر وی توڑ نئیں چڑھدا، تے سچی گل اے میری عمر، مصروفیت (جیہڑی تھوڑی جیہی ہے وے) تے سب توں ودھ کے میری صحت ایہہ پینڈا کرن دی اجازت نئیں دیندی، نئیں تے ہن تیک میں ایہدا ڈول چروکنا پا دینا سی۔
ہاں، ماں بولی نا ل پریت رکھن والے گھبرو جواناں لئی اگاں ودھ کے پنجابی (تے اردو) دی ایہہ سیوا کرن لئی پِڑ کھلا اے۔ تے جے سرکار ولوں وی ایس بارے کوئی ہلا شیری نال ہووے تے کم ہور وی سولا ہو جائے گا۔

قبلہ تسی اک وری اے بیڑا چکو ۔ بڑے لوکی تہانوں مدد دے سکن واسطے تیار ہو جاون گے۔ تہانوں بہت سارے لوکاں نوں میں ملا دواں گا۔ اونہواں نال وی ملا دواں گا جنہاں نے پنجابی اردو لغت چھاپی اے یعنی سچل سٹوڈیو (مشتاق صوفی) تے پنجابی ادبی بورڈ دے کرتا دھرتا افسراں نال وی۔

تلمیذ — ستمبر 14، 2009 3:48 شام

بڑی مہربانی فرخ صاحب، ویکھو کجھ کرنے آں۔ اللہ تعالے چنگیاں کرے۔

Saraah — ستمبر 14، 2009 5:21 شام

پینجاب یونیورسٹی شعبہ پنجابی دی لائبریری وچ اک لغت ہے تاں سہی مینوں ناں نہیں چیتے آوندا پئا اوتھے جا کے پتہ کر لوو

تلمیذ — ستمبر 14، 2009 6:35 شام

پون نے کہا:
پینجاب یونیورسٹی شعبہ پنجابی دی لائبریری وچ اک لغت ہے تاں سہی مینوں ناں نہیں چیتے آوندا پئا اوتھے جا کے پتہ کر لوو

مہربانی پون صاحبہ، میں پتہ چلان دی کوشش کرناں واں۔ کیہہ تہانوں پک اے جے ایہہ 'اردو توں پنجابی' دی لغت اے؟

Saraah — ستمبر 19، 2009 1:27 صبح

تلمیذ نے کہا:
مہربانی پون صاحب، میں پتہ چلان دی کوشش کرناں واں۔ کیہہ تہانوں پک اے جے ایہہ 'اردو توں پنجابی' دی لغت اے؟

صاحب

میں 3 ورہے پہلاں ایہ لغت ویکھی سے مینوں 90 فیصد یقین اے کہ اردو توں پنجابی ہی اے
تسی ڈیپارٹمنٹ فون کر کے پتہ کر لئو پہلاں -

فرخ منظور — ستمبر 19، 2009 9:42 صبح

saraah نے کہا:
صاحب
میں 3 ورہے پہلاں ایہ لغت ویکھی سے مینوں 90 فیصد یقین اے کہ اردو توں پنجابی ہی اے
تسی ڈیپارٹمنٹ فون کر کے پتہ کر لئو پہلاں -

پنجابی دے محقق دا کہنا اے کہ اکو ای لغت اردو توں پنجابی چھپی اے اور او تنویر بخاری والی اے۔ اونہاں دا کہنا اے کہ تنویر بخاری والی لغت زیادہ مستند نئیں۔

تلمیذ — ستمبر 19، 2009 11:54 صبح

سخنور نے کہا:
پنجابی دے محقق دا کہنا اے کہ اکو ای لغت اردو توں پنجابی چھپی اے اور او تنویر بخاری والی اے۔ اونہاں دا کہنا اے کہ تنویر بخاری والی لغت زیادہ مستند نئیں۔

مینوں تے تنویر بخاری دی یا ں کسے ہور دی 'اردو توں پنجابی' دی لغت کوشش دے باوجود نئیں لبھی۔ جیہڑی لبھی اے اوہ 'پنجابی توں اردو' اے۔
فرخ صاحب ، تھوڑی مدد ہور کرو تے ایہہ پتہ لادیو جے ایہہ 'اردو توں پنجابی' والی لغت کتھوں لبھدی اے ، نوازش ہووے گی۔ ویکھ کے ای کجھ کہہ سکنے آں جے ایہہ مستند ہے وے یاں نئیں۔

تلمیذ — مارچ 22، 2010 3:06 صبح

پنجابی دے سوجھواناں اگے فیر بنتی اے جے ایس پاروں (اردو توں پنجابی لغت دے سلسلے وچ) کوئی نویں خبر لبھی ہووے تے سانجھی کرو۔
شکریہ

محمد یعقوب آسی — دسمبر 6، 2012 2:13 شام

اتفاق نہیں ہوئیا، ’’پنجابی اردو لغات‘‘ ویکھن دا۔ سچی گل اے کدی لوڑ نہیں پئی۔
سنن وچ آیا سی پنجابی ادبی بورڈ نے اک لغت چھاپی اے۔ محمد وارث ہوراں دے علم وچ ہووے گی۔ نصیر احمد صاحب نوں پتہ ہونا چاہی دا اے۔ در اصل اوہ پنجابی عروض (چھندا بندی) توں علاوہ، قوافی تے ہور معاملیاں تے وی کم کر رہے سن۔ جے کسے سجن نے ڈاکٹر فقیر محمد فقیر تے کم کیتا اے یا ویکھیا اے تے اونہاں کولوں وی خیر خبر مل سکدی اے۔

تلمیذ — دسمبر 6، 2012 2:18 شام

نویں رُکن التباس صاحب جیہڑے پنجابی پیارے جاپدے نیں، اوہ توجہ کرن تے ایہ لڑی شروع تو ں وکھن۔
التباس

فلک شیر — دسمبر 6، 2012 2:28 شام

تلمیذ نے کہا:
نویں رُکن التباس صاحب جیہڑے پنجابی پیارے جاپدے نیں، اوہ توجہ کرن تے ایہ لڑی شروع تو ں وکھن۔
التباس

جی ضرور ......

دوست — دسمبر 6، 2012 7:45 شام

جے اردو سائنس بورڈ دی پنجابی اردو لغت نو برقیا لیا جاوے تے پنجابی اردو تے اردو پنجابی دونہاں پاسے دا مسئلہ حل ہو سکدا اے۔

تلمیذ — دسمبر 24، 2012 6:26 شام

التباس نے کہا:
جی ضرور ......

جناب چیمہ صاحب۔ ایس پجوں کوئی سُکھ سنیہا؟ التباس
عاطف بٹ جی تے نیرنگ خیال جی اگے وی گذارش اے، پئی ایہہ لڑی ذرا مُڈھوں پڑھ لئووتے جے تہانوں کوئی جان کاری ہووے تے لکھو۔

نیرنگ خیال — دسمبر 25، 2012 8:59 صبح

تلمیذ نے کہا:
جناب چیمہ صاحب۔ ایس پجوں کوئی سُکھ سنیہا؟ التباس
عاطف بٹ جی تے نیرنگ خیال جی اگے وی گذارش اے، پئی ایہہ لڑی ذرا مُڈھوں پڑھ لئووتے جے تہانوں کوئی جان کاری ہووے تے لکھو۔

میں شروع کردا جی اینوں مڈھلے ورقے تو پڑھنا۔۔

نیرنگ خیال — دسمبر 25، 2012 5:02 شام

تلمیذ سر مینوں کوئی اردو توں انگلش لغت دا تا نئیں پتہ تے ناں ائ کدی ایہو جئی کوئی شے اکھاں موروں ٹپی ائے۔ پر اک آنلائن لغت دا پتہ ائے جیڑی فرنگیاں دی بولی دے پنجابی تے پنجابی دے فرنگیاں دی بولی وچ مطلب دسدی ائے۔

تلمیذ — دسمبر 25، 2012 5:20 شام

تےفیر جناب، چھیتی چھیتی ایہدے ربط دی ایتھے رلتی کرو تاں جے ہوراں دا بھلا وہ ہووے۔