راجہ صاحب — نومبر 22، 2006 9:42 صبح
ساواں اک دن مک جاناں اے
اکھاں اک دن سک جاناں اے
سدے تیر جواناں نے وی
وانگ کماناں جھک جاناں اے
کناں لشکن ، کناں چمکن
تارے تے ڈب جاون گے
رنگاں تے خوشبوواں والے
پھل اک دن مرجھاون گے
نویں دناں دیاں سچیاں گلاں
کد تک ٹالی جاواں گا
جھلیا کد تک قبراں اتے
دیوے بالی جاواں گا !!
پاکستانی — نومبر 22، 2006 10:00 صبح
واہ راجہ صاحب بہت خوب
بہتی سچیاں تے کھریاں گلاں کیتیاں گیئاں نے اس نظم وچ
شمشاد — نومبر 22، 2006 4:44 شام
وگدی ندی دا پانی
اینج جا کے مڑ نئیں آوندا
جا کے جیویں جوانی
وگدی ندی دا پانی
پردیسیا وی توں وی
لگ جائیں گا کنارے
چیتے کریں گا جا کے
اس راہ دے نظارے
تیری خیر ہووے شالا
دے جا کوئی نشانی
وگدی ندی دا پانی
اینج جا کے مڑ نئیں آوندا
جا کے جیویں جوانی
وگدی ندی دا پانی
دوست — نومبر 23، 2006 3:53 صبح
چنگیاں لگیاں اے نظماں۔
راجہ صاحب — نومبر 23، 2006 9:06 صبح
شمشاد نے کہا:
وگدی ندی دا پانی
اینج جا کے مڑ نئیں آوندا
جا کے جیویں جوانی
وگدی ندی دا پانی
پردیسیا وی توں وی
لگ جائیں گا کنارے
چیتے کریں گا جا کے
اس راہ دے نظارے
تیری خیر ہووے شالا
دے جا کوئی نشانی
وگدی ندی دا پانی
اینج جا کے مڑ نئیں آوندا
جا کے جیویں جوانی
وگدی ندی دا پانی
شمشاد جی اگر ایس
نظم دے شاعر دا ناں پتہ ہوے تے پلیززززز دسو
شمشاد — نومبر 23، 2006 10:31 صبح
راجہ صاب جے پتہ ہوندا تے ضرور لخ دیندا۔
بڑی دیر دی گل اے اسی کجھ یار بیلی کٹھے ہوندے ساں تے ساڈا اک بیلی، اوہدا ناں وی شمشاد ای سی، ملتان دا رہن والا سی، او اے نظم گاوندا ہوندا سی تے نال کھڑا وجاندا سی، ایسا گاوندا سی کہ سماں بن دیندا سی۔
میرا خیال اے کہ اے نظم کسی فلم وچ شاید نور جہاں نے وی گائی ہوئی اے۔
پاکستانی — نومبر 23، 2006 11:46 صبح
خوب شمشاد بھائی
عمر سیف — نومبر 23، 2006 7:20 شام
بہت خوب شمشاد تے راجہ۔
راجہ صاحب — نومبر 24، 2006 7:01 صبح
شمشاد نے کہا:
راجہ صاب جے پتہ ہوندا تے ضرور لخ دیندا۔
چلو اسی اینج ای کم چلا لینے
آں