شمشاد — دسمبر 26، 2013 10:35 شام
جے توں مرزا ہُندوں رانجھیا
تے میں تتڑی زہر نہ پَھک دی
ساڈے پیار دی سانجھی پینگ نُوں
بھیڑیا موت دی توڑ نہ سَک دی
تیری کڑی کمان دے مان تے
وی میں کیدو، قاضی ڈَک دی
تُوں کھیڑیاں نُوں بیبا سِجدوں
میں سیالاں نال نَجٹھ دی
تُوں بھانبڑ بن کے مَچدوں
میں ہنیری بن کے جُھلدی
میں ویکھ وی میرے ہتھ دی
گنڈ کسے توں کیویں کُھلدی
جے توں مرزا ہُندوں رانجھیا
وی میں خورے کیہ کجھ کردی
نہ توں بِن آئیوں مردوں
نہ میں بِن آئیوں مردی
(احمد راہی)
قیصرانی — دسمبر 26، 2013 10:39 شام
کافی مشکل لیکن کافی حد تک سمجھ آ گیا
نایاب — دسمبر 27، 2013 4:01 صبح
راہی ہوراں کس راہ پا دتا راہیاں نوں ۔۔۔۔۔۔۔۔
تُوں بھانبڑ بن کے مَچدوں
میں ہنیری بن کے جُھلدی
میں ویکھ وی میرے ہتھ دی
گنڈ کسے توں کیویں کُھلدی
بہت شکریہ بہت دعائیں محترم شمشاد بھائی
ماہی احمد — دسمبر 27، 2013 4:12 صبح
بہت ہی عمدہ
تلمیذ — دسمبر 27، 2013 10:04 صبح
احمد راہی ہورا ں دا کلام وی نویکلا اے۔ پر میرے وچار نال سچا عشق کدے رَناں نوں کڈھن دے راہ نئیں پاندا۔مرزے دی پریت ، پریت نئیں سگوںچھڑی ہوس تے لوبھ سی۔ ایس دے مقابلے وچ رانجھے نمانے نےآپنی تپسیا دی منزل پان لئی بھرجائیاں دے مہنے سہن ، چوچک دیاں مجھاں چارن توں لے کے کن پڑوا کے خیر منگن تیک ہیر نوں حاصل کرن لئی آپنے تن تے روح اتے بوہت ساریاں اوکڑاں جالیاں ، جدھے پاروں اج تیک اوہدا ناں پنجاب دی دھرتی وچ اک سچے عاشق وانگوں زندہ اے۔ تن دی ہوس دے آکھے لگ کے کُڑی کڈھ لیاؤنا عشق تے نئیں ہو سکدا۔
فلک شیر,
نیرنگ خیال,
شمشاد — دسمبر 27، 2013 10:11 صبح
احمد راہی ہورا ں دا کلام وی نویکلا اے۔ پر میرے وچار نال سچا عشق کدے رَناں نوں کڈھن دے راہ نئیں پاندا۔مرزے دی پریت ، پریت نئیں سگوںچھڑی ہوس تے لوبھ سی۔ ایس دے مقابلے وچ رانجھے نمانے نےآپنی تپسیا دی منزل پان لئی بھرجائیاں دے مہنے سہن ، چوچک دیاں مجھاں چارن توں لے کے کن پڑوا کے خیر منگن تیک ہیر نوں حاصل کرن لئی آپنے تن تے روح اتے بوہت ساریاں اوکڑاں جالیاں ، جدھے پاروں اج تیک اوہدا ناں پنجاب دی دھرتی وچ اک سچے عاشق وانگوں زندہ اے۔
تن دی ہوس دے آکھے لگ کے کُڑی کڈھ لیاؤنا عشق تے نئیں ہو سکدا۔ (تدوین شدہ)
فلک شیر,
نیرنگ خیال,
تلمیذ جی تہاڈے مراسلے دے آخیر وچ جہیڑا فقرہ لکھیا ہویا اے، کجھ سمجھ نئیں آئی۔ میرا خیال ہے تُسی اگے وی کجھ لکھنا چاوندے سی۔
سید شہزاد ناصر — دسمبر 27، 2013 10:14 صبح
جے توں مرزا ہُندوں رانجھیا
وی میں خورے کیہ کجھ کردی
نہ توں بِن آئیوں مردوں
نہ میں بِن آئیوں مردی
گل ای مکا دتی
تے ایہو ای
محترم بھاجی نے کیتی اے
بہت ودھیا شراکت
ہسدے وسدے رہو
تلمیذ — دسمبر 27، 2013 10:16 صبح
تلمیذ جی تہاڈے مراسلے دے آخیر وچ جہیڑا فقرہ لکھیا ہویا اے، کجھ سمجھ نئیں آئی۔ میرا خیال ہے تُسی اگے وی کجھ لکھنا چاوندے سی۔
نشان دہی لئی شکریہ، جناب ۔ اک لفظ 'نئیں' رہ گیا سی۔ تدوین کر دتی اے۔ جے ممکن ہے وے تے تسیں وی آپنے اقتباس وچ ٹھیک کر دیو۔
شمشاد — دسمبر 27، 2013 10:20 صبح
مراسلہ مدون کر دیا ہے تلمیذ بھائی۔