دھی ۔ناعمہ عزیز

ناعمہ عزیز — جنوری 18، 2016 12:36 شام

لوکیں مینو کی کی سمجھن
اونہاں دی میں لگدی کی آں
میرے ماپیاں کولوں پچھو
جنہاں دی میں چنگی دھی آں
ماپیاں مینوں جم کے دتا

پالیا، پوسیا ، وڈا کیتا

ہسیا ، کھیڈیا ، کھاد ا ، پیتا
کپڑا ، لتا اونہاں سیتا
گلیاں گلیاں پیر کسائے
راتاں لائیاں دن وی لائے
کھول مقدراں دا اے تالا
رب دے بہہ کے ترلے پائے
لوجی رخصت آن پئی جے
ماپیاں اندر جان پئی جے
دھی نوں گھل کے ڈھے گئے جے
ماپے دل تے لے گئے جے
لے نی دھیے ٹھنڈاں پا دے
ساڈے دل تو فکراں لادے
گل نا لگ کے دھی رو پئی اے
ویکھن لگدی ادھی جئی اے
چل نی دھیے چپ کر سہہ لا
دو چار گھڑیاں ہوؤکے لے لا
ماپے تینو چھڈ نئیں دینا

چار دیہاڑے ایتھے رہ لا

ماں دی گل نوں پلو بندھ لے
گھر وسانے اوکھے نئیں آں
دھیے مرنا پے جاندا ای
ایڈے پینڈے سوکھے نئیں آں
ناعمہ عزیز

ناعمہ عزیز — جنوری 18، 2016 12:40 شام

استاتذہ کی توجہ درکار ہے۔
الف عین انکل

نایاب — جنوری 18، 2016 12:43 شام

حق ۔۔۔۔۔۔۔۔۔۔۔۔۔۔۔۔
"دھیاں دھن پرایا "

لوکیں مینو جانور سمجھن
اونہاں دی میں لگدی کی آں
میرے ماپیاں کولوں پوچھو
جنہاں دی میں چنگی دھی آں

اللہ سوہنا سب بیٹیوں کے نصیب میں اپنی رحمتوں بھری بہاریں مقدر فرمائے آمین
بہت دعائیں

نایاب — جنوری 18، 2016 12:46 شام

ناعمہ عزیز نے کہا:
استاتذہ کی توجہ درکار ہے۔
الف عین انکل

استادمحترم محمد یعقوب آسی بھائی
محترم فلک شیر بھائی
محترم اوشو بھائی
بہت دعائیں

حمیرا عدنان — جنوری 18، 2016 1:13 شام

ماشاء اللہ ناعمہ سچ پوچھیں تے میرے کول الفاظ نہیں ہیگے دل دے تار ہلا دیتے اس نظم نے

نور وجدان — جنوری 18، 2016 1:43 شام

بہت خوب نظم ہے
ماں دی گل۔نو پلو بندھ لے
گھر وسانے اوکھے نئٰں آ

حسن ترمذی — جنوری 18، 2016 2:03 شام

پنجابی زبان میں نظم یا غزل لکھنا بذات خود بہت مشکل کام ہے
اور آپ نے یہ کام بخوبی کیا ہے
خوش رہیں

ناعمہ عزیز — جنوری 18، 2016 2:03 شام

نایاب نے کہا:
حق ۔۔۔۔۔۔۔۔۔۔۔۔۔۔۔۔
"دھیاں دھن پرایا "
لوکیں مینو جانور سمجھن

اونہاں دی میں لگدی کی آں
میرے ماپیاں کولوں پوچھو
جنہاں دی میں چنگی دھی آں
اللہ سوہنا سب بیٹیوں کے نصیب میں اپنی رحمتوں بھری بہاریں مقدر فرمائے آمین
بہت دعائیں

آمین۔

ناعمہ عزیز — جنوری 18، 2016 3:38 شام

حمیرا عدنان نے کہا:
ماشاء اللہ ناعمہ سچ پوچھیں تے میرے کول الفاظ نہیں ہیگے دل دے تار ہلا دیتے اس نظم نے

بہت شکریہ۔ میں تے آپ وی رو پئی سی اک واری پڑھ کے

ناعمہ عزیز — جنوری 18، 2016 3:39 شام

نور سعدیہ شیخ نے کہا:
بہت خوب نظم ہے
ماں دی گل۔نو پلو بندھ لے
گھر وسانے اوکھے نئٰں آ

بہت شکریہ سعدیہ

سعیدالرحمن سعید — جنوری 18، 2016 4:01 شام

ناعمہ بہن جی ۔ تہاڈی نظم دا خیال تے ڈھاڈا سوہنا تے من موہنا اے۔ پر اساں نوں پنجابی دیاں بحراں تے وزن دا رتی بھر وی ادراک کوئی نا۔ کجھ تھاواں تے پنجابی املا دی غلطی اے ، جنویں کہ "" میرے ماپیاں کولوں پوچھو"" وچ پوچھو دی جگہ " پچھو" ہونا چاہیدا اے

دوجے اے کہ تہاڈی نظم پڑھن وچ کِتے کِتے اٹکدی اے جند ا مطلب اے کتے کتے بحر تے وزن وچ کوئی گڑ بڑ ضرور اے۔ اساں دی دعا اے تسی اپنے گھری ہمیش ہسدے وسدے روو۔ اساں بھراواں دیاں دعاواں تہاڈے نال نے بیبا۔

اوشو — جنوری 18، 2016 5:09 شام

اپنے انملے جذبیاں نوں اکھراں دی راہی پیش کرنا ڈاھڈا اوکھا کم اے۔ دھی جمدی اے ماپیاں دے گھر اللہ دی رحمت پیر پاندی اے۔ ماں دی اکھاں دا نور، پیو دے دل دا سرور تے بھراواں دی لاڈو رانی جد وداع ہو کے ان دیکھے رستیاں دی راہی ہو جاندی اے تے اوس دے دل تے کی بیتدی اے۔ ایہناں جذبیاں دے اظہار سوہنے اکھراں وچ کیتا اے تساں۔ مولا کریم سب دھیاں رانیاں نوں ہمیشہ شاد آباد تے ہسدا وسدا رکھے۔
ڈھیر دعاواں ناعمہ عزیز لئی

محمد وارث — جنوری 19، 2016 4:49 صبح

لاجواب

سجاد علی — جنوری 31، 2016 3:30 شام

بہت اعلیٰ! ساڈا دل melt ہوگیا سی

سجاد علی — جنوری 31، 2016 3:33 شام

میں سندھی آن۔ مینوں اینی پنجابی نئیں آندی اے، ایس لئی میں پنج واری پڑھیا! اکھاں اچ ہنجو آگئے سی۔

محمد بلال اعظم — فروری 1، 2016 8:25 صبح

کمال
کیا کہنے

کامران عاشر — فروری 1، 2016 9:09 صبح

ماں دی گل نوں پلو بندھ لے
گھر وسانے اوکھے نئیں آں
دھیے مرنا پے جاندا ای
ایڈے پینڈے سوکھے نئیں آں
بہت ودھیا
اس سنسان فورم ول جھاتی مارن دا وی شکریہ

ناعمہ عزیز — فروری 1، 2016 7:59 شام

سعیدالرحمن سعید نے کہا:
ناعمہ بہن جی ۔ تہاڈی نظم دا خیال تے ڈھاڈا سوہنا تے من موہنا اے۔ پر اساں نوں پنجابی دیاں بحراں تے وزن دا رتی بھر وی ادراک کوئی نا۔ کجھ تھاواں تے پنجابی املا دی غلطی اے ، جنویں کہ "" میرے ماپیاں کولوں پوچھو"" وچ پوچھو دی جگہ " پچھو" ہونا چاہیدا اے

دوجے اے کہ تہاڈی نظم پڑھن وچ کِتے کِتے اٹکدی اے جند ا مطلب اے کتے کتے بحر تے وزن وچ کوئی گڑ بڑ ضرور اے۔ اساں دی دعا اے تسی اپنے گھری ہمیش ہسدے وسدے روو۔ اساں بھراواں دیاں دعاواں تہاڈے نال نے بیبا۔

تہاڈے کہن تے میں اپنی غلطی سہی کیتی سی ، مینو وی ایدھے وچ بحر دا مسئلہ لگ ریا سی پر میری بدقسمتی کہ مینو کوئی وی پنجابی دا استاد نہیں مل سکیا جیدھے کولوں اینوں درست کروا لیندی۔ ایس لئی میں دوبارہ ادھر آئی نئیں نا ای اے نظم ہور کتے پوسٹ کیتی اے۔
دعاؤاں لئی مشکور آں۔

ناعمہ عزیز — فروری 1، 2016 8:03 شام

اوشو نے کہا:
اپنے انملے جذبیاں نوں اکھراں دی راہی پیش کرنا ڈاھڈا اوکھا کم اے۔ دھی جمدی اے ماپیاں دے گھر اللہ دی رحمت پیر پاندی اے۔ ماں دی اکھاں دا نور، پیو دے دل دا سرور تے بھراواں دی لاڈو رانی جد وداع ہو کے ان دیکھے رستیاں دی راہی ہو جاندی اے تے اوس دے دل تے کی بیتدی اے۔ ایہناں جذبیاں دے اظہار سوہنے اکھراں وچ کیتا اے تساں۔ مولا کریم سب دھیاں رانیاں نوں ہمیشہ شاد آباد تے ہسدا وسدا رکھے۔
ڈھیر دعاواں ناعمہ عزیز لئی

بہو شکریہ ۔
اللہ توانوں وی ہمیشہ خوش رکھے۔ آمین