تسی مکھڑا دکھایا کرو
انے سوہنے لگدے نئیں
وا تھوڑا کھایا کرو گلاں تھوڑیاں کریا کرو
جے اسی سوہنے لگدے نئیں
کیوں ساڈے اتے مردے او کوئی چلدا جے زور ہندا
تیرے پچھے کیوں مردے
جے کوئی تیرے جیا ہور ہندا
ماہی احمد — جولائی 28، 2016 7:36 شام
اک جوڑا بگھیاں دا
ساڈے ول تک سوہنیے
کی جاندا اے اکھیاں دا
عبدالقیوم چوہدری — جولائی 28، 2016 11:06 شام
اوکوئی کیکراں دی چھاں ہوندی
کسی پچھے رُل جائیے
لج پالی تاں ہوندی
عبدالقیوم چوہدری — جولائی 28، 2016 11:28 شام
کوئی تانی تنی ہوئی آ
چھڈ کے نا جاویں سجنڑاں
ساڈی زندگی تے بنی ہوئی آ ۔۔ کوئی چمٹا ای اگ جوگا
نا توں سانوں آپ رکھیا
نا ای چھڈیا ای جگ جوگا
عبدالقیوم چوہدری — اگست 2، 2016 12:17 صبح
باری برسی کھٹن گیا تے کھٹ کے لیاندے لوٹے
میں ڈولی تری لے جانی
بھانویں چل جانڑ ڈانگاں سوٹے
عبدالقیوم چوہدری — اگست 3، 2016 5:51 شام
ہتھ جوڑا پکھیّاں دا
نالے ساڈا ماہی لگدا
نالے چانن اَکھیاں دا
عبدالقیوم چوہدری — اگست 3، 2016 9:11 شام
جتھے راوی تے چنھاں وگدی
دنیا توں ودھ سوہنی
سانوں دھرتی ماں لگدی
۔۔ پُھل کوئی نہ گلاب ارگا
دیس بتھیرے جگ تے،
کوئی نہ میرے ''پنجاب'' ارگا
عبدالقیوم چوہدری — اگست 3، 2016 9:16 شام
مُل بھرنے آں لائیاں دا
اک پل سہیا نہ جائے
میتھوں یار جدائیاں دا
۔۔
جاء نہ کوئی بولن دی
لک کے پڑھاں گے راتیں
چٹھی اپنے ڈھولن دی
۔۔
ساوی کنک تے نہیں وڈھنی
جند جاندی پئی جائے
گل اپنی نہیں چھڈنی
۔۔
سونے دے بھاء چڑھ گئے
وینی پھڑ لئی اوس دھگانے
ساہواں نوں وی چاء چڑھ گئے
۔۔
کدی داغ نہ لہے انب دا
تیتھوں وکھ ہوواں یارا
ایہہ سوچ کے روح کنب دا
یوسف سلطان — اگست 3، 2016 9:17 شام
کوئی زیتون دا تیل ہوندا
نہ ایہہ فیس بک ہوندی
نہ کاکا چوتھی چ فیل ہوندا
عبدالقیوم چوہدری — اگست 3، 2016 9:22 شام
بارھیں برسیں کھٹن گیا تے کھٹ کے لیایا تمباکو
زورا زوری دل لٹیا میرا
تیریاں نیناں دے ڈاکو
عبدالقیوم چوہدری — ستمبر 5، 2016 8:40 شام
تِکھیاں تلواراں نیں
دُنیا تے ہور کُج نہ
یاراں نالّ بہاراں نیں
۔۔۔
کوئی جوڑّی بئی کلّیِاں دی
ٹُر گیا ڈھول میرا
گئی رونڑق گلّیِاں دی
۔۔۔
زُلفاں دے چھلّے نی
سوہنڑے تاں بوہت وسّدے
میرے یار توں تھلّے نی
۔۔۔
کدّے وطنّاں نُوں آ ماہیا
لگیِاں دی چوٹ بُری
نہ اینہاں تڑپّا ماہیا
۔۔۔
پھُل پانڑی اُتے ترّدا نی
نظراں ملا سوہنڑئیے
مُنڈا تیرے اُتے مرّدا نی
۔۔۔
کوئی جوڑّی اے پکھّیاں دی ایویں بدنام ہوئے آں ساری مستی اے اکھیاں دی ۔۔۔ باہوُں قہر مچّاندا نی دِل کڈّھ لیندا میرا تیری گُت دا پراندا نی
عبدالقیوم چوہدری — ستمبر 5، 2016 11:34 شام
گارے دی کندھ ہووے
سوہنڑا پاویں نا ہووے
ڈھولا غیرت مند ہووے
عبدالقیوم چوہدری — نومبر 5، 2016 12:27 صبح
کوئی کھوہ دا پانڑی اے
سجناں توں وار دیواں
جند ایویں وی تے جانڑی اے
عبدالقیوم چوہدری — نومبر 5، 2016 12:30 صبح
کوئی سڑکاں تے پاء روڑی
اکھیں اچ اینج وسیا ایں
نہیں تکنے دی جاء چھوڑی
