سردار لکڑ سنگھ جوان ہویا تے اودھے ماں پئے نے اودھے ویاہ بارے سوچیا۔
اک کڑی والیاں دے گھر گئے ۔ جدوں کڑی سردار لکڑ سنگھ دے کول بہہ گئی تے سارے گھر والے دوہناں نو اکلے چھڈ کے اگے پِچھے ہوگئے ۔ تاکہ دونویں ایک دوجے نوں چنگی طرح جان لین۔
کڑی نے سردار لکڑ سنگھ کولوں پُچھیا ۔
" تسی کنے بہن بھرا ہو ؟ "
سردار نے دسیا " اسی 6 بہن بھرا واں۔ "
ہن سردار نے وی سوال کیتا
" تے تہاڈے کنے بھرا نے بہن جی"
" پہلے 3 سن ۔۔ ہُن چار ہوگئے نیں۔ " کڑی نے اینا کہیا تے غصے نال اٹھ کے چلی گئی
خوشی — اپریل 14، 2010 12:03 صبح
سردار دا ناں وی لکھو
ھارون رشید — اپریل 14، 2010 5:12 صبح
کڑیاں ورگا ناں سی اوہدا رہن دیو
شمشاد — اپریل 14، 2010 7:10 صبح
کوئی وی ناں لخ کے اودے اگے سنگھ لا دیو تو سردار جی، تے اگر کور لا دیو تو سردارنی، جیویں بسنت سنگھ - سردار
بسنت کور - سردارنی
ھارون رشید — اپریل 14، 2010 7:17 صبح
بس اے ای ناں ٹھیک اے نئیں تے گل ودھ جائیگی
فرخ منظور — اپریل 14، 2010 8:37 صبح
بوہت شکریہ ہارون صاحب۔ امید ہے پنجابی دی خدمت واسطے لطیفاں دے علاوہ وی کج ایس فورم وچ پوسٹ کرو گے۔
ھارون رشید — اپریل 14، 2010 2:34 شام
ویر میریا مینوں خراب کرن دی کوشش نہ کرو(مذاق)
ویسے کی کراں دسو کج
ہارون رشید صاحب تسی پنجابی ادب توں کج وی چونواں ادب پوسٹ کر سکدے ہو۔ اگر تسی پنجابی فورم نوں ویکھو تے ایتھے زیادہ تر پنجابی ادب یا موسیقی شئیر کیتی گئی اے۔ تسی وی اپنی پسند شئیر کر سکدے ہو۔
ھارون رشید — اپریل 14، 2010 6:08 شام
ٹھیک اے ویر جی کوشش کرنا واں پر اے کم میرے لئی ہے بوہت اوکھا
