سیہہ دا کنڈا

عبدالقیوم چوہدری — اپریل 3، 2019 10:27 صبح

سیہہ دا کنڈا
نکی عمرے
پیر چ لگیا ..کسے نہ کڈھیا
ھولی ھولی گَل تک آیا
گَل توں اگے
منہ چوں جھاکے
اکھ چ لِشکے
جِیبھاں وچوں باھر نوں لمکے
ویہڑےدی وچکارلی کندھ تے
رفلاں بن بن جھاتیاں پاوے
بوڑھ دے رُکھ توں داڑھی بن بن
لمکے
مسجد دے مینار تے چمکے
گردوارے مندر دے کلساں تے لشکے
پَگاں ٹوپیاں وِچوں جھاکے
عالم فاضل ودواناں دے منہ چوں لمکے
سیہہ دا کنڈا
نکے ھندیاں پیر چ لگیا
کسے نہ کڈھیا
ٹردا جاوے
ٹردا جاوے
(طارق گجر )
https://goo.gl/images/fZzBVs?fbclid=IwAR1rjSV7sOXWyEjqWqMd5m9DGgR9mZ9mFydYWOf8uZi8Wx6i3kWr_8jGlHQ

ابوعبید — اپریل 3، 2019 11:52 صبح

زبردست ۔۔

جاسمن — اپریل 3، 2019 11:54 صبح

بہت ودھیا۔

عبدالقیوم چوہدری — اپریل 4، 2019 7:35 صبح

ابوعبید نے کہا:
زبردست ۔۔

جاسمن نے کہا:
بہت ودھیا۔

مہربانی جی۔

سردار محمد نعیم — اپریل 4، 2019 7:41 صبح

ودھیا جی!!