ربّا از صابر علی صابر

نیرنگ خیال — جون 9، 2013 5:37 شام

زبیر مرزا بھرا نیں جدوں ایتھے پروفیسر موہن صاب دی نظم "رب" پیش کیتی تے مینوں صابر ہوراں دی نظم ربّا یاد آگئی۔۔۔ فوری پیش کرن دا خیال ایس لئی آیا کہ تلمیذ سر نے اڈیک ول اشارہ کیتا تے میں سوچیا۔۔۔ ماڑے ذہن دا بندا واں۔۔۔ کدھرے ائے گل ذہنوں ائ نہ نکل جائے۔۔۔۔

تے حاضر اے نظم ربا۔۔۔
ربا!
بے شک
جگ دی
ہر اِک شے دا
مالک توں ایں
تیری شے دا
ایتھے مالک بن دا جیہڑا
کیہ اے؟
اُلٹا کافر آکھن
جے میں دساں
کیہڑا کیہ اے
توں قادر ایں
کر دیویں جے سانجھا ویہڑا
کیہ اے؟
ملکیت دے رولے کیوں
جد سب دا خالق توں ایں
ربا!
بے شک
جگ دی ہر اک شے دا
مالک توں ایں
ربا!
تیرے حُکم بِنا جے
پتّا وی نہیں ہلدا
کیہ سمجھاں فر
ہر ماڑے تے تگڑے پچھے توں ایں؟
لگدے پئے نیں جیہڑے سانوں
رگڑے
پچھے توں ایں؟
مسجد مندر تے گرجے دے جھگڑے
پچھے توں ایں؟
اینے خون خرابے دے وچ
تینوں کیہ اے ملدا؟
ربا!
تیرے حُکم بِنا جے
پتّا وی نہیں ہلدا

بھلکڑ — جون 9، 2013 5:38 شام

اُلٹا کافر آکھن
جے میں دساں
کیہڑا کیہ اے
واہ واہ۔۔۔کیہ خوب کلام محفل چ شریک کر دِتا۔۔۔۔۔۔سُبحان اللہ

نیرنگ خیال — جون 9، 2013 5:41 شام

بھلکڑ نے کہا:
اُلٹا کافر آکھن
جے میں دساں
کیہڑا کیہ اے
واہ واہ۔۔۔ کیہ خوب کلام محفل چ شریک کر دِتا۔۔۔ ۔۔۔ سُبحان اللہ

کلام نوں پسند کرن دا شکریہ بھلکڑ بھرا

زبیر مرزا — جون 9، 2013 6:00 شام

واہ جناب مہربانی تہاڈی کلام پیش کرن لئی
ایتھے بھا جہانزیب نوں وی سد لئے تے نالے بھا محمود احمد غزنوی ہوراں نوں وی

باباجی — جون 9، 2013 6:06 شام

واہ بوت ای خوبصورت کلام
ربا!
تیرے حُکم بِنا جے
پتّا وی نہیں ہلدا
کیہ سمجھاں فر
ہر ماڑے تے تگڑے پچھے توں ایں؟
لگدے پئے نیں جیہڑے سانوں
رگڑے
پچھے توں ایں؟
مسجد مندر تے گرجے دے جھگڑے
پچھے توں ایں؟
اینے خون خرابے دے وچ
تینوں کیہ اے ملدا؟
ربا!
تیرے حُکم بِنا جے
پتّا وی نہیں ہلدا

تلمیذ — جون 9، 2013 6:09 شام

بے شک
جگ دی ہر اک شے دا
مالک توں ایں
ہمیش طراں صابر ہوراں دا ودھیا کلام!

اوشو — جون 9، 2013 6:15 شام

سوہنا کلام اے۔
خوش رہو نیرنگ خیال جی

سید زبیر — جون 9، 2013 6:35 شام

نیرنگ خیال بھرا ! سہنا کلام پیش کرن دا شکریہ ، ایہہ گل ہر انسانی ذہن وچ لازما آوندی اے ، علامہ اقبالٌ دا شکوہ وی اسی سوچ دی عکاسی کردا اے پر رب دی مصلحتاں وی رب ای جانے
رب راضی تے سارا جگ راضی ، ربا بس توں راضی رہ

نیرنگ خیال — جون 10، 2013 5:22 صبح

زبیر مرزا نے کہا:
واہ جناب مہربانی تہاڈی کلام پیش کرن لئی
ایتھے بھا جہانزیب نوں وی سد لئے تے نالے بھا محمود احمد غزنوی ہوراں نوں وی

بہت شکریہ سرکار۔۔۔ کلام نوں پسند کرن دا۔۔۔

باباجی نے کہا:
واہ بوت ای خوبصورت کلام
ربا!
تیرے حُکم بِنا جے
پتّا وی نہیں ہلدا
کیہ سمجھاں فر
ہر ماڑے تے تگڑے پچھے توں ایں؟
لگدے پئے نیں جیہڑے سانوں
رگڑے
پچھے توں ایں؟
مسجد مندر تے گرجے دے جھگڑے
پچھے توں ایں؟
اینے خون خرابے دے وچ
تینوں کیہ اے ملدا؟
ربا!
تیرے حُکم بِنا جے
پتّا وی نہیں ہلدا

فراز صاب کدرے غیب او اجکل۔۔۔ کِتے کوئی خبر نئیوں پیندی تہاڈی۔۔۔

تلمیذ نے کہا:
بے شک
جگ دی ہر اک شے دا
مالک توں ایں
ہمیش طراں صابر ہوراں دا ودھیا کلام!

سرکار تہاڈا شکرگزار واں۔۔۔

اوشو نے کہا:
سوہنا کلام اے۔
خوش رہو نیرنگ خیال جی

شکریہ ملک صاب۔۔۔ ہور کی حال احوال نیں۔۔۔

سید زبیر نے کہا:
نیرنگ خیال بھرا ! سہنا کلام پیش کرن دا شکریہ ، ایہہ گل ہر انسانی ذہن وچ لازما آوندی اے ، علامہ اقبالٌ دا شکوہ وی اسی سوچ دی عکاسی کردا اے پر رب دی مصلحتاں وی رب ای جانے
رب راضی تے سارا جگ راضی ، ربا بس توں راضی رہ

سر جی تہاڈا بووت شکریہ کلام نوں مسند پسندیدگی تے بٹھان دا۔۔۔۔

بے شک رب دیاں رب ای جانیں۔۔۔۔ کوئی شک نئیں۔۔۔