Saraah — جون 28، 2009 7:50 شام
السلام واعلیکم جی اسیں ساحر ہوراں کولوں آپ ایہ کلام سن چکے ہاں جی
اور ساڈا من پسند کلام ہے اتے راحت فتح علی خان نے سوہنا گایا اے
شمشاد — جون 28، 2009 10:23 شام
سارہ جی اردو محفل وچ جی آیاں نوں۔
اپنا تعارف تے دیو۔
فرخ منظور — جون 29، 2009 9:57 صبح
السلام واعلیکم جی اسیں ساحر ہوراں کولوں آپ ایہ کلام سن چکے ہاں جی
اور ساڈا من پسند کلام ہے اتے راحت فتح علی خان نے سوہنا گایا اے
بہت شکریہ سارہ صاحبہ اسی تے اونہاں دے روبرو بیٹھ کے وی سن چکیاں۔
مغزل — جون 29، 2009 11:55 صبح
سارہ بہنا کو خوش آمدید پنجابی وچ،،
Saraah — جولائی 1، 2009 7:51 صبح
سارہ جی اردو محفل وچ جی آیاں نوں۔
اپنا تعارف تے دیو۔
مہربانی جی
دے دتا تعارف
بہت شکریہ سارہ صاحبہ اسی تے اونہاں دے روبرو بیٹھ کے وی سن چکیاں۔
سارہ بہنا کو خوش آمدید پنجابی وچ،،
شکریہ بھائی
پر پینجابی وچ جی آیاں نوں آکھدے نیں
فرخ منظور — جنوری 15، 2013 4:45 شام
جندے نی!
از افضل ساحر
جندے نی! تُوں کیکن جمّی
پیر پیر تے نِت بکھیڑے
جیون دی راہ لمّی
جندے نی! کیہ لچھن تیرے
پھنیئر نال یرانے وی نیں
جوگی ول وی پھیرے
جندے نی! کیہ ساک سہیڑے
اِک بُکل وچ رانجھن ماہی
دُوجی دے وچ کھیڑے
جندے نی ! کیہ کارے کیتے
آپے آس دے چولے پاڑے
آپے بہہ کے سیتے!
جندے نی! تک چیت وساکھاں
تُوں پھردی ایں میل کُچیلی
دس! تینوں کیہ آکھاں!؟
جندے نی! تیرا کارج کوڑا
سِر تے شگناں والِیاں گھڑیاں
کڈھ وچھایا ای پھُوہڑا!!
جندے نی! تینوں کیہڑا دسّے
لُوں لُوں تیرا عیباں بھریا
موت و ٹیندی رسّے
جندے نی! تیرے ساہ نکارے
موئے مونہہ نال آ بیٹھی ایں
جیون دے دربارے
جندے نی! کیہ اَتّاں چائیاں
ہس کھیڈن دی ویلھ نہ تینوں
کردی پھریں لڑائیاں
جندے نی! کیہ ویلے آئے
اِک دوجے دی جان دے وَیری
اِکّو ماں دے جائے
جندے نی! تیرے جِیوَن ماپے
آپے ہتھیں ڈولی چاڑھن
آپے کرن سیاپے
جندے نی! کِس ٹونے کیتے
دِل دریا تے نین سمندر
روون بیٹھے چُپ چپیتے
جندے نی! کیہ کھیڈاں ہوئیاں
پیو پُتراں دے پیریں پے کے
ماواں دھیاں روئیاں
جندے نی! کیہ کاج کمائے
جِنے وی توں سنگ سہیڑے
روح دے میچ نہ آئے
جندے نی! کیہ ہونیاں ہوئیاں
عشقے دے گھر رہ کے اکھّیاں
نہ ہسیاں نہ روئیاں
جندے نی! تیرے ساہ کچاوے
روز دیہاڑے مرنا پیندا
فیر وی موت ڈراوے
شیزان — جنوری 15، 2013 4:54 شام
وا جی وا
بوہت چنگی شیئرنگ کیتی جے فرخ جی
طالوت — جنوری 15، 2013 4:58 شام
بوہت ودہیا جی ، کدی ویہل لگے تے شور کمار بٹالوی تے منیر نیازی وی پڑھواؤ ۔
فرخ منظور — جنوری 15، 2013 5:07 شام
وا جی وا
بوہت چنگی شیئرنگ کیتی جے فرخ جی
بوہت مہربانی شیزان صاحب!
فرخ منظور — جنوری 15، 2013 5:09 شام
بوہت ودہیا جی ، کدی ویہل لگے تے شور کمار بٹالوی تے منیر نیازی وی پڑھواؤ ۔
مہربانی طالوت صاحب۔ شو کمار بٹالوی
ایتھے پھڑھو تے پنجابی فورم ویکھو تہانوں منیر نیازی دا کافی کلام مل جاوے گا۔