جندے نی! ۔ افضل ساحر

فرخ منظور — اپریل 26، 2009 12:23 شام

جندے نی!

[font=urdu_umad_nastaliq]از افضل ساحر[/font]
جندے نی! تُوں کیکن جمّی
پیر پیر تے نِت بکھیڑے
جیون دی راہ لمّی
جندے نی! کیہ لچھن تیرے
پھنیئر نال یرانے وی نیں
جوگی ول وی پھیرے
جندے نی! کیہ ساک سہیڑے
اِک بُکل وچ رانجھن ماہی
دُوجی دے وچ کھیڑے
جندے نی ! کیہ کارے کیتے
آپے آس دے چولے پاڑے
آپے بہہ کے سیتے!
جندے نی! تک چیت وساکھاں
تُوں پھردی ایں میل کُچیلی
دس! تینوں کیہ آکھاں!؟
جندے نی! تیرا کارج کوڑا
سِر تے شگناں والِیاں گھڑیاں
کڈھ وچھایا ای پھُوہڑا!!
جندے نی! تینوں کیہڑا دسّے
لُوں لُوں تیرا عیباں بھریا
موت و ٹیندی رسّے
جندے نی! تیرے ساہ نکارے
موئے مونہہ نال آ بیٹھی ایں
جیون دے دربارے
جندے نی! کیہ اَتّاں چائیاں
ہس کھیڈن دی ویلھ نہ تینوں
کردی پھریں لڑائیاں
جندے نی! کیہ ویلے آئے
اِک دوجے دی جان دے وَیری
اِکّو ماں دے جائے
جندے نی! تیرے جِیوَن ماپے
آپے ہتھیں ڈولی چاڑھن
آپے کرن سیاپے
جندے نی! کِس ٹونے کیتے
دِل دریا تے نین سمندر
روون بیٹھے چُپ چپیتے
جندے نی! کیہ کھیڈاں ہوئیاں
پیو پُتراں دے پیریں پے کے
ماواں دھیاں روئیاں
جندے نی! کیہ کاج کمائے
جِنے وی توں سنگ سہیڑے
روح دے میچ نہ آئے
جندے نی! کیہ ہونیاں ہوئیاں
عشقے دے گھر رہ کے اکھّیاں
نہ ہسیاں نہ روئیاں
جندے نی! تیرے ساہ کچاوے
روز دیہاڑے مرنا پیندا
فیر وی موت ڈراوے

نایاب — اپریل 26، 2009 12:55 شام

السلام علیکم
محترم سخنور جی
کیا ساحرانہ کلام ہے ۔
لفظ نگینے کی طرح ۔
جذبوں کے نور سے دمک رہے ہیں ۔
بہت شکریہ اتنا اچھے کلام سے محظوظ کرنے کا
نایاب

آبی ٹوکول — اپریل 26، 2009 12:59 شام

بہت ودیا جی بہت ودیا

فرخ منظور — اپریل 26، 2009 2:06 شام

نایاب نے کہا:
السلام علیکم
محترم سخنور جی
کیا ساحرانہ کلام ہے ۔
لفظ نگینے کی طرح ۔
جذبوں کے نور سے دمک رہے ہیں ۔
بہت شکریہ اتنا اچھے کلام سے محظوظ کرنے کا
نایاب

بہت شکریہ نایاب صاحب! افضل ساحر صاحب میرے چنگے دوست وی نیں تے ایف ایم 103، لاہور توں دو پروگرام وی کردے نیں اک ادھی راتی پروگرام وی کردے نیں ادھی راتی والا پروگرام واوا چنگا ہوندا اے۔

فرخ منظور — اپریل 26، 2009 2:07 شام

آبی ٹوکول نے کہا:
بہت ودیا جی بہت ودیا

بہت شکریہ آبی صاحب!

محمد وارث — اپریل 26، 2009 5:43 شام

واہ، بہت خوبصورت تے من موہنا کلام اے، زندگی دے سحر تے مختلف روپاں دی کیا خوبصورت تے سچی تصویر کچھی اے ساحر ہوراں!
شکریہ فرخ صاحب شیئر کرن لئی تے جے افضل ساحر ہوراں نال ملاقات ہووے تے ساڈا سلام وی آکھناں سوہنیو

فرخ منظور — اپریل 26، 2009 5:57 شام

محمد وارث نے کہا:
واہ، بہت خوبصورت تے من موہنا کلام اے، زندگی دے سحر تے مختلف روپاں دی کیا خوبصورت تے سچی تصویر کچھی اے ساحر ہوراں!
شکریہ فرخ صاحب شیئر کرن لئی تے جے افضل ساحر ہوراں نال ملاقات ہووے تے ساڈا سلام وی آکھناں سوہنیو

جی کیوں نئیں وارث صاحب ضرور سلام آکھاں گا۔

بہت شکریہ پڑھن لئی تے پسند کرن لئی جناب دا۔

محسن حجازی — اپریل 27، 2009 12:36 شام

میں کہناں جی کہ کیا ای باتاں نیں۔
ساڈی تاں جیب ای تاں لا چھڈی اے۔
بہت اعلی!

فرخ منظور — اپریل 27، 2009 1:31 شام

محسن حجازی نے کہا:
میں کہناں جی کہ کیا ای باتاں نیں۔
ساڈی تاں جیب ای تاں لا چھڈی اے۔
بہت اعلی!

شکریہ محسن! تہاڈے بغیر تے ایتھے محفل بڑی سونی اے ۔ جلدی جلدی چکر لایا کرو جناب

فا ر و ق — اپریل 27، 2009 8:29 شام

نایاب نے کہا:
السلام علیکم
محترم سخنور جی
کیا ساحرانہ کلام ہے ۔
لفظ نگینے کی طرح ۔
جذبوں کے نور سے دمک رہے ہیں ۔
بہت شکریہ اتنا اچھے کلام سے محظوظ کرنے کا
نایاب

پاجی پنجابی نہیں اندی تانوں کی

فا ر و ق — اپریل 27، 2009 8:33 شام

سخنور توساں تے لگداوے کہ پنجابیچ پی ایچ ڈی کیتی ہوئی بڑا چنگا لکہدے یو توسی

محسن حجازی — اپریل 28، 2009 7:15 صبح

سخنور نے کہا:
شکریہ محسن! تہاڈے بغیر تے ایتھے محفل بڑی سونی اے ۔ جلدی جلدی چکر لایا کرو جناب

جناب اصل وچ ساڈے نال وی افضل ساحر والی ہو رئی اے۔ سپاں نال وی یاری اے تو جوگیاں ول وی پھیرے نیں۔ :grin:

بقول غالب:
عبادت کرتا ہوں برق کی اور افسوس حاصل کا۔
پنجابی دا ذخیرہ الفاظ جیہڑا اے او گھٹدا جا ریا اے تے ساڈے ورگے جنہاں نے پنجابی گھروں نئیں بلکہ گلی محلے تو سکھی اے اونہاں دا حال ہور وی بھیڑا اے۔
پنجابی رسم الخط دے بارے وچ کوئی معیار بندی ہوئی اے کسے پاسے؟

فرخ منظور — اپریل 28، 2009 7:56 صبح

فا ر و ق نے کہا:
سخنور توساں تے لگداوے کہ پنجابیچ پی ایچ ڈی کیتی ہوئی بڑا چنگا لکہدے یو توسی

شکریہ فاروق صاحب۔ پَر میں کوئی پی ایچ ڈی نئیں کیتی ۔ بلکہ کالج تو بعد پنجابی پڑھنا شروع کیتی تے شروع وچ بڑی مشکل لگی پڑھنی۔ لیکن فیر عادت ہوندی گئی۔ اجے وی پنجابی دا نکا جیہا طالب علم ہاں۔

فرخ منظور — اپریل 28، 2009 8:05 صبح

محسن حجازی نے کہا:
جناب اصل وچ ساڈے نال وی افضل ساحر والی ہو رئی اے۔ سپاں نال وی یاری اے تو جوگیاں ول وی پھیرے نیں۔
بقول غالب:
عبادت کرتا ہوں برق کی اور افسوس حاصل کا۔
پنجابی دا ذخیرہ الفاظ جیہڑا اے او گھٹدا جا ریا اے تے ساڈے ورگے جنہاں نے پنجابی گھروں نئیں بلکہ گلی محلے تو سکھی اے اونہاں دا حال ہور وی بھیڑا اے۔
پنجابی رسم الخط دے بارے وچ کوئی معیار بندی ہوئی اے کسے پاسے؟

افضل ساحر والی تے سبھاں نال ہورئی اے۔ فیر وی ایس محفل نوں جوگی سمجھ کے ایتھے پھیرے پا لیا کرو۔

پنجابی رسم الخط نوں کافی سٹنڈرڈائز کیتا گیا سی لیکن کمپیوٹر تے یونی کوڈ آون لان فیر اے رسم الخط مخمصے دا شکار اے۔ اجے تک کسے نیں پنجابی کی بورڈ نئیں بنایا۔ ویسے تے پنجابی تے اردو حروف اکو جیہے نے لیکن صرف کج حرفاں دا فرق اے جسراں اڑ نون تے اڑ لام۔ البتہ پنجابی لہجے کافی مختلف نے تے ایس لئی لیندے دی پنجابی نوں سٹینڈرڈ منیا گیا اے۔ لیندے دا علاقہ یعنی سرگودھا تے اودے مضافات وغیرہ نوں کیہا جاندا اے۔

فا ر و ق — اپریل 30، 2009 8:03 شام

سخنور نے کہا:
شکریہ فاروق صاحب۔ پَر میں کوئی پی ایچ ڈی نئیں کیتی ۔ بلکہ کالج تو بعد پنجابی پڑھنا شروع کیتی تے شروع وچ بڑی مشکل لگی پڑھنی۔ لیکن فیر عادت ہوندی گئی۔ اجے وی پنجابی دا نکا جیہا طالب علم ہاں۔

ایہی لفظ تے توہاڈی وڈیای دس دیے پیے نیں

فا ر و ق — اپریل 30، 2009 8:07 شام

سخنور نے کہا:
افضل ساحر والی تے سبھاں نال ہورئی اے۔ فیر وی ایس محفل نوں جوگی سمجھ کے ایتھے پھیرے پا لیا کرو۔
پنجابی رسم الخط نوں کافی سٹنڈرڈائز کیتا گیا سی لیکن کمپیوٹر تے یونی کوڈ آون لان فیر اے رسم الخط مخمصے دا شکار اے۔ اجے تک کسے نیں پنجابی کی بورڈ نئیں بنایا۔ ویسے تے پنجابی تے اردو حروف اکو جیہے نے لیکن صرف کج حرفاں دا فرق اے جسراں اڑ نون تے اڑ لام۔ البتہ پنجابی لہجے کافی مختلف نے تے ایس لئی لیندے دی پنجابی نوں سٹینڈرڈ منیا گیا اے۔ لیندے دا علاقہ یعنی سرگودھا تے اودے مضافات وغیرہ نوں کیہا جاندا اے۔

میں تے سونیا سی کہ لاہور دی پنجابی سٹینڈرڈ دی ہے ؟

فرخ منظور — مئی 1، 2009 8:46 صبح

فا ر و ق نے کہا:
میں تے سونیا سی کہ لاہور دی پنجابی سٹینڈرڈ دی ہے ؟

اے ساڈے ورگے لہوریے سمجھدے نیں کہ اسی جیہڑی پنجابی بولنے ہاں او سب تو ودیا اے ۔ لیکن لہور دی پنجابی وچ اردو تے انگریزی زباناں دا بڑا اثر اے۔ ایس لئی لہور دی پنجابی نوں سٹینڈرڈ نئیں بنایا جا سکدا۔ لہٰذا خالص پنجابی نوں ای پنجابی محققاں نے سٹینڈرڈ منیا اے۔ جسراں لفظ پرا (بھائی) لہور وچ بولیا جاندا اے لیکن اصل تلفظ ایدا بھرّا (بھائی) اے۔ ہور وی کافی سارے لفظاں دا تلفظ لہور وچ ٹھیک نئیں بولیا جاندا۔

فا ر و ق — مئی 3، 2009 1:27 شام

نہیں جی نہیں میں نہیں مندا
توسی کچھ لوکاں نو ویکھ کے تے پنجابی زبان نوای لاہور وچوں کڈ دیتا وے
اے گل کچھ چنگی نہیں

فرخ منظور — مئی 3، 2009 2:25 شام

فا ر و ق نے کہا:
نہیں جی نہیں میں نہیں مندا
توسی کچھ لوکاں نو ویکھ کے تے پنجابی زبان نوای لاہور وچوں کڈ دیتا وے
اے گل کچھ چنگی نہیں

ایہہ گل تے میرے والد صاحب وی نئیں مندے۔ مگر کی کریے سارے پنجابی محقق ایس گل تے متفق نیں۔