دودھ وچوں اُڈ گئی چَٹیائی
تے چَٹنی چُوں کَٹھیائی
لَونگاں دے لشکارے مُکے
وَنگاں دی چھنکار
تے اُچے شَملے والیاں دی وڈیائی
یاداں وچوں چَیتے بُھل گئے
چَیتیاں وِچوں شکلاں
تے اکھاں چوں شَنائی
َگَلاں وِچوں باتاں گَئیاں
باتاں وچوں معنی مطلب
قلماں چوں رُشنائی
معاف کریں
میرے جَھوٹھے مُوہنوں نکل گئی سچیائی
اے گل سَجی اوہ گل کَھبّی
سِگرٹ دَس روپے دی ڈبی
کَھوتے کَوہن قصائی
اندر بوٹی مُشک مچایا
جاں پھُلن تے آئی
"جیوے جیوے پاکستان"
تے
سوہنڑی دھرتی اللہ رکھے
واہ واہ طرز بنائی
رَنگ بَرنگے لَوکی آئے
ون سَوِنّیاں ناراں
باہر قطاراں دے وِچ کاراں
اندر خلق خدائی
اِک گل میری پَلّے بَنّھ لو
کِہن لگا حلوائی
مکھیاں وی اُڈ جان گِیاں
جَدوں مُک گئی مَٹھیائی
تے چَٹنی چُوں کَٹھیائی
لَونگاں دے لشکارے مُکے
وَنگاں دی چھنکار
تے اُچے شَملے والیاں دی وڈیائی
یاداں وچوں چَیتے بُھل گئے
چَیتیاں وِچوں شکلاں
تے اکھاں چوں شَنائی
َگَلاں وِچوں باتاں گَئیاں
باتاں وچوں معنی مطلب
قلماں چوں رُشنائی
معاف کریں
میرے جَھوٹھے مُوہنوں نکل گئی سچیائی
اے گل سَجی اوہ گل کَھبّی
سِگرٹ دَس روپے دی ڈبی
کَھوتے کَوہن قصائی
اندر بوٹی مُشک مچایا
جاں پھُلن تے آئی
"جیوے جیوے پاکستان"
تے
سوہنڑی دھرتی اللہ رکھے
واہ واہ طرز بنائی
رَنگ بَرنگے لَوکی آئے
ون سَوِنّیاں ناراں
باہر قطاراں دے وِچ کاراں
اندر خلق خدائی
اِک گل میری پَلّے بَنّھ لو
کِہن لگا حلوائی
مکھیاں وی اُڈ جان گِیاں
جَدوں مُک گئی مَٹھیائی