سوچ سمندر

سوچ سمندر تردے عمر گزار لئی
دُکھڑے جردے جردے عمر گزار لئی
او ہدی سانجھ تے فیر وی رہی اے غیراں نال
جس دا پانی بھردے عمر گزار لئی ،
کالی رات وے مُکھ توں کالک دھون لئی
چانن کردے کردے عمر گزار لئی
آیا نہ آرام نمانے زخماں نوں
مرہم دھردے دھردے عمر گزار لئی
رہ کے کھکھاں دی کلی وچ ایس ملوک
پالے ٹھردے ٹھردے عمر گزار لئی ، ۔۔

بہت ودیا بوچھی آپا۔

شکریہ عباس بھائی ،،

ایہدا شاعر کونڑ‌اے؟ ودیا کلام اے ۔

جی اسوقت مینوں یاد نہیں آندا پئا ، ایدا شاعر اللہ جانے کون اے۔،
یاد آیا تے تانوں دس جاواں گی ۔

بہت شکریہ تہاڈا خوبصورت کلام شیئر کرن لئی

تہاڈا وی بہت شکریہ وارث ص ،

بہت ودیا اے جی

سوچ سمندر تردے عمر گزار لئی
واہ۔ بہت خوب شازیہ جی
بہت شکریہ

میری طرفوں پیش کرن لئی مبارکباد
بڑا پیارا کلام اے شاعر نوں ست سلام سے مبارکباد