اوسے تھاں دی کرئیے سیر

آصف شفیع — ستمبر 20، 2008 1:59 شام

غزل
اوسے تھاں دی کریئے سیر
جتھے رکھے اوہنے پیر
روز فقیر دعا دیندا
سب دا بھلا تے سب دی خیر
سارے جانی دشمن نیں
کیہڑا اپنا، کیہڑا غیر
عشق داپانی ڈونہگا سی
کنھے آکھیا اس وچ تیر
ٹردیاں ٹردیاں ہو گیے نیں
ٹھنڈے میرے ہتھ تے پیر

محمد وارث — ستمبر 20، 2008 3:24 شام

واہ واہ جناب کیا رواں تے بے ساختہ غزل اے، کیا من مونیاں تے سُچیاں باتاں نے، واہ واہ
اوسے تھاں دی کریئے سیر
جتھے رکھے اوہنے پیر
عشق داپانی ڈونہگا سی
کنھے آکھیا اس وچ تیر
لا جواب!
اک درخواست اے کہ چونکہ پنجابی فورم وچ 'تہاڈی شاعری' دا کوئی ذیلی فورم نیں، اس لیئے عنوان وچ اپنا ناں وی شامل کر دیو۔
امید اے اپنا مزید خوبصورت پنجابی کلام ساڈے نال شیئر کرو گے۔

فرخ منظور — ستمبر 20، 2008 3:30 شام

واہ جی واہ بوہت سوہنی غزل اے - آصف صاحب شو کمار بٹالوی نوں پڑھیا تسی؟

آصف شفیع — ستمبر 21، 2008 10:42 صبح

محمد وارث نے کہا:
واہ واہ جناب کیا رواں تے بے ساختہ غزل اے، کیا من مونیاں تے سُچیاں باتاں نے، واہ واہ
اوسے تھاں دی کریئے سیر
جتھے رکھے اوہنے پیر
عشق داپانی ڈونہگا سی
کنھے آکھیا اس وچ تیر
لا جواب!
اک درخواست اے کہ چونکہ پنجابی فورم وچ 'تہاڈی شاعری' دا کوئی ذیلی فورم نیں، اس لیئے عنوان وچ اپنا ناں وی شامل کر دیو۔
امید اے اپنا مزید خوبصورت پنجابی کلام ساڈے نال شیئر کرو گے۔

وارث صاحب! تہاڈا بہت شکریہ۔ انشاءاللہ ہور کلام وی پوسٹ کر دیاں گا۔ نالے عنوان دے وچ اپنا ناں وی لکھ دیاں گا۔ تھاڈا بڑا شکریہ حوصلہ ودھا ون دا۔

امیداورمحبت — ستمبر 21، 2008 10:48 صبح

آصف شفیع نے کہا:
غزل
اوسے تھاں دی کریئے سیر
جتھے رکھے اوہنے پیر
روز فقیر دعا دینداعشق داپانی ڈونہگا سی
کنھے آکھیا اس وچ تیر

سوہنی غزل اے

آصف شفیع — ستمبر 21، 2008 12:31 شام

umeedaurmohabbat نے کہا:
سوہنی غزل اے

بہت بہت شکریہ

آصف شفیع — ستمبر 21، 2008 12:32 شام

سخنور نے کہا:
واہ جی واہ بوہت سوہنی غزل اے - آصف صاحب شو کمار بٹالوی نوں پڑھیا تسی؟

نیئں۔ اوہناں دے بارے کجھ دسو۔ اوہناں دا کلام کتھوں مل سکدا اے۔ دادا دیون دا بہت شکریہ

تلمیذ — ستمبر 21، 2008 8:21 شام

آصف شفیع نے کہا:
نیئں۔ اوہناں دے بارے کجھ دسو۔ اوہناں دا کلام کتھوں مل سکدا اے۔ دادا دیون دا بہت شکریہ

نئیں پڑھیا تے ضرور پڑھو جی! کیا شاعر سی، فکشن ہاؤس مزنگ روڈ لاہور والیاں اوہناں دی واہ وا موٹی کتاب شاہ مکھی وچہ چھاپی سی، اج توں کجھ ورہے پہلاں -(اک سنگی کول بس ویکھن دا اتفاق ہویا سی) ، محترم وارث صاحب خبرے تہانوں اوہدے ملن دا پتہ دس سکن (انج فرخ صاحب کول وی شاید اونہاں دا کلام ہووے۔)
سعودی عرب وچہ شِو دے کلام دا آنند لین لئی ایہہ سائٹ کھولو جدھے تے اہناں دا ڈھیر سارا کلام (شاہ مکھی وچہ) پیا ہو یا اے۔
سائٹ: www.apnaorg.com
کلام تہاڈا وی پڑھن جوگا اے، تے چھپن لائق وی ۔۔۔!
شکریہ !!

فرخ منظور — ستمبر 21، 2008 9:23 شام

آصف صاحب - تلمیذ صاحب نے تانوں دس ای دتا اے کہ شوکمار بٹالوی دا کلام کیہڑی سائٹ تے مل سکدا اے - جس کتاب دا تلمیذ صاحب نے تذکرہ کیتا اے او میرے دوست اقبال قیصر ہوراں نے ہی مرتب کیتی اے - بوہت کمال دا شاعر سی -

آصف شفیع — ستمبر 22، 2008 9:30 صبح

تلمیذ نے کہا:
نئیں پڑھیا تے ضرور پڑھو جی! کیا شاعر سی، فکشن ہاؤس مزنگ روڈ لاہور والیاں اوہناں دی واہ وا موٹی کتاب شاہ مکھی وچہ چھاپی سی، اج توں کجھ ورہے پہلاں -(اک سنگی کول بس ویکھن دا اتفاق ہویا سی) ، محترم وارث صاحب خبرے تہانوں اوہدے ملن دا پتہ دس سکن (انج فرخ صاحب کول وی شاید اونہاں دا کلام ہووے۔)
سعودی عرب وچہ شِو دے کلام دا آنند لین لئی ایہہ سائٹ کھولو جدھے تے اہناں دا ڈھیر سارا کلام (شاہ مکھی وچہ) پیا ہو یا اے۔
سائٹ: www.apnaorg.com
کلام تہاڈا وی پڑھن جوگا اے، تے چھپن لائق وی ۔۔۔!
شکریہ !!

تہاڈا بڑا شکریہ۔ میں سائیٹ ویکھی اے پر شاہ مکھی وچ نیئں پڑ سکدا۔ اوسراں میرا پنجابی کلام وی چھپیا ہویا اے۔ کیتاب سا ناں اے" پیار سزاواں" -ایہہ کتاب لاہور توں " خزینہ علم و ادب" نے 2001 دے وچ چھاپی سی۔ کلام نوں پسند کرن لیئ تہاڈا بڑا شکریہ۔

آصف شفیع — ستمبر 22، 2008 9:43 صبح

سخنور نے کہا:
آصف صاحب - تلمیذ صاحب نے تانوں دس ای دتا اے کہ شوکمار بٹالوی دا کلام کیہڑی سائٹ تے مل سکدا اے - جس کتاب دا تلمیذ صاحب نے تذکرہ کیتا اے او میرے دوست اقبال قیصر ہوراں نے ہی مرتب کیتی اے - بوہت کمال دا شاعر سی -

ٍفرخ صاحب۔ کتاب تے میں ایتھے نہیں پڑھ سکدا پر اوہناں دی ویب سائیٹ دا ایڈریس ملیا اے۔ پر ایہ شاہ مکھی وچ اے جنہوں میں نہیں پڑھ سکدا۔

فرخ منظور — ستمبر 22، 2008 9:44 صبح

آصف شفیع نے کہا:
تہاڈا بڑا شکریہ۔ میں سائیٹ ویکھی اے پر شاہ مکھی وچ نیئں پڑ سکدا۔ اوسراں میرا پنجابی کلام وی چھپیا ہویا اے۔ کیتاب سا ناں اے" پیار سزاواں" -ایہہ کتاب لاہور توں " خزینہ علم و ادب" نے 2001 دے وچ چھاپی سی۔ کلام نوں پسند کرن لیئ تہاڈا بڑا شکریہ۔

شاہ مکھی وچ کیوں نئیں پڑھ سکدے شاہ مکھی ایہو رسم الخط اے جس وچ تسی لکھدے او یعنی فارسی رسم الخط نوں پنجابی واستے شاہ مکھی آکھدے نیں -

فرخ منظور — ستمبر 22، 2008 9:52 صبح

آصف صاحب ایس لنک تے کلک کرو تو اردو سکرپٹ یعنی شاہ مکھی وچ شو کمار بٹالوی نو پڑھو - تسی جگجیت دی اوہ آئیٹم سنی ہووے گی - مائے نی مائے میں ایک شکرہ یار بنایا - اوہ وی شو کمار دی اے -
http://www.apnaorg.com/poetry/shive2/

آصف شفیع — ستمبر 22، 2008 10:15 صبح

سخنور نے کہا:
آصف صاحب ایس لنک تے کلک کرو تو اردو سکرپٹ یعنی شاہ مکھی وچ شو کمار بٹالوی نو پڑھو - تسی جگجیت دی اوہ آئیٹم سنی ہووے گی - مائے نی مائے میں ایک شکرہ یار بنایا - اوہ وی شو کمار دی اے -
http://www.apnaorg.com/poetry/shive2/

تہاڈا بڑا ای شکریہ۔ جیہڑی میں سایٹ کھولی سی او گور مکھی وچ سیں۔ ایہہ سایٹ توں میں اوہناں دا کلام پڑھاں گا۔ تھلے آلے لنک دے وچ میری پنجابی دیاں کجھ غزلاں نیں۔ تسی اوہناں دے بارے رائے دیو۔ جواب بھیجن دا بڑا بڑا شکریہ۔
http://asifshafi.com/page5.php

تلمیذ — ستمبر 24، 2008 10:57 صبح

سخنور نے کہا:
آصف صاحب ایس لنک تے کلک کرو تو اردو سکرپٹ یعنی شاہ مکھی وچ شو کمار بٹالوی نو پڑھو - تسی جگجیت دی اوہ آئیٹم سنی ہووے گی - مائے نی مائے میں ایک شکرہ یار بنایا - اوہ وی شو کمار دی اے -
http://www.apnaorg.com/poetry/shive2/

فرخ جی ۔۔۔ جگجیت دا حوالہ تے تسیں دے دتا پر نصرت نوں بھل گئے او خبرے جنہے ایس غزل (یا نظم) وچہ جان پا چھڈی اے۔

فرخ منظور — ستمبر 24، 2008 4:45 شام

تلمیذ نے کہا:
فرخ جی ۔۔۔ جگجیت دا حوالہ تے تسیں دے دتا پر نصرت نوں بھل گئے او خبرے جنہے ایس غزل (یا نظم) وچہ جان پا چھڈی اے۔

تلمیذ صاحب نصرت نے "مائے نی میں اک شکرہ یار بنایا" میں نہیں سنی اوہناں دی آواز وچ اک دوسری شو دی غزل سنی اے "مائے نی مائے مینوں برہا دی رڑک پوے"

تلمیذ — ستمبر 24، 2008 6:15 شام

جی تسیں بالکل ٹھیک آکھیا اے۔
لگدا اے موسیقی وچہ تہاڈا سبق واہ وا اگے وے!
انج نصرت والی غزل دے بول وی بہت دل کھچویں نیں۔ بلکہ پہلوں پہلوں تے ایہدے کئی اکھراں دی مینوں، سچی گل اے، سمجھ ای نئیں سی آئی۔